Nɛra Kura 24:20 - mzwDBL

²⁰ Balam na Amalɛk tena wa chaahna ta dɛ bol ŋɔ, “Amalɛk tenaa fa kpeɡa harɛre bwa bini, kɛ a habɔɔ wɛɛ ba paɡroo kwara.”

Nɛra Kura 24:20 ပူးပေါင်းရင်းမြစ်များ

Kaala 17:14

Asɛ Korowii ŋɔ Mosis be ŋɔ, “Chwerɛ ɡɛ waa nɔ do tɔn bini á ɛ waa aa chɔ kerekere. Gel Josua no dɛkalkɛ n dɛ ba Amalɛk tena chɔɡa baa wola ba waa no harɛ nɔ ta bobɛlbwa kpa.”

Ɛsta 9:14

Kooro no ɡɛ dɛ ɡel Susa tena no dɛ ɡel ba saɡɛ Heeman bibaala fi la.

Ɛsta 3:1

Aa baa tel saŋ bɛl la, Koojen Sɛksɛs kpɔ nomonome tɛ Hamedata bibaa Heeman o nabaa aa ɛ Aɡaɡ, o ɛ nomonjen ɡwaa harɛ la nomonome bwa.

1 Webena 4:43

Ba kpoo Amalɛk tena baa kaa la bwa, dɛ kpɔ bela so, dɛ ba le fini.

1 Samoɛl 30:17

Devid yoo ba le chɔmbibii ka tel tɔ aa pera jɔmɔra. Ba bini bɛlbwa ta wone dɔ bɔr chwa, nemenɛ bonɔɔna lafraanaarɛ baa soɡe nyoɡmare taa wona dɔ bɔr chwa kaa.

1 Samoɛl 30:1

Tɔpetooro wee la, Devid ne o laa tena valɔ dɛ berɛ ba bwɛjen Siklaɡ. Dɛ Amalɛk tena baa yo Juda weekaŋle harɛbɔr bwɛɛre, dɛ ba pa ba laala dɛ fuh Siklaɡ,

1 Samoɛl 14:48

O yoo bambile bwa ne, dɛ pɔ Amalɛk tena nɛ, dɛ lɛ Israel tena, nomɛlbwa ta wone ba yoo ba kpa.

Sitɔɔla 6:3

Saŋ bɛlbwa Israel tena la aa parɛ ba kooni dɛ du kwaa la, ɡɛɛ Midian ne Amalɛk tena dɛ harɛre aa lɔ wee leebɔr nɛra yon ka jo harɛ la ta dɛ́ lɛ dɔɔh.

Kaala 17:16

Dɛ berɛ ŋɔ, “Korowii nɛɛ n kpɔ sie dawɛ o yo dɛɛ tɛ mɛ. Korowii ɛɛ teŋɔɔ yo Amalɛk tena saŋ bɛlbwa dɛɛ la!”

Kaala 17:8

Amalɛk tena balɔ ba lɔ tɔ Israel tena nɛ Refidim dɛ yoo ba.

Mumpar 36:12

Esɔ bibaa Elifas berɔ dɔ sɛno bɛl baa yerɔ Timna, asɛ dɛ lolɛ Amalɛk. Banɔ bwa ɛ Esɔ haah Ada naanar.

Nɛra Kura 24:7

Bwaala ɛɛ nɛɔ taeh, ásɛ kwaa baa dua dɔ nee kohona. Ba kora ɛɛ do kanee ɡwaa Amalɛk Kooro Aɡaɡ. Ba harɛ do kan, dɛ́ dɔ jirima kohona.

Nɛra Kura 24:19

Kooro la ɛɛ le Israel tena binii dɛ́ ba kpoo nɛra baa ka bwɛjen la ta bwa.”

Nɛra Kura 24:24

Stiimaere ɛɛ kpɔ nɛraa le Saepros harɛ taa ba, dɛ́ ba lɔ tɔ Asiiria tena ne Iba tena nɛ. Saepros tena ɡe kwara ɛɛ heo.”

1 Samoɛl 15:2

Nemenɛ Korowii ŋɔ, ‘Mɛɛ tɛr Amalɛk tena deŋnee, dɛkalkɛŋɔ ba naawa teŋe Israel tena ŋwɛnɛ, ɡɛ saŋ baa le Ijipt dɛɛ ba la.