Nɛra Kura 23:1 - mzwDBL

¹ Balam ŋɔ Kooro Balak be ŋɔ, “Ma kwaa baa dɛ ɛ saraha a ta anuanɛ, ásɛ dɛ nyin nabala anuanɛ ne pebala anuanɛ ba tɛ mɛ.”

Nɛra Kura 23:1 ပူးပေါင်းရင်းမြစ်များ

Nɛra Kura 23:29

Asɛ Balam ŋɔ o be ŋɔ, “Ma kwaa baa dɛ ɛ saraha a ta anuanɛ, dɛ́ kpɔ nabala anuanɛ ne pebala anuanɛ ba tɛ mɛ.”

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Ɛsekeɛl 45:23

Tɔpejen la dii tɔpera anuanɛ ta la, tɔpere bɛlbwa a chɛ kɛ o lawɛ nabali anuanɛ, ne pebala anuanɛ bɛlbwa aa wola kirihiah dii, dɛ́ ba ɛ saraha baa fuah tɛ mɛ. Tɔpere bɛlbwa, ó berɛ lawɛ bombal ba ɛ wechɔɡa kpɔe dɛ kɛ saraha.

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Job Tɔn 42:8

Anomanta, lawɛ nabala anuanɛ ne pebala anuanɛ ka tɛ n bonɔɔ Job ó kpɔ ɛ saraha baa dɛ fuah tɛ heya. Wɛɛ soŋoo tɛ heya, ásɛ n no dɛ bɛ he deŋne tɛr he ɡɛna waa kpa. He ta n waa kasinteŋ bolɛ kɛ n bonɔɔ Job.”

2 Webena 29:21

Ba kpɔ nabala anuanɛ ne pebala anuanɛ, ne pebiiri anuanɛ dɛ bombala anuanɛ, dɛ ka ɛ wechɔɡa kpɔe dɛ́ kɛ saraha tɛ harɛ la nɛra bwa, ne Korowii Dea la, dɛ Juda harɛ nɛra ɡe bwa. Kooro do Arɔn naanar baa ɛ sɔfore la ŋɔ, bá kpoo kwaa la kon baa kpoo kwaa ɛ saraha dɛɛ tɛ Korowii la ta.

1 Webena 15:26

Gɛ aa ɛ ásɛ Korowii cha Lewi dea tena, ásɛ ba won che Korowii Ne Nɛwɛnyina Fɔo Daka la nomanta, ba kpoo nabala anuanɛ ne pebala anuanɛ ɛ saraha tɛ Korowii.

2 Koranar 18:22

Asiiria nomoa la berɛ ŋɔ, “Kɛ, hɛɛ ŋɔɔ Korowii haa dɛ tomɔ la nɛɛ hɛɛ hwɛɡɛ aa? Saraha kwaa baa kpoo kwaa a ta dɛɛ tɛ Korowii la laa on Kooro Hɛsɛkea chɔɡ, dɛ ŋɔ Juda ne Jerusalam tena bwa be ŋɔ, báa tomɛ Jerusalam bonɔ ɡbo la aa?

1 Samoɛl 15:22

Kɛ Samoɛl chaŋo ŋɔ, “Korowii sie dɛ lɛ saraha baa fuah ne kwaa baa kpoora, ɡwaa kɛ haa no o deŋna wa aa? Korowii deŋna waa noe wer ɡwaa kɛ haa kpo pedɛɛɡe ɛ saraha tɛo.

Nɛra Kura 29:32

Tɔpenuanɛ wee, hé kpɔ nabali anuanɛ ne pebala anɛ dɛ pebali fi dɛ anaarɛ aa dɔ benanyoa a bɛlbwa aa wola kirihiah dii ba ɛ saraha.

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Nɛra Kura 22:41

Tɔ aa pera chɔɔ la, Kooro Balak kpɔ Balam kaa Bamɔt Baal ba ka che bela na Israel tena la bane.

Nɛra Kura 23:2

Kooro Balak ɛ ɡɛ Balam aa ŋɔa la, ba nɛra banɛ la kpɔ nabal ne pebal ɛ saraha, saraha kon la bɛlbwa ta.

Nɛra Kura 23:30

Kooro Balak ɛ waa Balam aa ŋɔ o be la, dɛ kpɔ nabal beŋkpoŋ ne pebal beŋkpoŋ ɛ saraha kon la bɛlbwa ta.