Nɛra Kura 31:2 - mzwDBL

² “Tɛr Midian tena deŋne waa baa kpɔa ɛ Israel tena la wa. Ásɛ mɔɔ dɛ́ chɔ he banɔn ta.”

Nɛra Kura 31:2 ပူးပေါင်းရင်းမြစ်များ

Mumpar 15:15

Kɛ he te la, he nyumpona ɛɛ too kpelkpel ken mɔɔ he sewɛ bambisɔɔhna ne bá huɡe.

Mumpar 25:17

Ismael di bene lafa fifraatoro dɛ anuanɛ mɔɔ dɛ sewɛ dɛ ka pu o naawa.

Mumpar 25:8

Dɛ o hwɛɛhrɔ kɛrɛdɛ, dɛ sewɛ dɛ ka pu o naawa.

Kaala 2:16

Dɛ kɔlɔŋ bɛl lɔ bela, asɛ awola bɛl, Mosis la ka so o nyoa. Dɛ Midian sɔfo bɛl sɔne Jetro, o bihaahna banuanɛ ba ba viine ne dɛ́ ba dɔ nee tɛ ba mɛɛ peera ne boohna a nyɔ bela.

Aesaya 1:24

Anomanta, Korowii, Koranar Bwa Kooro, Israel Kpeɡnɛn la ŋɔ, “Namete he berɛ n dɔma n bwaawee ir he nɛ. Mɛɛ tɛr he deŋnee bɔ kem ásɛ n baah sɔɔh mɛ.

Neehum 1:2

Korowii dɛ mee, dɛ ɡel o dɔma wechɔɡa ɛɛ ɡure ba nɛ. O baah dɛ di ba nɛɛ wɛɛ bɔ ba kem bwaawee ne, dɛɛ tɛr banɔ la baa haoh deŋne. O teŋɔ kpɔ o bandia dɛɛ ta o dɔma nɛ.

Nɛra Kura 20:24

“Arɔn ɛɛ sewɔɔ ka pu o naawa. Waa harɛ maa baɡɛ Israel tena nyoa la taa tel. He nɛra banɛ nɔ ɛ lwɛmkpeɡ waa maa do heyaa a ta Mɛreba la.

Nɛra Kura 20:26

Ka foo Arɔn sɔfo laala la dɛ́ kpɔ do o bibaa Eliasa. Arɔn ɛɛ sewɛ belaa ka pu o naawa.”

Nɛra Kura 25:1

Israel tena aa baŋre ba tɛnte deene dɛ ta so Akaasia Fɛlembɔjen bini la, ba bini baala pa mun lawɛ Moab haahna dɛɛ chɔ.

Nɛra Kura 25:6

Mosis ne Israel tena la bwa aa cheme Korowii Dea Cheremibɔr la doonyoa dɛɛ wi ba te la, ba bwa siwi ta, Israel tena baala la bɛl lawɛ Midian haah ba jo o tɛnte dea, o ne o chɔ.

Nɛra Kura 27:13

Dɛ he kaa na harɛ la tonaa, he ɡee sewɔɔ ka ja he nɛra nɛɛ ɡɛ aa pu he dɔɔ Arɔn la.

Nɛra Kura 31:1

Korowii ŋɔ Mosis be ŋɔ,

Nɛra Kura 31:3

Asɛ Mosis ŋɔ Israel tena la be ŋɔ, “Hé vɔwɛ baala la bane ntoa, bá ka pu Midian tena yo, dɛ́ tɛr ba deŋne bɔ kem tɛ Korowii.

Amanesoma Luk Aa Chwera Tɔn 21:22

A ɡɛ saŋee Korowii ɛɛ ba o nɛra deŋne tɛra, ásɛ waa Korowii Tɔn la aa baɡla la bwa ɛ kpela.

We-ɛɛla 13:36

Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh.

Tɔn Pɔɔl Aa Chwerɛ Rom Tena 12:19

Yabala, nɛra ɛ heyaa wechɔɡa aa, he bɛ ane ɛ dɛɛ bɔ kem. Hé kpɔ tɛ Korowii. O baah dɛ di ba nɛɛ taeh. On dɛ bɔ ba kem, dɛkalkɛŋɔ ba chwerɛ Korowii Tɔn bini ŋɔ, “Korowii bolɔ ŋɔ, ‘Mɛɛ tɔ a peɡee, mɛɛ bɔ ba a kemee.’ ”

Tɔn Pɔɔl Aa Chwerɛ Rom Tena 13:4

dɛkalkɛŋɔ Korowii bonɔɔnaa ban. He kɛrɛdɛ waa baa ɛ ba toma la. Dɛ he dɛ ɛ wechɔɡa te naa, dɛɛ ɔmɛ nomonome, dɛkalkɛŋɔ pɛɛpɛɛ laa ba dɔ kpeɡri baa kpoŋa la. Korowiirii tɛɛ ba kpeɡri ásɛ ba tɛr wechɔɡ-ɛɛra deŋne dɛɛ tɛo.

Mmarare 32:35

Korowii ɛɛ tɔ a peɡee, wɛɛ bɔ ba a kemee. Saŋ bɛl dɛ ba ba chole, ba chɔɡa tɔpere dɛ tel.

Mmarare 4:22

Mɛɛ sewɛ harɛ nɔ taa, maa Jɔɔdan Moo baŋee le. Heyaa dɛɛ ba he le dɛ́ ka so bela harɛdɛɛɡe ompare la ta ó ɛ he kon.

1 Tesalonika 4:6

Nomɛlbwa bɛ o dɔŋ nɛɛ jo a ɡɛ waa nɔ ta, dɛkalkɛ Korowii ɛɛ tɛr nɛra baa dɛ ɛ ɡɛ la deŋnee, ɡɛ yaa ja heyaa loɡla la ŋɔ hé nyiŋi a ta kɛrɛdɛ la.

Hibru 10:30

Naate waa ŋɔa ŋɔ, “Menee dɔ wechɔɡa kem bɔe, menee dɛ́ bɔ nɛra ba wechɔɡa kem” la, ya jemɛ o nɛnsoo. Dɛ berɛ ŋɔ, “N Naa Korowii ɛɛ bol o nɛra waa dɛ́ pa bole.”

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 19:2

dɛkalkɛ ɡɛ waa bol waa dɛɛ pa bole la ɛ kasinteŋ dɛ toɡre. O pa hanjwamane tenten la waa ɛ wedoŋa, dɛ chɔɡ harɛ nɔ la bolchɔɡe, dɛ tɛr o deŋne dɛ kpɔ bɔ o bonɔɔna ne toli waa kpoo ba la kem.”

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”

Sitɔɔla 16:24

Nɛra la aa na Samsen la, ba duu ba voɡ la ŋɔ, “Ya voɡ kpɔ ya dɔm do ya nɔn ta. Naate waa chɔɡ ya harɛ, dɛ kpoo nɛra kohona la lɔ ya nɔn ta.”

Sitɔɔla 2:10

Josua ne o nɛra la kapa aa baa serewe la, bane ɡe iro dɛ baa jemɛ kɛ Korowii lole, á ba ɛ kɛ baa na waa waa ɛa tɛ Israel tena laanee.