Nɛra Kura 22:41 - mzwDBL

⁴¹ Tɔ aa pera chɔɔ la, Kooro Balak kpɔ Balam kaa Bamɔt Baal ba ka che bela na Israel tena la bane.

Nɛra Kura 22:41 ပူးပေါင်းရင်းမြစ်များ

2 Webena 11:15

Kooro Jɛroboam le o ɡbaɡba kerekpoŋra ba so voɡa ta, dɛɛ tomɛ daabii ne nabali, dɛ voɡa waa sɛah la.

Jeremia 19:5

Ba ma kwaa baa ɛ sarahare a ta tɛ voɡ Baal, dɛ fuh ba bibaala ɛ sarahare dɛɛ tɛo. N ta ban doe ŋɔ ba ɛ ɡɛ, a toole n liire ta kwaraa.

Jeremia 48:35

Moab harɛ taa mɛɛ ba nɛra baa dɛ ɛ sarahare deŋɡarere dor, dɛɛ fuh daawiile dɛɛ tɛ ba voɡare la kpoora. Men Korowiirii bola.

Nɛra Kura 21:28

Kooro Sihon laa tena le Hɛsbɔn kɛ nii ken, kɛŋɔ ninlao dɛ le Kooro Sihon bwɛjen ta, dɛ ba chɔɡ Moab harɛ bwɛjen Ar, dɛ ka chɔɡ nɛra baa lɔ Aanɔn Moo deŋɡarere ta.

Nɛra Kura 22:40

Kooro Balak kpo nae ne peera, dɛ kpɔ ane tɛ Balam ne nomonome baa ja o nɛɛ la.

Nɛra Kura 23:1

Balam ŋɔ Kooro Balak be ŋɔ, “Ma kwaa baa dɛ ɛ saraha a ta anuanɛ, ásɛ dɛ nyin nabala anuanɛ ne pebala anuanɛ ba tɛ mɛ.”

Nɛra Kura 23:13

Kooro Balak ŋɔ Balam be ŋɔ, “Ba ya kaa bofale, bela haa dɛ ba wona na Israel tena la. Ba bini banee hɛɛ ba nae, ba bwa laa. Che bela tomɛ ba toma tɛ mɛ.”

Mmarare 12:2

hé ka chɔɡ nɛra haa dɛ la ka doŋ ba le harɛ la ta la voɡtubɔra aa lɔ bwejena ne deŋɡarere ne daa lɔɡre la bwa sekwara.