Nɛra Kura 20:8 - mzwDBL

⁸ “Kpɔ daŋɡbala la ásɛ he ne Arɔn ka cheme nɛra la bwa. Bol wa, nee ɛɛ le bwe la taa, ásɛ nɛra la ne ba kondɛɛra bwa nyɔ.”

Nɛra Kura 20:8 ပူးပေါင်းရင်းမြစ်များ

Mumpar 18:14

Bɔkwa waa kpeɡa men Korowii be maa wola won ɛɔ? Anee n faa bol he be la, benanyoa ne chema saŋ nɔ bɔr n berɛ ba he be la, dɛ Saara dɔ bibaa dawɛ o nakpale ta.”

Nehemia 9:15

Lɔr aa dɛ kpo ba la, he tɛɛ ba kondikwaa le nyundua, nyɔɡre aa dɛ kpo ba la, he ɡelɔ nee le bwe ta tɛɛ ba ba nyɔ. He ŋɔ bá ka kpɔ harɛ haa baɡ ba nyoa ŋɔ hɛɛ kpɔɔ tɛɛ ba la.

Yela 105:41

O ɡelɔ bwe bini pere, asɛ nee le dɛɛ palɛ kɛŋɔ, nenapale ken, pua hɛŋle ɡbo harɛ ta.

Yela 114:8

Onee ɡela nee bule le bwe ta dɛ berɛ tam, dɛ ɡel nee le bwekpeɡ ta, dɛɛ palɛ kɛŋɔ nenapale.

Yela 33:9

Nyoa wobol nee Korowii ta harɛ, asɛ komɛlbwa do le, dɛ ɛ ɡɛ waa ŋɔa.

Kaala 14:16

Tɛr he daŋɡbala la pa Mposwɛm la ta, ásɛ o bini pere Israel tena la won valɛ o bini le kɛŋɔ harɛpɛɛ ta.

Kaala 17:9

Anee Mosis ŋɔ Josua be ŋɔ, “Le ya baala nɔ bini bane, ásɛ he ka yoo ba. Kere mɛɛ ka che deŋɡare bɛl doa belaa dɛ́ kpoŋe Korowii daŋɡbala la.”

Kaala 4:17

Kɛ kpɔ daŋɡbala nɔ kpoŋe, onee hɛɛ ba wona kpɔ dɛɛ ɛ nyokpowa.”

Kaala 4:2

Belaa Korowii bɔɔro ŋɔ, “Bɔkwaa lɔ he nɔn ta nɔɔ?” Anee o chaŋe ŋɔ, “Daŋɡbalaa lɔ n nɔn ta.”

Kaala 4:20

Anomanta, o kpɔ o haah ne bibaala so keeɡo ta, dɛ berɛ dɛɛ kaa Ijipt harɛ, dɛ kpɔ daŋɡbala Korowii aa bol o waa o be la kpoŋe.

Kaala 7:20

Asɛ Mosis ne Arɔn ɛ ɡɛ Korowii aa do ba la. Arɔn kpɔ o daŋɡbala la lɔ nee la Ijipt kooro ne o nomonome sie, asɛ nee la bwa berɛ chal.

Aesaya 43:20

Kpɔɡ bini ola ɛɛ duu mɛɛ, kalampoŋare ne kwiure ɛɛ duu mɛɛ, nee maa tɛa pua hɛŋle ɡbo harɛ ta la wa. Anee mɛɛ ba n nɛra maa lee ba tɛ n te la tɛɛ bá nyɔ,

Aesaya 48:21

Waa kpɔ ba kpɔ pua hɛŋle ɡbo harɛ ta la, nyɔɡre ta ban kpoe. O ɡelɔ nee bule le bwe ta tɛɛ ba. O pere bwe nee palɛ le o ta.

Nɛra Kura 20:11

Ate, o ɡɔɔ daŋɡbala la lɔ bwe la kera anɛ, asɛ nee palɛ le bwe la ta yɔɔ ken, ba ne ba kondɛɛra bwa nyɔ.

Nɛra Kura 20:7

Asɛ Korowii ŋɔ Mosis be ŋɔ,

Nɛra Kura 21:15

ne o felembɔjena aa le Moab tena jwɛh ta, dɛ wili kaa bwɛɛ bɛl baa dɛ yerɔ Ar.’

Nɛra Kura 21:18

kɔlɔŋ koobii aa kwiu. Harɛ nɔ ta nomonjena aa kwiu, ba kpɔ ba koodaŋɡbale ne daŋɡbale kwiu.” Ba le pua hɛŋle ɡbo harɛ ta dɛ kaa Matana,

Matiu 21:21

Anee Yeesu ŋɔ ba be ŋɔ, “Kasinteŋ, dɛ he dɔ yarada, haa tɔŋla di he bambile bini naa, hɛɛ wonoo ɛ ɡɛ maa ɛa dɛ ɡel daa nɔ sewɛ nɔ. A ɡbo laa. Hɛɛ wonoo kpɔ yarada ŋɔ bwé nɔ chuɡri ka le mpo ta, ásɛ o chuɡri ka le mpo ta.

Amanesoma Luk Aa Chwera Tɔn 11:13

Dɛ he wechɔɡ-ɛɛra nɔ kwaraa jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola nɛra baa dɛ soŋo o Domadɛɛɡe la tenee tɛo!”

Amanesoma Jɔn Aa Chwera Tɔn 16:24

He ta n sɔn kpɔe dɛ soŋe komɛlbwa bwa. Kɛ taraken te, hé kpɔ n sɔn soŋe, hɛɛ dɔɔ ásɛ he sie lɛ kohona.

We-ɛɛla 1:14

Dɛ ba ne haahna la ne Yeesu nya Mɛɛre ne Yeesu nimanar la pɛo cheme dɛ yon dɛɛ soŋe Korowii warawara.

Josua 6:20

Bɛle la aa sia la, nɛra la do lɔŋɔre kohona asɛ danjwɛɛ baa maa bar bwɛjen la den kuuɡi kwaraa. Ate, laa tena la den jo bwɛjen la ta dɛ lɛ bwɛɛ la bwa dɔɔh.

Josua 6:5

Bɛlhoohla la ɛ dɛ́ hoh ba bɛle la kohona, ásɛ nɛra la bwa ɛɛ dooɡe lɔŋɔre kohona. Danjwɛɛ baa mao bar bwɛɛ la ɛɛ choɡluu, ásɛ nomɛlbwa den jo bwɛjen la ta.”

Wepila 22:1

Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.