Nɛra Kura 22:38 - mzwDBL

³⁸ Balam chaŋe ŋɔ, “Taraken n balɔ, kɛ maa won bol wobɛlbwa nemenɛ anɔ la Korowii aa ŋɔa n bol.”

Nɛra Kura 22:38 ပူးပေါင်းရင်းမြစ်များ

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Nɛra Kura 22:18

Anee Balam ŋɔ ba be ŋɔ, “Hale Kooro Balak kpɔ o kara mun suuɡapoŋa ne suuɡaswɛm bwa tɛ mɛ naa, maa won ɛ wobɛlbwa Korowii aa do mɛ ŋɔ n bɛ ɛ la. Hale kohona kɛɛ tama bɛlbwa.

Nɛra Kura 23:26

Anee Balam chaŋo ŋɔ, “N ta he be ŋɔe ŋɔ waa Korowii aa bola laanee mɛɛ ba ɛɛ yaa?”

Nɛra Kura 23:16

Ate, Korowii bol waa Balam be ŋɔ, “Berɛ la Kooro Balak be dɛ́ ka ɡel o no.”

Aesaya 47:12

Anomanta, ir nyu ne, dɛ́ do sie he kaberere ne he dobodobo we-ɛɛla aa wara he le a ne bechale saŋ, dɛɛ ɛa la. A ken ɛɛ won ɛ waane, he ken ɛɛ won kpɔ aah he dɔma.

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Aesaya 44:25

Menee ɡela keame nyosonteŋna waa ɛ nyosone, dɛ ɡel voɡra waa ɛ ɡɛnewa, dɛ won beɡre harɛ nɔ ta wejerema wejema, a ɛ wesale.

Yela 76:10

Kasinteŋ, he baah di nɛra nɛ aa, a ɡelɔ baa kpɛɛre. Banɔ la baa le he bandia nyoa la, ba dɛ nyiŋi ba te kɛrɛdɛ.

Yela 33:10

Korowii chɔɡ harɛre nɛra vɔrɔwa baa vɔrɔwa, o lɔ waa baa dɛ vɔrɔwe bwa ta.

2 Webena 18:13

Anee Korowii keame Mikaya chaŋe ŋɔ, “N ŋwɛɛ Korowii waa lole kɛŋɔ, mɛɛ bol waa Korowii maa dɛ tomɔ aa ŋɔa ń bol o bee.”

1 Koranar 22:14

Anee Korowii keame Mikaya chaŋe ŋɔ, “N ŋwɛɛ Korowii waa lole kɛŋɔ, mɛɛ bol waa Korowii maa dɛ tomɔ aa ŋɔa ń bol o bee.”

Nɛra Kura 24:13

‘Hale dɛ Kooro Balak kpɔ o kara mun suuɡapoŋa ne suuɡaswɛm bwa tɛ mɛ naa, maa won le Korowii habɔɔ dɛ́ ɛ n bambile wa, dɛ́ ɡel anɔ la Korowii aa do mɛ ŋɔ n bɛ ɛ la. A wer oo, aa were oo, a ta chɛ kɛ ń ɛ anɔ la Korowii aa bola ɡbo aa?’

Nɛra Kura 22:37

Kooro Balak ŋɔ Balam be ŋɔ, “N ta nɛra tomɛ ŋɔ ba ba kpɔe kɛ a hiah mɛ naa? Ɛrɛɛ haa wola balɔɔ? Maa won bɔe kem kɛrɛdɛ kɛɛ?”

Nɛra Kura 22:39

Asɛ Kooro Balak ne Balam kaa bwɛɛ bɛl baa dɛ yerɔ Kiriat Hosɔt.

Nɛra Kura 22:8

Asɛ Balam ŋɔ ba be ŋɔ, “Hé chɔ ásɛ n ɛ dɛ́ bol he be waa Korowii aa ŋɔ n be.” Ate, nomonome la so Balam be.

1 Koranar 22:16

Asɛ Kooro Ahab ŋɔ o be ŋɔ, “Keraŋwɛnɛɛ ń ɡel he ŋwɛɛ kɛŋɔ he bol kasinteŋ Korowii sɔn ta nɔ?”