Nɛra Kura 3:9 - mzwDBL

⁹ Kpɔ Lewi dea tena la tɛ Arɔn ne o bibaala báa cha ba. Israel tena bini, ba ɡboo chɛ kɛ bá kpɔ ba te dɛɛ ɛ o toma.

Nɛra Kura 3:9 ပူးပေါင်းရင်းမြစ်များ

1 Webena 15:2

Ate, Kooro Devid ŋɔ, “Nomɛlbwa toole dɛ́ che Daka nɔ ka ja Lewi dea tena nɛ, dɛkalkɛ banee Korowii le ŋɔ baa cheo, dɛɛ tomɔ o sie saŋ bɛlbwa dɛɛ la.”

1 Webena 6:33

Baala ba ne ba bibaala aa pea ɛ toma laanee nɔ. Nɛra baa le Kohat tena bini laanee, Joel bibaa Heman waa ɛ yelɡoɡoo, Samoɛl bibaa Joel,

Ɛsra 2:43

Bonɔɔna baa dɛ ɛ toma Korowii Dea ɡee nɔ. Ba naanaree, Siha ne Hasufa dɛ Tabaot,

Ɛsra 6:18

Ba bɔne sɔfore ne Lewi dea tena la bini ɡɛ bɛlbwa toma aa doa Korowii Dea waa lɔ Jerusalam la bini, ɡɛ baa chwera do Mosis Tɔn bini la.

Ɛsra 8:20

Ba berɔ ba bonɔɔna baa dɛɛ ɛ Korowii Dea bini toma nɛra lafraanɛ fifraanɛ ne, ba ɛ nɛra Kooro Devid aa le ba ne ba nomonome cheɡ ŋɔ baa cha Lewi dea tena la. Ba chwerɛ ba bwa sɔna teŋɛ dɔŋa nɛɛ do tɔn bini.

Nɛra Kura 16:9

Korowii Israel tena aa dɛ tomɔ aa pere heyaa le he bala Israel tena bini, dɛ kpɔ heyaa bɛno ŋɔ hɛ́ɛ ɛ o Tɛnte Dea la toma, dɛ́ berɛ che Israel tena bwa sie, dɛ́ cha ba baa tomɛ Korowii ɡɛ aa chɛa la, a ɡbo ta maɡraa?

Nɛra Kura 18:2

Saŋ bɛlbwa he ne he bii aa dɛɛ ba toma ɛɛ n Tɛnte Dea waa ɛ n Dea Cheremibɔr bela la, yerɛ he bala Lewi dea tena la bá ba cha he ne he bibaala haa dɛ cha nɛra la, ásɛ ba won tom mɛ ɡɛ aa chɛa la.

Nɛra Kura 3:8

Lewi dea tenaa chɛ kɛ bá nyiŋi n Dea Cheremibɔr kwaa bwa ta, dɛ́ berɛ dɛɛ ɛ Israel tena la bwa toma ba fe aa dɛɛ ɛ bela dɛɛ tɛɛ ba.

Nɛra Kura 8:14

Gɛ we-ɛɛla nɔ taa aa ba cheɡa he le Lewi dea tena le Israel tena baa kaa la bini tɛ mɛ, ásɛ ba ɛ n nɛra.

Nɛra Kura 8:16

Israel tena bini, banee chɛ kɛ ba kpɔ ba te tɛ mɛ kɛrɛdɛ. Menee lee ba tɛ n te, dɛ kpɔ ba chiɡ Israel tena bibanloɡla naa ta, Israel tena bibanloɡla bwa ɛ n nɛra.

Nɛra Kura 8:18

N kpɔ Lewi dea tena nɔ chiɡ Israel tena bibanloɡla naa ta.

Nɛra Kura 8:19

Israel tena bwa bini la, Lewi dea tenaa n kpɔ do Arɔn ne o bibaala nɔn ta baa cha ba, dɛ́ che Israel tena naa ta dɛɛ ɛ toma n Dea Cheremibɔr bela. Bá soŋe ba wechɔɡa men Korowii be dɛɛ tɛɛ ba, ásɛ dɛ bɛlbwa la Boɡoroŋ la jwɛɛh kwara naa, weechɔɡa bɛlbwa bɛ on pu.”

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

Ɛfesos 4:8

Ba chwerɛ Korowii Tɔn bini ŋɔ, “O teehnɔ kaa nyundua, dɛ lawɛ nɛra waa laɡ ba laa ta kaa, asɛ o kɛ nɛra kwa.”