Nɛra Kura 25:2 - mzwDBL

² Haahna la yerɛ Israel baala la dɛɛ la ba voɡa mune, dɛ ka kpoo kwaa dɛɛ tɛ ba voɡa, ba ne ba di dɛɛ ɡuŋi voɡa la harɛ.

Nɛra Kura 25:2 ပူးပေါင်းရင်းမြစ်များ

1 Koranar 19:18

Nɛra kaɡboŋa banuanɛ lɔ Israel harɛ ta baa wola voɡ Baal ɡuŋe bwa, mɛɛ ɡel baa, maa ba tenee kpoo.”

Yela 106:28

Baa tel Peɔ la, ba kpɔ ba te ka do voɡ Baal lɔɡa dɛɛ tomɔ, dɛɛ di saraha kwaa baa ɛa tɛ voɡa aa wola mkpa dɔe.

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

Kaala 22:20

Nomɛlbwa waa kpo kwaa ɛ saraha tɛ voɡ bɛlbwa, dɛ ɡel men Korowii la chɛ kɛ bá kpoo.

Kaala 23:24

He bɛ ba voɡare dɛɛ tomɛ a ba ɛ kɛŋɔ hɛɛ dɛɛ teŋɛ ba we-ɛɛla taa. Hé paɡre a ne ba bwea baa paaɡa dɛɛ duura la bwa burbur ken.

Kaala 32:6

Anomanta, tɔ aa pera la, ba felo ir dɛ ba kpoo kwaa fuh ɛ saraha kon la ta, dɛ kpɔ deŋnesɔɔhna saraha kwaa ɡe ba. A habɔɔ la, ba soɡo dɛ di kwa, dɛ nyɔ sen, dɛ ir sa sachɔɡa.

Jeremia 40:11

Juu tena bwa baa lɔ Moab ne Amɔn ne Edom, dɛ harɛre aa jaa nɛra aa noa kɛ Babelɔn kooro ɡel nɛra bane Juda harɛ, dɛ le Ahikam bibaa Gedalia, o nabaa aa ɛ Safan wɛɛ nyiŋi ba nɛɛ la,

Hosia 9:10

Korowii ŋɔ, “Gɛ saŋ maa na he Israel tena la, n sie lɛo kɛŋɔ maa na ɡrepo nɔna pua hɛŋle ɡbo harɛ ta ken. Maa na he naawa la, a do kɛŋɔ maa na fiɡ nɔnloɡle waa swɛɛra ken. Kɛ baa bera ka tomɛ voɡ Baal Bwejen Peɔ la, ba waa doŋo kɛ voɡ la ken.

Maeka 6:5

N nɛra, hé lii wechɔɡa Moab Kooro Balak fa aa vɔrɔwa, asɛ Beɔ bibaa Balam chaŋo la wa. Hé berɛ lii ŋwɛnɛ haa vala le Sitim dɛ ba Gelɡal, dɛ́ na ŋwɛnɛre maa cheɡɛ a ta lɛ heya.”

1 Kɔrent 10:20

N dɛ baɡle kɛŋɔ nɛra baa wola Juu tena ɛɛ dɛɛ kpoo kwaa la, ba kpoorɔ dɛɛ tɛ Bɔnsam toroma yaa wola an na la. Korowii laa ba ɛ dɛɛ tɛ. Maa nyin kɛŋɔ he ne Bɔnsam toroma pɛ komɛlbwa.

Mmarare 32:38

Dɛ ŋɔ, ‘He fa kpoo kwaa aa do noo tɛa, dɛ tɛa sen a nyɔ. Hé ɡel a ba cha heyaa taraken nɔ, a chwa ba lɛ heya.’

Josua 22:17

Ya wechɔɡa yaa ɛ Korowii Peɔ ɡɛ saŋ yaa lɔ pua hɛŋle ɡbo harɛ ta dɛɛ ɡaaɡe o tɛr ya deŋne la ɡbo ta maɡraa? A lole kɛŋɔ Korowii kpɔ weechɔɡa ba ta ya nɛɛ te, kɛ ya ta charɛ, wechɔɡa la ta lɔ ya nɛɛ dɛ ba le fini.

Josua 23:16

Dɛ he koni fɔo he ne Korowii haa dɛ tomɔ la aa fɔwa o do heyaa a ta la, dɛ berɛ kaa tomɛ voɡa dɛɛ ɡuŋa aa, o baah ɛɛ di he nɛɛ kohonaa, ásɛ he serewe le harɛdɛɛɡe waa kpɔa tɛ heyaa nɔ ta.”

Josua 23:7

Hé laa he te kpɔ harɛre nɛra baa kaa he ne ba so nɔ nɛ, he bɛ ba voɡare sɔna dɛɛ yerɛ kɛɛ dɛɛ ŋwɛɛra. He bɛ an tomɛ, he bɛ an ɡuŋi ɡe.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.