Nɛra Kura 22:7 - mzwDBL

⁷ Ate, Moab nomonome ne Midian nomonome la kpɔ suuɡa baa kpɔ ka tomɛ toma la kaa. Baa la Balam be la, ba bol waa Kooro Balak aa ŋɔa la.

Nɛra Kura 22:7 ပူးပေါင်းရင်းမြစ်များ

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Aesaya 56:11

Ba do kɛŋɔ nyootena aa dɛ di kwaa kohona aa wola vaɡɛ bwa. Ba do kɛ peteɡra baa wola waa mun no. Bɛlbwa dɛ ɛ anɔ la aa dɛ su o siwi, ne waa aa le tɔnɔ tɛo.

Ɛsekeɛl 13:19

He chɔɡ mɛ dɛɛ tɛ n nɛra, dɛ lɛ mea nɔndela tama ne paanoo tama dɛɛ le ba be. Dɛ teŋe nyosone dɛɛ kpoo nɛra baa wola chɛ kɛ he kpoo, dɛɛ ɡel banɔ la baa chɛ kpoora. Gɛɛ he teŋe nyosone dɛɛ tɛ n nɛra asɛ baa yarada he wa.’

Ɛsekeɛl 21:21

Babelɔn kooro cheɡɛ ŋwɛnɛ chɛchɛre la ta, dɛ kpɔ o hɛma bil daa, dɛ́ jemɛ ŋwɛnɛ waa kpɔ o ta. O kpɔ o voɡa bil dɛ kpɔ kondɛɛre waa kpoa pwɛ dɛɛ nyiŋi o ta.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Nɛra Kura 22:8

Asɛ Balam ŋɔ ba be ŋɔ, “Hé chɔ ásɛ n ɛ dɛ́ bol he be waa Korowii aa ŋɔ n be.” Ate, nomonome la so Balam be.

Nɛra Kura 23:23

Sɔm we-ɛɛla aa won ɛ Israel tena wobɛlbwa, voɡre bɛlbwa ɡe aa ban wo. Taraken baa bol Israel tena waa ŋɔ, ‘He na waa Korowii aa ɛa tɛɛ ba.’

Nɛra Kura 24:1

Balam aa naa kɛŋɔ a too Korowii tea kɛŋɔ o swee andɛɛɡa tɛ Israel tena la, o ta laŋɛ ka voɡɛ ɡɛ o fa aa dɛ ɛ la. O berɛ sie chaɡɛ pua hɛŋle ɡbo harɛ la ta.

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

Taetos 1:11

A chɛ kɛ he kah ba ba tɔ nyoa. Ba dɛ chɔɡ dembir nɛra liire ba yon vɛh kasinteŋ waa la ta teŋa. Ba koh suuɡa waa dɛɛ chaɡle waa aa wola chɛɛ.

Josua 13:22

Nɛra baa jaa Israel tena la kpoo ba laa ta la, ba bini bɛlee Balam, o mɛɛ sɔne Beɔ. Dɛ a ɡɛ Balam nɔ ɛ voɡre.

2 Pita 2:15

Ba ɡel ŋwɛnɛtoɡre la, dɛ nyoɡre. Ba kpɔ Beɔ bie Balam o fa aa ɛ Korowii keame la ŋwɛnɛ la. O sie aa beɡre suuɡa kohona nomanta, o kpɔ ŋwɛnɛchɔɡe ta dɛ nyin suuɡa.

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.