Nɛra Kura 32:1 - mzwDBL

¹ Rubin ne Gad dea tena kondɛɛra warɔ taeh. Ba nao kɛ Jasa ne Gelead harɛre wer ne kwaa dɛɛra.

Nɛra Kura 32:1 ပူးပေါင်းရင်းမြစ်များ

Nɛra Kura 21:32

A habɔɔ la, Mosis tomɛ nɛra ba ka sɔh nyiŋi Jasa, asɛ dɛ yo bela tena, dɛ pɔ ba nɛ. Asɛ Israel tena ka lɛ bwɛjeɡre aa baro cheme dɔɔh, dɛ doŋi Amɔre tena baa lɔ bela.

Nɛra Kura 32:35

ne Atrɔt Sofan ne Jasa dɛ Joɡbeha,

Nɛra Kura 32:3

“Atarɔt ne Debɔn ne Jasa ne Nimra ne Hɛsbɔn ne Eleale ne Sebam ne Nɛbo dɛ Beɔn harɛre,

1 Jɔn 2:16

Bwadabii pɛlchɔɡa kwa, ne anɔ la aa ɛ siwi pɛla kwa, ne waa yaa nyina dɛ kpɔa dɛɛ maŋkura ya te la ɛ harɛ nɔ ta wa. A ta ya Mɛɛ waa lɔ nyundua la be leɛ.

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Jeremia 50:19

Kɛ mɛɛ berɔɔ lawɛ Israel tena ba ba harɛ ta, ásɛ ba baa di kondikwaa aa lɔ Kaamɛl Bwejen ne Basan harɛ ta. Baa di kondikwaa ɡɛ bwa baa dɛ nyin Efrem ne Gelead deŋɡarere ta.

2 Samoɛl 24:5

Ba kaa ɡale Jɔɔdan Moo la, dɛ baŋre ba tɛnte deene bɛne Arowa, weekaŋle harɛbɔr bwɛjen waa lɔ fɛlembɔjen bɛl bini, dɛ teŋe kpɔ Gad harɛ ta kaa Jasa.

Josua 13:25

Jasa ne Gelead bwɛjena bwa, ne Amɔn tena harɛ la pera, dɛ́ kpoŋe kaa Arowa waa lɔ bwɛjen Raba wee leebɔr,

Nɛra Kura 32:26

Ya haahna ne bii, ne peera dɛ nae ɛɛ ka Gelead bwɛjena nɔ taa.

Kaala 12:38

Nɛmpɛɛne warɔ dɛ ja ba nɛɛ kaa. Peera ne boohna dɛ nae kohona bwa ɡe jao.

Mumpar 47:4

Ya balɔ dɛ́ ba so harɛ nɔ ta, dɛkalkɛ lɔr chole Keenan harɛ ta taeh, kondikwaa toole ya kondɛɛra kwaraa di. Nomoa, ya dɛ soŋe kɛ he tɛ yaa bɔr ya so Gosen harɛ ta.”

Mumpar 29:32

Lea kpoŋe tea dɛ lolɛ bibaa dɛ pa o sɔn Rubin. O munii kɛŋɔ Korowii na wahala maa lɔ a bini. “Name te n jaa ɛɛ dɛɛ nyin mɛɛ.”

Mumpar 13:5

Dɛ Lɔt ɡe dɔ kondɛɛra kɛŋɔ peera, boohna ne nae taeh, dɛ dɔ haah ne bii dɛ bonɔɔna ɡe.

Mumpar 13:2

Dɛ Abram nɔn bini wer, peera te kɛɛ, boohna kɛɛ nae ɔ? Suuɡapoŋa ne suuɡaswɛm bwa, dɛ o dɔa.

Nɛra Kura 32:2

Anomanta, ba la Mosis ne sɔfo Eliasa dɛ ba Israel tena nomonome be dɛ ka ŋɔ,

Mmarare 33:21

Ba kpɔ harɛ la bodɛɛɡe, nomombɔree ba kpɔ. Ba teŋɛ Korowii waa ne o Mmarare ta, ɡɛ saŋ Israel nomonome fa aa chema la.’

Josua 22:9

Asɛ Rubin ne Gad deene, dɛ Manasɛ dea pera tena la le bela bane Israel tena laa soɡa bwɛjen Silo, o lɔ Keenan harɛ ta, dɛ laa berɛ ba kaa ba ɡbaɡba harɛ ta Gelead, ɡɛ Korowii aa cheɡɛ Mosis nɛɛ dɛ do ba la.

Sitɔɔla 5:16

Bɔkwa waa he ta so peera nɔ baah nɔ? Peteɡra la foola baa foola dɛɛ yerɛ ba peera laanee hɛɛ no kɛɛ? Rubin dea tena bini peɡro, ba ta wone la.

Jeremia 22:6

Gɛ Korowii aa dɛ bol laanee nɔ. “A lole kɛŋɔ Juda koodem wer kɛŋɔ Gelead harɛ ne Lɛbanɔn bwejena n be, kɛ kasinteŋ, mɛɛ ɛɔ kɛŋɔ pua hɛŋle ɡbo harɛ, kɛŋɔ bwɛɛre nɛra aa wola toole a ta ken.

Josua 22:13

Anomanta, Israel tena la tomɛ sɔfo Eliasa bibaa Fenehas a ɡɛ deene la nɛra be, Gelead harɛ ta bela.

2 Samoɛl 24:6

Ba la Gelead harɛ ne bwɛjen Kades waa lɔ Hiti tena harɛ ta, dɛ kpoŋe ka le Dan dɛ bar kaa bwɛjen Sidon bwa.

1 Webena 4:41

Baala baa chwerɛ ba sɔna la balɔ Juda Kooro Hɛsɛkea bere saŋ. Ba kaa yo Ham tena la ba soŋnibɔra, ne Meuni tena ba ɡe aa lɔ bela, dɛ chɔɡ ba kwaraa. A ɛ danseɛ dɛ ba le fini. Ba kpɔ ba soŋnibɔra la so, dɛkalkɛ ba peera dɔ kondikwaa kohona dɛ́ di bela.

Jeremia 8:22

Tɛɛɡa toole Gelead harɛ kɛɛ? Nɛra baa dɛ chah weela toole bela aa? Ɛrɛɛ n nɛra ta chaeh dɔe nɔɔ? Ba ŋwɛra aa won tonɛ.”

Jeremia 48:32

N wio dɛ tɛ Sibma tena dɛ ɡwaa kɛ maa wi tɛ Jasa tena, Bwɛjen Sibma, he do kɛ ɡrepo da, he ta kpala dɛ ɡale Yar Mpo hale dɛ kpoŋe kaa Jasa Mpo nyoa bwa. Kɛ taraken, nɛnchɔɡe baa chɔɡ he bɔwɔb saŋ nɔna ne he ɡrepo nɔna.