Nɛra Kura 27:21 - mzwDBL

²¹ Josua chɛ kɛŋɔ ó kpɔ o te dawɛ sɔfo Eliasa nɛ, dɛ́ che kwaa baa dɛ yera Urim ne Tumim ta, dɛ́ jemɛ waa men Korowii aa dɛ nyin kɛ wɛɛ ɛ. A ɡɛ taa sɔfo Eliasa ne Israel tena nɔ ɛɛ ba cheɡa, dɛ́ na ɡɛ baa dɛɛ ɛ.”

Nɛra Kura 27:21 ပူးပေါင်းရင်းမြစ်များ

1 Samoɛl 28:6

O bɔɔrɔ le Korowii be dɛ na ɡɛ o fe aa ɛ, kɛ Korowii ta on chaŋɛ deera ta kɛɛ Urim ne Tumim waa ɛ komɛl baa cheɡɛ o ta dɛɛ jemɛ waa aa wera Korowii be, kɛɛ Korowii keamere be.

Josua 9:14

Josua ne Israel tena ta Korowii bɔɔrɛ no kɛŋɔ ba sɛh ba ne ba fɔwɛ ba fɔo la.

Kaala 28:30

Berɛ kpɔ Urim ne Tumim la do kon waa dawɛ Arɔn bambile ta la bini saŋ bɛlbwa waa dɛɛ ba men Korowii sie. Gɛɛ Arɔn ɛɛ ba ɛɛ saŋ bɛlbwa waa dɛɛ ba men Korowii sie.

Nehemia 7:65

Asɛ Juda harɛ nomoa ŋɔ ba be ŋɔ baa won di kondikwaa aa do ɡoroŋ bɛlbwa baa kpɔa ba tɛ Korowii laa, atane sɔfo bɛl lɔ bela, dɛ́ do batakaare baa sɔh Urim ne Tumim dawɛ o ta ó che a ta bɔɔ waa Korowii aa dɛ nyin la mɔɔ.

Ɛsra 2:63

Asɛ Juda harɛ nomoa ŋɔ ba be ŋɔ, baa won di kondikwaa aa do ɡoroŋ bɛlbwa baa kpɔa ba tɛ Korowii la, atane sɔfo bɛl lɔ bela dɛ́ do batakaare baa sɔh Urim ne Tumim dawɛ o ta, dɛ́ che a ta bɔɔ waa Korowii aa dɛ nyin la mɔɔ.

1 Samoɛl 30:7

Ate, Devid ŋɔ Ahemɛlɛk bibaa Abiata waa ɛ sɔfo la be ŋɔ, “Kpɔ sɔfore batakaarebora efɔd la ba tɛ mɛ, ásɛ n bɔɔ le Korowii be.” Asɛ o kpɔ ba tɛo.

1 Samoɛl 23:9

Devid aa naa kɛŋɔ Kooro Sɔɔl dɛ vɔrɔwe o kpoe waa la, o ŋɔ sɔfo Abiata be ŋɔ, “Kpɔ sɔfo batakaarebora efɔd la ba tɛ mɛ, ásɛ ya bɔɔ le Korowii be ɡɛ yaa ɛ.”

Sitɔɔla 20:23

Israel tena la kaa wi no Korowii ka tel jɔmɔra, dɛ berɛ soŋo ŋɔ, “Yá ka pu ya bala Bɛnjamen dea tena la yo ja aa?” Anee Korowii chaŋe ŋɔ, “Hé kaa ka yoo ba.”

Sitɔɔla 20:18

Israel tena la Bɛtel dɛ ka bɔɔ le Korowii be ŋɔ, “Ya bini bamewaa dɛɛ ba sie tɔe ka yo Bɛnjamen dea tena nɔɔ?” Belaa Korowii chaŋ ba ŋɔ, “Juda dea tenaa dɛ́ tɔ sie ka yo.”

Sitɔɔla 1:1

Josua seo habɔɔ la, Israel tena soŋe Korowii ŋɔ, “Ya deene nɔ, bamewaa dɛ́ tɔ ya sie yá ka yo Keenan tena ba harɛ ta nɔ?”

Mmarare 33:8

O bol Lewi dea tena ɡe waa ŋɔ, ‘N Naa Korowii, he cheɡɛ he nɛndɛɛɡa Lewi dea tena nɛ Urim ne Tumim ta, dɛ pili ɡɛ haa dɛ nyin baɡ ba, dɛ daah ba na Maasa, asɛ dɛ baɡle kɛŋɔ ba ɛ kasinteŋ tena Mɛreba nee ta.

Nɛra Kura 27:17

Naate waa kpɔ ba kaa dɛ berɛ ba ba ne, ásɛ he nɛra bɛ ɛ kɛŋɔ peera aa wola teɡre dɔe.”

Lewi Dea Tena 8:8

O berɔ kpɔ kon baa dɛ dawɔ bambile ta la do Arɔn, asɛ dɛ kpɔ Urim ne Tumim la do o bini.

Nɛra Kura 27:5

Ate, Mosis kpɔ waa la ka bil Korowii sie,

Nɛra Kura 27:20

Tɛo kpeɡri haa dɔa la pera, ásɛ nɛra la bwa ɛɛ no o be.

Nɛra Kura 27:22

Mosis no Korowii waa la, dɛ kpɔ Josua la sɔfo Eliasa ne Israel tena la bwa baah ta.

1 Samoɛl 14:19

O taa dɛ bol waa sɔfo la be la, dɛ name te kwaraa a ɡɛ bambiteŋa la ɡwaa Filisti tena la nɛ bela baa soɡa la. Anomanta, Kooro Sɔɔl ŋɔ o be ŋɔ, “Gel wobɛlbwa ɛɛ.”

2 Samoɛl 21:1

Kooro Devid kora dii saŋ la, lɔr chole harɛ la ta teŋɛ dɔŋa nɛɛ bene atoro. Anomanta, o bɔɔrɔ le Korowii be. Asɛ Korowii ŋɔ, “Kooro Sɔɔl ne o lolanar di bolchɔɡe nɛŋkpoa wa, dɛkalkɛ o kpoo Gebeɔn tena la ɡalɡa.”

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Nɛra Kura 27:2

Awola bɛl, haahna nɔ kpɔɔ ka bil Mosis ne sɔfo Eliasa ne Israel nomonome dɛ Israel tena la bwa sie, Korowii Dea Cheremibɔr doonyoa dɛ ŋɔ,

Mmarare 31:3

Korowii haa dɛ tomɔ nɔ ɡbabir ɛɛ tɔ siee, dɛ́ ka chɔɡ harɛre aa lɔ bela la nɛra, ásɛ mɔɔ he won dɔ bɔr dɛ́ ka so ba buɡ ta. Korowii ŋɔ Josua ɡe tɔ he sie.