Nɛra Kura 22:32 - mzwDBL

³² Korowii nyundua torome la bɔɔro ŋɔ, “Ɛrɛɛ he lɔɔ he keeɡo nɔ kera atoro bwa ken? Na, n balɔ dɛ́ ba tɔe ŋwɛnɛ dɛkalkɛŋɔ n ta hen ŋwɛnɛ tɛɛ kɛŋɔ he la Moab harɛ ta.

Nɛra Kura 22:32 ပူးပေါင်းရင်းမြစ်များ

Yela 145:9

He wer tɛ nomɛlbwa, dɛ dɔ tedoma tɛ kwaa haa taa bwa.

Yela 147:9

Onee dɛɛ tɛ ola kondikwa, dɛɛ tɛ ɡaahɡaah bii lɔr aa dɛ kpoa kondikwa aa di.

Yela 36:6

He wa aa toɡra la jaŋne kaa nyundua kɛ bwejena tenten ken, he bole pae bini do luŋri kɛŋɔ mpo vil, dɛɛ nyiŋi nɛwɛnyina ne ola bwa nɛ.

Sɛɡla 14:2

Nɛn o wa aa toɡra laanee dɛɛ ɔmɛ Korowii, kɛ nɛn waa dɛ neɡre nɛraa wola Korowii kpɔe dɛɛ ɛ wobɛlbwa.

Sɛɡla 16:2

Nɛwɛnyini dɛ lii kɛŋɔ o we-ɛɛla wer o be, kɛ Korowiirii dɛɛ nyiŋi a bini.

Sɛɡla 28:18

He waa bini wer aa, he dɛ dɔ he nyu, kɛ dɛ he waa bini ta toɡraa, he dɛ chole warane.

Sɛɡla 28:6

Nyaa o wa aa dɔ kasinteŋ la, o bɔ suuɡa te o wa aa doŋa.

Jona 4:11

Aah ɛrɛ waa Niniwe o nɛra aa ɡwaa kaɡboŋa lafa fifraanɛ, baa wola wedɛɛɡa ne wechɔɡa baah jemɛ, ba kondɛɛra ɡe aa wola nyoa dɔe nɔ, ba waa aa wola n nɛɛ weɔ?”

Maeka 6:5

N nɛra, hé lii wechɔɡa Moab Kooro Balak fa aa vɔrɔwa, asɛ Beɔ bibaa Balam chaŋo la wa. Hé berɛ lii ŋwɛnɛ haa vala le Sitim dɛ ba Gelɡal, dɛ́ na ŋwɛnɛre maa cheɡɛ a ta lɛ heya.”

Nɛra Kura 22:20

Awola jwaana la, Korowii ŋɔ Balam be ŋɔ, “Nɛra nɔ aa bala dɛɛ ba dɛ́ ba kpɔe nɔ, kpɔ he te he ne ba kaa, kɛ ka ɛ anɔ la maa ŋɔ he ɛ ɡbo.”

Nɛra Kura 22:22

Waa dɛ kaa la, Korowii baah diu, asɛ o ɡel o nyundua torome ba che ŋwɛnɛ la baah ta dɛ tɔɔ ŋwɛnɛ. Dɛ Balam soɡe o keeɡo la ta, o bonɔɔna banɛ ja o nɛ.

Nɛra Kura 22:28

Asɛ Korowii ɡel keeɡo la bol waa ta Balam nɛɛ ŋɔ, “Ɛrɛɛ n ɛɛ he lɔɔ mɛ kera atoro bwa ken?”

Nɛra Kura 22:33

Keeɡo la na mɛ kera atoro bwa dɛɛ kee mɛ. Dɛ o fe ta kee yaa, n fe kpoe dɛ ɡelo.”

Nɛra Kura 22:35

Korowii nyundua torome la ŋɔ, “He ne nɛra la kaa, kɛ ka bol anɔ la maa bol he be.” Anee Balam ne Kooro Balak nomonome la kaa.

We-ɛɛla 13:10

“Bɔnsam nɛn kohona, he hah wedɛɛɡa bwa kɛrɛdɛ! He lambaara kan ɡa. Bɛ he wechɔɡa la kpɔ tɔ Korowii ŋwɛnɛ.

Mmarare 23:4

Dɛkalkɛŋɔ ɡɛ saŋ haa le Ijipt harɛ ta dɛɛ ba la, ba vɔmɛ heyaa nee ne kondikwa. Beɔ bibaa Balam, waa le Pɛtɔ dɛ do Mɛsopoteemea harɛ ta la, ba kaa bɔɔ paa ŋɔ ó ba taah heya.

Mmarare 25:4

He bɛ nabal waa dɛ ɛ toma he koo ta la nyoa vɔwɛ, dɛ́ ŋɔ o bɛ kwaa di.