Nɛra Kura 28:6 - mzwDBL

⁶ A ɛ saŋ bɛlbwa saraha baa dɛ fuh a bwa dɛɛ tɛ Korowii, a sɔɔh ɛɛ do o som. Sinai Bwejen taa bá pa a mun, á ɛ saraha baa dɛ fuah.

Nɛra Kura 28:6 ပူးပေါင်းရင်းမြစ်များ

Emɔs 5:25

Israel tena, n ta sarahare ne kwaa lɛɛ le he be bene fifraanaarɛ haa lɔ pua hɛŋle ɡbo harɛ la ta.

Ɛsekeɛl 46:14

Hé kpɔ mea kuruwa beŋkpoŋ ne tama ja a ta chɔɔbɔr bɛlbwa, ásɛ a ɛ mea saraha dɛ́ kpɔ noo pɛrɛntoa dela anɛ koo a ta a pweh. Mea saraha kpɔe ba tɛ mɛ chɛ kɛ á chɔ le saŋ bɛlbwa dɛɛ la.

Yela 50:8

Maa heyaa kah ŋɔ kwaa haa kpoora ɛ sarahare, kɛɛ kwaa haa fuah ɛ sarahare n sie saŋ bɛlbwa la aa were.

Ɛsra 3:4

Ba di Kukure Tɔpejen ɡɛ baa chwerɛ o waa bil la, dɛ fuh kwaa ɛ sarahare ɡɛ aa chɛa tɔpere bɛlbwa ta.

2 Webena 31:3

Kooro Hɛsɛkea lawɛ o ɡbaɡba nae ne boohna ne peera tɛ ŋɔ, bá kpɔ ɛ sarahare baa dɛ fuah chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane baa lea cheɡ ta, ɡɛ baa chwera do Korowii Mmara tɔn bini la.

2 Webena 2:4

N dɛ ba Dea doe tɛ Korowii maa dɛ tomɔ, ásɛ baa tomɔ o bini. Wɛɛ do ɡoroŋee, ásɛ n ne n nɛra fuh daawiile a sɔɔh aa soma dɛɛ tomɔ bela, dɛ́ kpɔ paanoo baa lea cheɡ tɛ Korowii o do ɡoroŋ dɛɛ ba o sie tɔpere bɛlbwa, dɛɛ fuh saraha kwaa chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane Korowii yaa dɛ tomɔ aa lea cheɡ. Gɛ waa nɔ chɔ le tɛ Israel tena saŋ bɛlbwa dɛɛ la.

Lewi Dea Tena 6:9

“Do Arɔn ne o bibaala kɛŋɔ ŋwɛnɛre aa chɔ le tɛ saraha kwaa baa dɛ fuah laanee nɔ. A chɛ kɛ kwaa la dawɛ kafola waa lɔ saraha kon la ta awola la bwa tɔɔ ba per, dɛ́ ɡel nii la ɛɛ hɔ dɛ bɛ dime bwa.

Kaala 31:18

Korowii aa bol waa chaɡle Mosis Sinai Bwejen ta tonɛ la, o kpɔ bwepɛle anɛ o ɡbabir aa kpɔ o nɔn ɛ o Mmarare dawɛ a ta la tɛo.

Kaala 24:18

Mosis jo bam la bini dɛ teeh kaa bwejen la doa. O soɡe bela tɔpera fifraanaarɛ chɔɔ ne jwaana.

Felepae 2:17

Kɛ dɛ yarada haa dɛ yarada Korowii dɛɛ tomɔ la do kɛŋɔ saraha, asɛ a chɛ kɛ n chal fuɡe a ta naa, n dɛ nyin ɡɛ. A ba ɡɛ naa, n sie ɛɛ lɛo, ásɛ he puu mɛ lɛ sie.

Nɛra Kura 28:5

Hé kpɔ men baa nama a kper kɛrɛdɛ kuruwa del, dɛ́ kpɔ ɔleve noo pɛrɛntoa beŋkpoŋ ne fah koo men la ta ba ɛ mea saraha.

Nɛra Kura 28:7

Hé kpɔ sen pɛrɛntoa beŋkpoŋ ne tama ne loɡla pebale la, dɛ́ ba fuɡe sen la ta saraha kon la ta, ásɛ a ɛ sen saraha.

Ɛsekeɛl 46:15

Gɛɛ hɛɛ ba pebie la ne mea saraha, dɛ noo la kpɔe dɛ́ baa ɛ saraha baa fuah chɔɔbɔr bɛlbwa dɛɛ tɛ men Korowii.”

Lewi Dea Tena 27:34

Mmarare nɔɔ Korowii che Mosis nɛɛ Sinai Bwejen ta, dɛ kpɔ tɛ Israel tena.