Nɛra Kura 22:5 - mzwDBL

⁵ tomɛ toroma ba ka kpɔ Beɔ bibaa Balam. Dɛ o lɔ bwɛɛ bɛl baa dɛ yerɔ Pɛtɔ, o bɛne Yufretis Moo nyoa. Kooro Balak ŋɔ, “Nɛra bane warɔ pirim dɛ le Ijipt harɛ ta, dɛ ba su bɔr bwa dɛɛ ba dɛ́ ba lɛ n harɛ.

Nɛra Kura 22:5 ပူးပေါင်းရင်းမြစ်များ

Mmarare 23:4

Dɛkalkɛŋɔ ɡɛ saŋ haa le Ijipt harɛ ta dɛɛ ba la, ba vɔmɛ heyaa nee ne kondikwa. Beɔ bibaa Balam, waa le Pɛtɔ dɛ do Mɛsopoteemea harɛ ta la, ba kaa bɔɔ paa ŋɔ ó ba taah heya.

Maeka 6:5

N nɛra, hé lii wechɔɡa Moab Kooro Balak fa aa vɔrɔwa, asɛ Beɔ bibaa Balam chaŋo la wa. Hé berɛ lii ŋwɛnɛ haa vala le Sitim dɛ ba Gelɡal, dɛ́ na ŋwɛnɛre maa cheɡɛ a ta lɛ heya.”

Josua 24:9

Dɛ Sepɔ bibaa Balak di kora Moab harɛ ta ɡɛ saŋ. O kpɔ o te dɛ ka yo Israel tena, dɛ ɡel Beɔ bibaa baa dɛ yerɔ Balam no kɛŋɔ ó ba dɛ́ ba taah heya.

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

Josua 13:22

Nɛra baa jaa Israel tena la kpoo ba laa ta la, ba bini bɛlee Balam, o mɛɛ sɔne Beɔ. Dɛ a ɡɛ Balam nɔ ɛ voɡre.

Nɛra Kura 23:7

Balam bol waa Korowii aa bola la dɛ ŋɔ, “Kooro Balak kaa kpɔ mɛ le Siiria harɛ ta, Moab harɛ ta wee leebɔr bwejena bɔr. Dɛ ŋɔ n ba tomɛ Israel tena toma tɛo, ba chɔɡ Israel tena tɛ mɛ.

Yela 105:24

Korowii kpɔ ba ɛ o nɛra, dɛ ɡel ba mun ya ɡwaa ba dɔma.

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Kaala 10:15

A balɔ warɛ dɛ tɔ harɛ la sie bwa o bir ken. A di kwaa dombwea la aa wola chɔɡɛ la bwa. Kwaa aa lɔ koo ne daa nɔna bwa. Konduuli bɛlbwa toole dɛ ka. Komɛlbwa ta Ijipt harɛ ta kae.

Nɛra Kura 31:8

Ba kpoo Midian koranar banue ja nɛra baa kpoora la ta. Banee koranar baa dɛ yer ba Evi ne Rekem ne Sor, ne Hur dɛ Reba. Ba kpo Beɔ bibaa Balam ɡe tokobii ne.

Mmarare 23:5

Korowii haa dɛ tomɔ nɔ aa dɛ nyin heyaa nomanta, o ta sie doe Balam wesoŋa la ta dɛ berɛ ɡel taahna la berɛ andɛɛɡa tɛ heya.