Nɛra Kura 23:10 - mzwDBL

¹⁰ Umee dɛ́ won kure Israel tena ɔ? Dɛ he bɔne ba bini bɔre anaarɛ kwaraa naa, umee dɛ́ won jemɛ ba nyoa ɔ? N dɛ nyin n sewɛ kɛ nɛra ba wa aa toɡra, ɡel n seo do kɛ ban!”

Nɛra Kura 23:10 ပူးပေါင်းရင်းမြစ်များ

Yela 37:37

Hé nyiŋi nɛra ba wa aa toɡra na, ba dɔ deŋnesɔɔhna ba kerekere soɡa bini.

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Yela 116:15

Korowii nɛra ba wa aa toɡra o be la waa hiaoh, ba seo ɡelɔ o loo ɛɛ ku.

Wepila 14:13

N berɔ no taa bɛl nyundua o ŋɔ, “Chwerɛ waa nɔ. Le fini dɛɛ kaa, nɛra baa yarada ya Dɔɔ la dɛ kpɔ ba te tɛo la, dɛ ba sewaa, ba na som.” Korowii Domadɛɛɡe la bolɔ ŋɔ, “Kpelaa, ba onɔ. Ba lee ba ba koeh ta. Ba sɔndɛɛɡe ɛɛ teŋɛ ba nɛɛ kaa.”

2 Kɔrent 5:1

Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Nɛra Kura 2:31

Dɛ he kure Dan dea tena ne debele anɛ la ba bwa aa dɛ so dɔŋa jwɛɛh bela la baala aa, ba bwa lɔ kaɡboŋa lafa fifraanue dɛ banuanɛ lafraanumɛl. Dɛ Israel tena iro ŋɔ bá kaa bofale aa, banee dɛɛ ka mun, bɛlbwa kpoŋe o fraŋkaa.

Nɛra Kura 2:24

Dɛ he kure Efrem dea tena ne debele anɛ la ba bwa aa dɛ so dɔŋa jwɛɛh bela la baala aa, ba lɔ nɛra kaɡboŋa lafa dɛ banuatoro dɛ lafa. Dɛ Israel tena iro ŋɔ ba kaa bofale aa, a ɡɛ deene nɔɔ chɛ kɛŋɔ bá teŋɛ tooro.

Nɛra Kura 2:9

Dɛ he kure Juda dea tena ne debele anɛ la ba bwa aa dɛ so dɔŋa jwɛh bela la baala aa, ba bwa lɔ nɛra kaɡboŋa lafa fifraanuatoro dɛ banumɛl lafraanaarɛ. Dɛ Israel tena iro ŋɔ bá kaa bofale aa, banee chɛ kɛŋɔ bá tɔ sie.

Mumpar 28:14

He naanar ɛɛ warɔɔ kɛŋɔ harɛ nɔ ta teera, dɛ́ yɛɛ kaa harɛ nɔ ta bobɛlbwa. He ne he naanar nɛɛ aa ba cheɡa, ásɛ n swee andɛɛɡa tɛ harɛ nɔ ta nɛra bwa.

Mumpar 22:17

mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

Nɛra Kura 2:16

Dɛ he kure Rubin dea tena ne debele anɛ la ba bwa aa dɛ so dɔŋa jwɛɛh bela la baala aa, ba bwa lɔ kaɡboŋa lafa fifraanue dɛ beŋkpoŋ lafraanaarɛ fifraanue. Dɛ Israel tena iro ŋɔ bá kaa bofale aa, banee chɛ kɛŋɔ bá teŋɛ nɛɛ.

Nɛra Kura 31:8

Ba kpoo Midian koranar banue ja nɛra baa kpoora la ta. Banee koranar baa dɛ yer ba Evi ne Rekem ne Sor, ne Hur dɛ Reba. Ba kpo Beɔ bibaa Balam ɡe tokobii ne.