Nɛra Kura 21:5 - mzwDBL

⁵ dɛ bol waa yaɡɛ Korowii ne Mosis ŋɔ, “Bɔkwa waa he kpɔ yaa le Ijipt harɛ ta yaa ba ba serewe pua hɛŋle ɡbo harɛ ta ken? Kondikwaa tenten bɛlbwa toole bonɔ, nee ɡe kwaraa toole. Yaa maana nɔ ɡe nyin kpa.”

Nɛra Kura 21:5 ပူးပေါင်းရင်းမြစ်များ

Yela 68:6

Korowiirii tɛ nɛra baa nya nɛra bɔr, ba yon so, dɛ le nɛra baa do ba dea, dɛ ɡel ba sie lɛ baa di ba nyu. Bambikpeɡ tena te, harɛ waa chɔɡa taa baa ba soɡa.

Yela 78:19

Ba bol waa yaɡɛ Korowii ŋɔ, “Korowii ɛɛ won tɛ yaa kondikwaa pua hɛŋle ɡbo harɛ ta bonɔ naa?

Kaala 14:11

Dɛ bɔɔ Mosis ŋɔ, “Lalbɔɔnee wola toole Ijipt harɛ ta waa he ba ya ne pua hɛŋle ɡbo harɛ ta ŋɔ yá ba serewe nɔ kɛɛ? Bɔkwa waa he ɛ yaa ken?

Kaala 15:24

Anomanta, nɛra la naɡre wa dɛ pɛɛ Mosis ŋɔ, “Leperaa ya dɔ nee dɛ́ nyɔɔ?”

Kaala 16:15

Israel tena laa naa la, ba bɔɔ dɔŋa ŋɔ, “Bɔkwa ɡee nɔɔ, dɛkalkɛ dɛ baa a konsoo jemɛ.” Anee Mosis ŋɔ ba be ŋɔ, “Kondikwaa Korowii aa kpɔa tɛ heyaa ŋɔ hé di laanee.

Kaala 16:31

Israel tena la ŋɔ kondikwaa la sɔne ‘maana’. A do kɛŋɔ boyubi dɛ to. He dia aa, o som kɛŋɔ baa kpɔ tooh do biskeeti ta la ken.

Sɛɡla 27:7

Nɛn di kwaa vaɡɛ o tea aa, o waane laa tooh wa, ɡɛɛ nɛn lɔr aa dɛ kpoo la, koŋkpela ɛɛ do o som.

Ɛsekeɛl 20:21

Ba bii la ɡe ɛɛ mɛ deŋnekpeɡ. Bɛlbwa ta n waa ne me Mmarare la ta teŋɛ kɛrɛdɛ, a lole kɛŋɔ anee fe dɛ́ ɡel ba dɔ mkpa. Ba chɔɡ n Ona Tɔpera la. Asɛ n ŋɔ mɛɛ kpɔ n bandia kohonaa ba ta ba nɛ pua hɛŋle ɡbo harɛ ta bela, dɛ́ tɛr ba deŋne.

Nɛra Kura 11:20

Hɛɛ chwea korobibir bwaa a ba lawɛ heya, dɛ́ pe heya, dɛkalkɛŋɔ he vɛh Korowii, onee ja he nɛɛ he soɡa bini. Kɛ he wi o siwi ta ŋɔ, ‘Bɔkwaa ɡela ya le Ijipt harɛ te nɔ?’ ”

Nɛra Kura 16:41

Tɔ aa pera la, Israel tena la bwa berɔ naɡre Mosis ne Arɔn waa ŋɔ, “He nɛra banɛ nɔɔ kpoo Korowii nɛra la.”

Nɛra Kura 17:12

Ate, Israel tena la ŋɔ Mosis be ŋɔ, “Amɔ te, yaa serewoo! Ya waa bwa tonɔ kwaraa!

1 Kɔrent 10:9

Ya bɛ Korowii daah dɛɛ na ɡɛ bane fa aa daahno na, asɛ o ɡel harɛ kpɔ ba ba serewe la.