Nɛra Kura 24:9 - mzwDBL

⁹ Ba do kɛŋɔ nyujente waa chɔa, nyujente nee chɔɔ waa, umee dɛ́ won lɔ bambile chumu wɔ? Nomɛlbwa waa swee andɛɛɡa tɛ Israel tena dɔ andɛɛɡa, nomɛlbwa waa taah ba la, á ɡure o ɡbaɡba nyu ta!”

Nɛra Kura 24:9 ပူးပေါင်းရင်းမြစ်များ

Mumpar 12:3

Mɛɛ cha nɛra la baa soŋe andɛɛɡa dɛɛ tɛɛ la. Nomɛlbwa waa taahnee la, ɡɛɛ mɛɛ ba o ɡe taahna, ásɛ a che he nɛ nɛwɛnyini bwa dɔ andɛɛɡa.”

Mumpar 27:29

Harɛre nɛra ɛɛ tomɛɛ, dɛ́ ɡuŋii harɛ. Hɛɛ ɛ nomoa he nya bii bwa nɛɛ, ásɛ ba ɡuŋi harɛ. Nomɛlbwa waa taahnee la, á berɛ ɡure o nyu ta, ásɛ nomɛlbwa waa soŋe andɛɛɡa tɛɛ la, ó ɡe dɔ andɛɛɡa.”

Mumpar 49:9

Juda do kɛŋɔ nyujente ken. Kpaahna taa he che dɛ kpeɡ. O chɔ harɛ kɛ nyujente aa, umee dɛ wonu wɔ?

Nɛra Kura 23:24

Ba do kɛŋɔ nyujente nee ken, waa soɡe dɛɛ biɡri, dɛ o di ol waa kpoo. Waa so biɡri, dɛ o kpɛle kon waa kpoo chal bwa.”

Matiu 25:45

Ásɛ n ŋɔ ba be ŋɔ, ‘Kasinteŋ, ɡɛ haa wola n nimanar baa ɛ nɛŋɡwɛɡra waa nɔ dɔŋa puu ba he ta bɛlbwa chae la, menee haa wola chae la.’

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

We-ɛɛla 9:5

Asɛ Sɔɔl ŋɔ, “Henee umeo, n Dɔɔ?” Asɛ naate ŋɔ, “Menee Yeesu la haa dɛ yoo mɛ la.

Yela 122:6

Soŋe deŋnesɔɔhna tɛ Jerusalam tena ŋɔ, “Nɛra baa dɛ nyin hen Jerusalam la, ba wobɛlbwa do wer tɛɛ ba.

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Job Tɔn 41:10

O ɡɔɔ o te naa, dɛ́ o ɔma. Nomɛlbwa toole dɛ́ won ba che o sie.

Kaala 23:22

Dɛ he cheɡ deŋne o be kɛrɛdɛ dɛɛ ɛ anɔ la maa bola bwa naa, mɛɛ hah he dɔmaa, n ne baa jo ŋwɛnɛ bɛlbwa ta.

Nɛra Kura 22:6

Ba kpeɡri ɡwaa mɛ, anomanta, ba tomɛ ba toma tɛ mɛ, n ken ɛɛ wonoo pɔ ba nɛɛ dɛ́ doŋ ba le n harɛ nɔ ta. N jemɔ kɛŋɔ nomɛlbwa haa sweero andɛɛɡa la, dɛ́ dɔ wedɛɛɡa. Banɔ la ɡe haa taah ba dɛ́ na a wa.”

Nɛra Kura 22:12

Korowii ŋɔ Balam be ŋɔ, “Bɛ ban pu kaa, bɛ nɛra la ɡe toma tomɛ. Israel tena ɛ nɛra maa swee andɛɛɡa tɛɛ ba.”

Nɛra Kura 24:10

Ate, Kooro Balak baah di Balam nɛ. O ume nɔɔra lɔ dɔŋa kohona dɛ ŋɔ o be ŋɔ, “N dɔma taahna waa n ka kpɔe ba, kɛ he berɔ swee ba andɛɛɡa kera atoro bwa.

Aesaya 31:4

Waa Korowii aa bol men Aesaya be laanee nɔ. “Gɛ nyujente onjen yon lawɛ ol dɛ́ kpoo dɛɛ ŋoo, ásɛ ba yerɛ peteɡra warɛ ŋɔ, bá doŋu, waa wola aahra baa dɛ aahro la ɔmɛ, waa wola ba ɡbɔɡa chaŋe la, ɡɛ tentenee men Koranar Bwa Kooro ɛɛ ba bala bá ɛ Saayɔn Bwejen ta, dɛ́ ba yo Jerusalam dɔma nomɛlbwa aa wola won kah mɛ.

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Mmarare 30:7

Korowii ɛɛ berɔɔ kpɔ taahna la bwaa ta he dɔma baa hah heyaa dɛɛ ɛ heyaa hɔhɔrɔwa la nɛ,

1 Koranar 10:20

Ba ɛ nyujentena fi dɛ anɛ chɔŋre kwaa waa cheɡɛ a ta teeh kaa so kookara la ta. Ba ta ɡɛ kookara nɔ dɔŋ bɛlbwa ɛɛ ken tɛ koojen bɛlbwa harɛ nɔ ta bwa.

2 Webena 9:18

Ba ɛ bɔre anumɛl, bela waa che teeh kaa so kookara la ta. Ba ɛ komɛl waa do kɛ karajeɡa, dɛ kpɔ suuɡaswɛm ɛ o ta, o kpɔ nakpale dɛɛ chɔŋɛ o ta. Dɛ ɛ bela waa kpɔ nɔɔra dɛɛ dawɛ kara la ta, baŋne anɛ. Dɛ berɛ ɛ kwaane aa le nyujentena anɛ a che kara la jwɛh.

Ɛsta 6:13

Waa kaa jo dem la, o baɡle waa aa puu la bwa o haah ne o daamanar la be. Asɛ ba jao ŋɔ, “Haa dena pa mun di sihiih Mɔdekae sie nɔ, o lɔɡaa hɛɛ ba doe, ásɛ o pɔ he nɛ, dɛkalkɛŋɔ o ɛ Juu te.”