Nɛra Kura 3:32 - mzwDBL

³² Dɛ sɔfo Arɔn bibaa Eliasaa Lewi dea tena la nomoa. Onee ba le o chɔ nɛra baa dɛ ɛ toma Boɡoroŋ bela nyoa.

Nɛra Kura 3:32 ပူးပေါင်းရင်းမြစ်များ

2 Koranar 25:18

Laa sitɔɔ Nebusaradan lawɛ Sɔfonomoa Seraya ne o dɔŋ Sefania o ɡe aa dɛ chao, dɛ nomonome batoro bane baa dɛ daah doonyoa la laa ta kaa.

Nɛra Kura 4:27

Gel Arɔn ne o bibaala baɡle Gɛsɔn dea tena toma bɛlbwa baa ɛ, ɡɛ baa dɛɛ che bone ne ba toma bɛlbwa ta. Mosis, kpɔ ba bone baa dɛ ba cheɡa we-ɛɛla bɛlbwa do ba nɔn ta baa nyiŋi a ta.

Nɛra Kura 4:16

Arɔn bibaa Eliasaa dɛɛ ba wɛɛ nyiŋi noo baa kpɔ dɛɛ choŋi kandere, ne daawiile a sɔɔh aa soma, ne tɔpere bɛlbwa mea saraha, ne noo baa kpɔa dɛɛ do nɛn sɔfore ta. Onee chɛ kɛ wɛɛ nyiŋi n Tɛnte Dea la ne o laala ne o koŋkwaa bwa ɡe ta.”

Nɛra Kura 3:31

Ba tomaa kɛŋɔ báa nyiŋi Korowii Ne Nɛwɛnyina Fɔo Daka la ta, ne teebur ne kandea daa ne kwaa baa dɛ ɛ saraha a ta la, ne koŋkwaa sɔfore aa kpɔ dɛɛ ɛ toma Korowii Tɛnte Dea bela, ne pateesan waa tɔ Boɡoroŋ Tenten la ta. Gɛ bwa aa chɛ kɛ bá kpɔ kwaa nɔ bwa ɛ toma lɔ ba nɔn ta.

Nɛra Kura 3:33

Merari dea biirii Maali ne Musi tena.

Nɛra Kura 4:40

ba lɔ kaɡboŋa banɛ lafraanumɛl fifraatoro.

Nɛra Kura 8:26

A ɡe habɔɔ la, wɛɛ cha o bala n Dea Cheremibɔr bela, kɛ o bɛ toma la lɛ dawɛ o nɛ. Gɛɛ hɛɛ ba ɛɛ dɛ́ kpɔ Lewi dea tena toma baa dɛ ba ɛɛ do ba nɔn ta.”

Ɛsra 7:5

Abisua lolɛ Buki, Fenehas lolɛ Abisua, Eliasa lolɛ Fenehas, asɛ Arɔn waa ɛ Sɔfonomoa la lolɛ Eliasa.

Ɛsekeɛl 40:45

O ŋɔ n be ŋɔ, “Dea o sie aa chaɡɛ weekaŋle harɛbɔr la ɛ sɔfore baa dɛ ɛ Korowii Dea toma la kon,