Nɛra Kura 3:40 - mzwDBL

⁴⁰ Korowii ŋɔ Mosis be ja ŋɔ, “Kure Israel deene bibanloɡla baa di korobie beŋkpoŋ dɛɛ kaa la pɛ, dɛ́ chwerɛ ba bwa sɔna.

Nɛra Kura 3:40 ပူးပေါင်းရင်းမြစ်များ

Nɛra Kura 3:15

“Kure Lewi dea tena ne ba lolanar bwa. Kure baala bwa, le bechale baa dɔ korobie beŋkpoŋ ka tel banomonome ta.”

Wepila 14:4

Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.

Wepila 3:5

Naate waa won yo le la, mɛɛ tɔɔ yapoŋee kɛ ban. Maa o sɔnee fee le Mkpa Tɔn la bini bwa. Mɛɛ bol o waa n Mɛɛ ne o nyundua toroma la bee, kɛŋɔ n nɛnee on.

Hibru 12:23

O binomonome o kapɛrɛ aa ku ba nɔn asɛ ba sɔna do tɔn la aa lɔ o be la ta la ɡba cheme bela. Ba ne Korowii waa dɛ ba nɛra bwa waa bola dɛ́ pa bole la, ne lala ba wa aa toɡra dɛ su o siwi, asɛ o ɡel ba ɛ nɛndɛɛɡa ka tonɛ la bwa bee he ba.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Felepae 4:3

N dɔŋdɛɛɡe, n dɛ soŋe, cha haahna la dɛ́ kwaa ba baah, dɛkalkɛŋɔ ba cha mɛ Amanesoma nɔ bola ta ɡa. Klɛmɛnt ne n bala tom-ɛɛra la ɡe jao. Ba sɔna lɔ Korowii Mkpa Tɔn bini.

Amanesoma Luk Aa Chwera Tɔn 10:20

He bɛ ɡel a do he som kɛŋɔ kwaa aa dɛ ir nɛra nɛɛ aa no he wobol nɔ. Waa aa chɛ kɛ hé koh a waa dɛ́ ɡel he sie lɛ laanee kɛŋɔ bá chwerɛ he sɔna nyundua ja Korowii bii nɛ.”

Aesaya 4:3

Nɛra báa ba ka Jerusalam Korowii aa ɡela ba dɔ ba nyu la, báa yer baa nɛra baa do ɡoroŋee.

Yela 87:6

Korowii ɛɛ chwerɛ nɛra la sɔnaa, dɛ́ kpɔ ba ja Jerusalam tena nɛ.

Nɛra Kura 3:45

“Lewi dea tena ne ba kondɛɛra bwa chɛ kɛ bá ɛ n kwa, dɛ́ chiɡ Israel tena bibanloɡla naa ta. Ba kondɛɛra la ɡe chiɡ Israel tena kondɛɛra biloɡla naa ta. Menee Korowii.

Nɛra Kura 3:12

“Le awola maa kpoo Ijipt tena bibanloɡla bwa laanee n le Israel tena bibanloɡla tɛ n te, nɛra ne kondɛɛra bibanloɡla bwa ɛ n kwa.

Nɛra Kura 3:41

Le Lewi dea tena la tɛ mɛ bá chiɡ Israel biloɡla naa ta. Ba kondɛɛra ɡe ɛ n kwa dɛ chiɡ Israel tena bwa kondɛɛra aa loɡla la naa ta. Menee Korowii.”