Nɛra Kura 30:8 - mzwDBL

⁸ Dɛ o jaa noɔ dɛ kaoh ŋɔ o kpɔ nyobaɡa kwaa la la naa, o bɛ ɡel a chɔ. Korowii ɛɛ kpɔɔ kɛo.

Nɛra Kura 30:8 ပူးပေါင်းရင်းမြစ်များ

Mumpar 3:16

Korowii ŋɔ haah la be ŋɔ, “Weweele binii hɛɛ ba tea kpoŋa, dɛ́ lolɛ bonyɛɡa bini. He sie ɛɛ beɡre he jaa nɛɛ, ásɛ o di kpeɡri he nɛ.”

1 Kɔrent 14:34

He dɛ ɛ asɔre aa, hé ɡel haahna hel. A ta maɡrɛ kɛŋɔ baa bol waa bela. Gɛ Korowii Tɔn aa baɡla la, hé ŋɔ ba be ŋɔ báa no he baala la be.

1 Kɔrent 7:4

Haah ta o bwadabii kpeɡri dɔe chɔe bɔr, o jaaree dɔ kpeɡri. Gɛɛ baa ɡe aa wola o bwadabii kpeɡri dɔe, o haahnee dɔ kpeɡri.

Lewi Dea Tena 5:4

Kɛɛ nomɛlbwa piɡro ŋwɛɛ kɛŋɔ wɛɛ ɛ waanee, wedɛɛɡa kɛɛ wechɔɡa, kɛɛ anɔ la bɛlbwa waa piɡra ŋwɛɛ dɛ berɛ ba lii la, dɛ o di bolchɔɡe.

Nɛra Kura 30:5

O mɛɛ noɔ dɛ kaoh waa, a ta chɛ kɛ haah la teŋɛ a ta kpa. Korowii ɛɛ kpɔɔ kɛo dɛkalkɛ o mɛɛ ta sɛɛh.

Nɛra Kura 30:7

asɛ o jaa no dɛ tɔ nyoa o ta wobɛlbwa haah la be bolaa, amɔ te ntam kɛɛ nyoa waa baɡa dɛ kpɔ vɔrɔwe o te la ta chɔ le.

Nɛra Kura 30:9

Luhaah kɛɛ haah o ne o jaa aa vɛh dɔŋa, o ŋwɛɛ ntam kɛɛ dɛ baɡɛ nyoa la, a dawɛ o nɛ.

1 Samoɛl 1:23

Anee sɔfo Ɛlkana chaŋo ŋɔ, “A wer, ɛ ɡɛ bwa aa too he tea. So dem ka tel kɛŋɔ haa teŋe bie la el. Korowii sɛh he nyobaɡa la ta tɛɛ.” Anomanta, Hana soɡe dem ka tel kɛ waa baa teŋe bie la el.

Jeremia 44:19

Ate, haahna la berɛ ŋɔ, “Ya fuh daawiile dɛ fuɡe sen ɛ saraha tɛ Nyundua Haŋkooro la aa, ya jaranar aa jemɛ kɛŋɔ ya wɔɔ paanoo a mar do kɛŋɔ Nyundua Haŋkooro dɛ fuɡe sen ɛ sarahare ɡe tɛo wa aa?”