Nɛra Kura 21:34 - mzwDBL

³⁴ Anee Korowii ŋɔ Mosis be ŋɔ, “Bɛ Kooro Ɔɡ ɔmɛ, n kpɔ o ne o laa tena ne harɛ la bwa do he nɔn ta. Ɛo ɡɛ haa ɛ Amɔre Kooro Sihon waa di kora Hɛsbɔn la.”

Nɛra Kura 21:34 ပူးပေါင်းရင်းမြစ်များ

Josua 8:7

he banɔ la haa kaa sɔh chɔ dɛɛ kpa la ɛ warane, dɛ́ ka lɛ bwɛjen la dɔɔh. Korowii haa dɛ tomɔ la ɛɛ kpɔ bwɛjen laanee do he nɔn ta.

Aesaya 41:13

Menee Korowii haa dɛ tom mɛ, mɛɛ tɛ heyaa bokpeɡa. N dɛ ŋɔ he be ŋɔ, ‘He bɛ ɔmɛ, mɛɛ cha heyaa.’ ”

2 Koranar 3:18

Elaesa berɔ ŋɔ, “A ɡɛ waa nɔ pwɛre Korowii be, wɛɛ berɔɔ kpɔ Moab laa tena do he nɔn ta he pɔ ba nɛ.

1 Koranar 20:28

Belaa Korowii keame la la Israel Kooro Ahab be dɛ ŋɔ Korowii ŋɔ, “Siiria tena dɛ lii kɛŋɔ men Korowii lɔ deŋɡarere ta, n toole harɛre aa chɔa kaa ta nomanta, mɛɛ kpɔ laa tena damanta nɔɔ do he nɔn taa, ásɛ he jemɛ kɛŋɔ menee Korowii.”

1 Koranar 20:13

Anɔ bwa la, dɛ Korowii keame bɛl ba Israel Kooro Ahab be dɛ ba ŋɔ o be ŋɔ, “Korowii ŋɔ kɛ he na laa tena baa wara nɔ kenɛ? Mɛɛ kpɔ baa do he nɔn taa fini, ásɛ he jemɛ kɛŋɔ menee Korowii.”

2 Samoɛl 5:19

Belaa Kooro Devid ka bɔɔ le Korowii be ŋɔ, “N Naa Korowii, ń la ka yo Filisti tena nɔ naa? Hɛɛ kpɔ baa do n nɔn taa kɛɛ?” Asɛ Korowii chaŋo ŋɔ, “Ir kaa, mɛɛ kpɔ baa do he nɔn taa, ásɛ he pɔ ba nɛ.”

1 Samoɛl 23:4

Devid berɔ bɔɔ waa le Korowii be asɛ o chaŋo ŋɔ, “Kaa Keila dɛ́ ka puu ba yo, mɛɛ ɡeloo he pɔ Filisti tena la nɛ.”

Sitɔɔla 11:30

Asɛ o baɡɛ Korowii nyoa ŋɔ, “Dɛ he kpɔ Amɔn tena do n nɔn ta n pɔ ba nɛ aa,

Josua 10:25

Josua berɛ ŋɔ laa nomonome la be ŋɔ, “Hɛ́ɛ berɛ ɔma, he bɛ ɡel he bambile ɡe chɔɡ. Hé che kiŋkiŋ dɛ́ dɔ bambile. Kenii Korowii ɛɛ ba he dɔma bwa he ne baa dɛ ba yoi ɛɛ.”

Josua 10:8

Belaa Korowii ŋɔ Josua be ŋɔ, “Dɛɛ berɛ ba ɔma, n dɔɔ kpɔ ba do he nɔn ta. Ba bini bɛlbwa toole dɛ́ won che he sie.”

Mmarare 31:6

Hé che kiŋkiŋ, he bɛ ɔmɛ. Korowii haa dɛ tomɔ nɔ ɡbaɡba ɛɛ che he mun taa. Waa he jwɛɛh le, waa heyaa ta.”

Mmarare 20:3

‘Israel tena, fini he ne he dɔma dɛ ba yoi, anomanta, he bɛ ɡel he bwara yɔr, he bɛ ɡel he bwara ɛɛ sa, he bɛ ban ɔmɛ.

Mmarare 7:24

Ba koranar ɡe la, wɛɛ kpɔ baa do he lɔɡa, ásɛ he kpoo ba le harɛ nɔ ta ba waa tonɛ. Nomɛlbwa aa won che he sie, hɛɛ chɔɡ ba bwaa.

Mmarare 3:11

Dɛ Kooro Ɔɡ ɡboo fa baa ka Refa tena baa kpeɡa la bini. Bunii ba kpɔ ɛ o mpa, dɛ o jaŋne ɛ naɡale fi dɛ atoro ne tama, o paɡri ɡe ɛ naɡale anumɛl. Mpa la ta lɔ Amɔn tena bwɛɛ Raba la ta, dɛ ba le fini.”

Nɛra Kura 14:9

He bɛ ɡaeh lɛ Korowii nɛɛ dɛ vɛoh. He bɛ harɛ la ta nɛra ɡe ɔmɛ. Yaa wono pɔ ba nɛ, kwaa baa kpɔ ba te dawɛ a ta la toole kpa. Korowii teŋɛ ya nɛ, he bɛ ban ɔmɛ.”

Nɛra Kura 32:4

Korowii aa sɔɔh a nɛra kpeɡri nyoa dɛ lɛ tɛ ya Israel tena la wer ne kwaa dɛɛra, he bonɔɔna ɡe, ya dɔ kondɛɛra.

Mmarare 2:30

Kooro Sihon ta yaa ŋwɛnɛ tɛɛ ya kpɔ o harɛ ta dɛ kaa. Dɛ Korowii ɡelɔ o deŋne do kpeɡri wɛɛ lɛ ɡaeh, ɡɛ aa ɛ ásɛ ya won pɔ o nɛɛ dɛ́ lɛ harɛ haa lɔ o ta fini nɔ.

Mmarare 3:1

Mosis berɔ ŋɔ, “Ate, ya laa berɛ, dɛ kpɔ sie pa Basan harɛ dɛɛ kaa, belaa Basan Kooro Ɔɡ kpɔ o laa tena bwa dɛ ba yo yaa. Dɛ ya dɛ tel Edrei.

Mmarare 7:17

He bɛ dɛɛ bol kɛŋɔ, ‘Nɛra nɔ sii ya nɛ, ɛrɛɛ yaa ba ɛɛ dɛ́ won doŋ ba ɔ?’

Mmarare 7:18

He bɛ ban ɔmɛ, hé lii ɡɛ Korowii haa dɛ tomɔ aa ɛ Ijipt kooro ne o harɛ nɛra bwa la.

Mmarare 7:21

Anomanta, he bɛ ban ɔmɛ. Korowii haa dɛ tomɔ nɔ lɔ he baah ta, o kan o waa do ɔma kohona.