Nɛra Kura 22:23 - mzwDBL

²³ Keeɡo la na Korowii nyundua torome la kɛŋɔ waa pamɛ kere dɛ che ŋwɛnɛ la ta, asɛ o bɛɡɛ jo kpɔɡ bini. Asɛ Balam lɔɔ dɛ ɡel o ba chiɡ ŋwɛnɛ ta.

Nɛra Kura 22:23 ပူးပေါင်းရင်းမြစ်များ

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.

2 Pita 2:16

Korowii fa ɡelɔ keeɡo bol waa o be dɛ kaoh o wechɔɡa la ta. Keeɡo ɡe fe aa waa bol. Anomanta, Korowii keame nɔ ɡel o choɡla waa la.

We-ɛɛla 22:9

Dɛ n ne nɛra banee dɛɛ kaa. Ba na nii la te, kɛ ba ta naate waa dɛ bol waa n be la wobol te noɛ.

Daneɛl 10:7

Men Daneɛl ɡboo na wepila la, dɛ baala bane ja n nɛ, ba te ta kon la nae, kɛ ɔmee laɡ ba kohona asɛ ba chwa ka sɔh.

Jeremia 8:7

Hale chaŋɡale aa dɛ ɡah nyundua ɡba jemɛ komɛlbwa saŋ, ɡɛɛ kwehre ne konkolombiiri bwa ɡe jemɛ saŋ aa kpɔa dɛɛ ɡaaɡe sobɔrfala. Kɛ n nɛra te aa jemɛ waa maa dɛ nyin dɛɛ teŋɛ a ta.

1 Webena 21:16

Kooro Devid ha sie nyiŋi dɛ na Korowii nyundua torome la kɛŋɔ waa cheɡɛ harɛ ne nyundua baah, dɛ pamɛ kere pa Jerusalam dɛɛ ba o chɔɡa. Dɛ Kooro Devid ne o nomonome tɔ lweyale, ba cholo dɛ kpɔ sie pi harɛ.

2 Koranar 6:17

Belaa Elaesa soŋe Korowii ŋɔ, “N Naa Korowii, pili o sie ó won dɛɛ na.” Asɛ Korowii ɡel bonɔɔ la sie pili, o na kɛŋɔ jaɡre ne kwaa aa do kɛ torɔɡore, ne niirare su deŋɡarere la ta dɛ bar Elaesa.

Nɛra Kura 22:22

Waa dɛ kaa la, Korowii baah diu, asɛ o ɡel o nyundua torome ba che ŋwɛnɛ la baah ta dɛ tɔɔ ŋwɛnɛ. Dɛ Balam soɡe o keeɡo la ta, o bonɔɔna banɛ ja o nɛ.

Nɛra Kura 22:24

Asɛ Korowii nyundua torome la berɛ ka che daa kooni anɛ ane baah ta, asɛ danjwɛɛ do diɡ ne ɡal, ŋwɛnɛ chɔ a baah ta feelɔɔ ken.

Josua 5:13

Awola bɛl, Josua ne Israel tena dɛ bɛne bwɛjen Jeriko, asɛ o na baa bɛl o kpoŋe kere dɛ che o sie. Josua la o be dɛ ka pɛɛro ŋɔ, “Ya bini bɛlee hen kɛɛ ya dɔmee hen ɔ?”