Nɛra Kura 3:10 - mzwDBL

¹⁰ Le Arɔn ne o bibaala dɛ́ kpɔ sɔfore toma la do ba nɔn ta. Nomɛlbwa waa wola sɔfo ɛɛ dɛɛ ɛ sɔfo toma la chɛ kɛŋɔ bá kpoo.”

Nɛra Kura 3:10 ပူးပေါင်းရင်းမြစ်များ

2 Samoɛl 6:7

Korowii baah di Ussa nɛɛ kohona, dɛkalkɛ o kono kɛ waa lawɛ Korowii Ne Nɛwɛnyina Fɔo Daka la kpoŋe la. Anomanta, Ussa sewɔ chɔ Korowii Fɔo Daka la keŋkeŋ.

1 Koranar 12:31

Kooro Jɛroboam ɛ voɡa deŋɡarere doa dɛ le kerekpoŋra harɛ la ta, hale banɔ la baa wola Lewi dea leɛ ba so a ta.

1 Webena 6:32

Dɛ banee dɛɛ nyiŋi, baa ɡo yela Korowii Tɛnte Dea, waa ɛ o Dea Cheremibɔr bela, mɔɔ Kooro Solomɔn ba do Korowii Dea Jerusalam la. Ba ɛ ba toma ɡɛ baa lea cheɡ ba ŋɔ ba ɛa ta.

Nehemia 6:11

Anee n chaŋe ŋɔ, “N do ken dɛ́ chwa aa? Nɛn waa do kɛ men koh n nyu lɛɛ waa dɛ́ chwa ka sɔh Korowii Dea aa? Akai, maa la!”

Kaala 29:9

dɛ́ pi ba ɡbɛrɛre. Ásɛ dɛ kpɔ kirisore vɔwɛ Arɔn ne o bibaala la. Ba ne ba naanar ɛɛ ɛ sɔfore, dɛɛ tom mɛ saŋ bɛlbwa dɛɛ la. Gɛɛ hɛɛ ba ɛɛ dɛ́ le Arɔn ne o bibaala dɛ́ kpɔ ba toma do ba nɔn ta.

Ɛsekeɛl 44:8

Heyaa chɛ kɛ he nyiŋi n waa aa do ɡoroŋ ta n Dea bela, kɛ he berɔ kpɔ do nɛŋhɔɔhra nɔn ta.

Lewi Dea Tena 22:10

Nomɛlbwa waa wola sɔfore dea leɛ la ta ŋwɛnɛ dɔe kɛ ó di saraha kwaa aa do ɡoroŋ nɔ. Hɔɔh waa baa choɡo, kɛɛ nɛn waa lɔ o be dɛɛ ɛ toma wɛɛ bɔɔ kem ɡe ta ŋwɛnɛ dɔe kɛŋɔ ó di.

Nɛra Kura 1:51

Saŋ bɛlbwa aa chɛ kɛŋɔ bá kpɔ n Tɛnte Dea la kaa bobɛl la, Lewi dea tena laanee chɛ kɛŋɔ bá foromu. Dɛ a chɛ kɛŋɔ bá baŋro ɡe aa, banee dɔ o baŋra. Nomɛlbwa waa wola dea la ta jae bɛne belaa, bá kpoo.

Nɛra Kura 16:10

Korowii kpɔ he ne he bala Lewi dea tena bwa bɛne o te, kɛ taraken he berɔ dɛɛ nyin sɔfore ɡe dɛ di ja.

Nɛra Kura 16:35

Asɛ nii le Korowii be, dɛ ba fuh nɛra lafraanɛ fifraanue baa dɛ fuh daawiile la bwa.

Nɛra Kura 16:40

ɡɛ Korowii aa cheɡɛ Mosis nɛɛ dɛ baɡle Eliasa la. Anɔɔ dɛ́ ja Israel tena kɛ nomɛlbwa waa wola Arɔn naa mun leɛ ta chɛ kɛ ó la Korowii sie ka fuh daawiile. Bɛlbwa ɛ ɡɛ naa, Kora ne o bala waa aa puu ba laanee wɛɛ ba nae.

Nɛra Kura 18:3

Ba toma ɛɛ bwa lɔ he nɔn ta. Gel ba nyiŋi kɛrɛdɛ dɛɛ ɛ toma bɛlbwa sese aa lɔ n Tɛnte Cheremibɔr dembaah bela la bwa. Kɛ ɡel ba nyiŋi kɛrɛdɛ dɛ bɛ laala baa kpɔa kwaa Boɡoroŋ la bini, kɛɛ kon baa dɛ ɛ saraha o ta la ba leɡe. A ba ɡɛ naa, he ne ba bwa ɛɛ serewoo.

Nɛra Kura 18:7

He ne he bibaala la ɡboo chɛ kɛ hé ɛ sɔfore toma kon baa dɛ ɛ saraha o ta ne pateesan la bini toma. N kpɔ sɔfore toma la dɛɛ kɛ heya. Nɛmpɛɛ bɛlbwa waa ba Boɡoroŋ la jwɛɛh la chɛ kɛ bá kpoo.”

Nɛra Kura 3:11

Korowii berɔ ŋɔ Mosis be ŋɔ,

Nɛra Kura 3:38

Mosis ne Arɔn ne o bibaala chɛ kɛ bá baŋre ba tɛnte deene Korowii Tɛnte Dea la sie wee leebɔr. Banee dɛɛ ba báa ɛ Boɡoroŋ bela toma, dɛ́ɛ tɛ Israel tena bwa. Nomɛlbwa waa ɛ Mosis toma ne sɔfo Arɔn toma la chɛ kɛ bá kpoo.

Tɔn Pɔɔl Aa Chwerɛ Rom Tena 12:7

Dɛ he dɔŋa toma kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ waa baɡla kpeɡri ɡee o tɛɛ naa, a chɛ kɛ hɛɛ baɡle.

Ɛfesos 2:19

Anomanta, he ta hɔɔhra ɛɛ kpa. He ɛ bwɛɛlembii dɛ ja Korowii nɛra la nɛ, dɛ ɛ o ɡbaɡba lola,

Mmarare 18:5

dɛkalkɛŋɔ ba ne ba naanaree Korowii haa dɛ tomɔ le he deene la bwa bini ŋɔ bá che o sɔn ta, dɛ́ɛ ɛ o toma saŋ bɛlbwa.

Hibru 8:4

Dɛ o fe lɔ harɛ bonɔ naa, o fe aa Sɔfo ɛɛ ba, dɛkalkɛŋɔ sɔfore lɔ harɛ ta dɛɛ ɛ saraha ɡɛ Mosis Mmara aa baɡla la.

Sitɔɔla 17:5

Dɛ Maeka nɔ dɔ voɡ dea, asɛ o ɛ batakaarebora kɛŋɔ sɔfo batakaare baa dɛ yerɔ efɔd la ken ne voɡa ane, dɛ kpɔ o bibaala la bɛl ɛ o kerekpoŋri.

1 Samoɛl 6:19

Korowii kpoo Bɛt Sɛmɛs baala fifraanuanɛ, nyiŋa baa kaa nyiŋi Korowii Ne Nɛwɛnyina Fɔo Daka la bini la wa. Bela tena la wii ba kohona, Korowii kpoe waa kpo ba la wa.