Nɛra Kura 25:3 - mzwDBL

³ A cheɡɛ a ta Israel tena la ne Moab tena la bwa ɛɛ tomɛ voɡ Baal waa lɔ Peɔ la. Asɛ Korowii bwaawee ir ba nɛ.

Nɛra Kura 25:3 ပူးပေါင်းရင်းမြစ်များ

Hosia 9:10

Korowii ŋɔ, “Gɛ saŋ maa na he Israel tena la, n sie lɛo kɛŋɔ maa na ɡrepo nɔna pua hɛŋle ɡbo harɛ ta ken. Maa na he naawa la, a do kɛŋɔ maa na fiɡ nɔnloɡle waa swɛɛra ken. Kɛ baa bera ka tomɛ voɡ Baal Bwejen Peɔ la, ba waa doŋo kɛ voɡ la ken.

Josua 22:17

Ya wechɔɡa yaa ɛ Korowii Peɔ ɡɛ saŋ yaa lɔ pua hɛŋle ɡbo harɛ ta dɛɛ ɡaaɡe o tɛr ya deŋne la ɡbo ta maɡraa? A lole kɛŋɔ Korowii kpɔ weechɔɡa ba ta ya nɛɛ te, kɛ ya ta charɛ, wechɔɡa la ta lɔ ya nɛɛ dɛ ba le fini.

Jeremia 17:4

Hɛɛ paŋɛ harɛ maa kwaara cheɡ heya o ɛ he kapɛrɛ kon laanee. Mɛɛ kpɔ heyaa do he dɔma lɔɡa hɛɛ tom ba, harɛ haa wola o ta jemɛ bwa ta, dɛkalkɛ he ɡelɔ n baah di, waa wola sɔɔh bwa.”

Yela 90:11

Umee nyɔ he bandia danana nee kaɔ? Umee jemɛ ɔmee aa lɔ he bandia kohona ta nɔ?

Sitɔɔla 2:20

Anomanta, Korowii baah di Israel tena nɛɛ o ŋɔ, “Chɔɡa nɛra nɔ aa chɔɡ fɔo n ne ba naawa aa fɔwa dɛ vɛh n waa noe nɔ,

Sitɔɔla 2:14

Korowii baah aa di Israel tena nɛɛ la, o ɡelɔ nɛra ba lɔ tɔ ba nɛ, dɛ pa ba laala bwa kaa kɛŋɔ laa ta kwa. O berɔ kpɔ ba do ba dɔma baa soɡa bar ba la nɔn ta, baa di kpeɡri ba nɛ ba lɛ ba te kahonɛ.

Nɛra Kura 25:5

Ate, Mosis ŋɔ Israel tena sitɔɔla be ŋɔ, “A chɛ kɛ hé bini bɛlbwa kpo baa bɛlbwa waa kpɔ o te ka ja dɛɛ tomɛ voɡ Baal waa lɔ Peɔ la.”

Nɛra Kura 31:16

Banee no Balam waa ta, a che a ta dɛ ɡel ya laa ya te kpɔ Korowii nɛɛ Peɔ Bwejen ta, asɛ weechɔɡa ba ya Korowii nɛra nɛɛ la.

Sitɔɔla 2:11

Israel tena la ɛ wechɔɡa dɛ jo Korowii nɛ dɛɛ tomɛ voɡa Baalre.

Sitɔɔla 2:13

ɡɛ baa vɛh o toma dɛ kaa tomɛ voɡa Baalre ne voɡhaah Astɔrɛt la wa.

Hosia 4:14

Maa he bihaahna baa dɛ bɔ jwamane la deŋnee tɛr, ɡɛɛ maa wola he bibaala haahna ɡe deŋnee tɛr ba yal chɔɡa wa. He baala nɔ ɡbabir deŋnee mɛɛ ba tɛra, dɛkalkɛ he ne haahna la dɛ bɔ jwamane dɛ kaa ɛ saraha voɡa ta, nɛra baa wola waa mun no la ɛɛ heo!