Nɛra Kura 20:2 - mzwDBL

² Dɛ nee toole bela bá nyɔ, asɛ ba bwa ɛɛ naɡre Mosis ne Arɔn wa.

Nɛra Kura 20:2 ပူးပေါင်းရင်းမြစ်များ

Yela 106:32

Ba ɡelɔ hen Korowii baah di ba nɛɛ bule waa lɔ Mɛreba la ta, a kpɔ sibeɡra ta Mosis nɛ.

Kaala 16:12

“N no Israel tena naɡra baa dɛ naɡre n waa la bwa. Ŋɔ ba be ŋɔ baa chwe ola jɔmɔraa, dɛ́ di kondikwaa chɔɔ dɛ́ vaɡɛ ɡɛ baa dɛ nyin, ásɛ dɛ jemɛ kɛŋɔ menee Korowii baa dɛ tom mɛ la.”

Kaala 16:2

Baa lɔ bela la, dɛ ba dɛ naɡre Mosis ne Arɔn wa,

Kaala 16:7

ásɛ tɔɔ perɔ chɔɔ ɡe aa, he na Korowii jirima chaahna, dɛkalkɛ o noɔ kɛŋɔ haa dɛ naɡre o wa. Ya ɡee bamewa hɛɛ naɡre ya waɔ?”

Nɛra Kura 14:2

Ba naɡre Mosis ne Arɔn wa dɛ ŋɔ, “Ya soɡe Ijipt harɛ dɛ fee serewe, kɛɛ dɛ serewe pua hɛŋle ɡbo harɛ ta bonɔ kwaraa naa, ya fe dɛ nyin!

Nɛra Kura 14:9

He bɛ ɡaeh lɛ Korowii nɛɛ dɛ vɛoh. He bɛ harɛ la ta nɛra ɡe ɔmɛ. Yaa wono pɔ ba nɛ, kwaa baa kpɔ ba te dawɛ a ta la toole kpa. Korowii teŋɛ ya nɛ, he bɛ ban ɔmɛ.”

Nɛra Kura 16:19

Kora aa yerɛ o bala baa wara la bwa cheme Korowii Dea Cheremibɔr doonyoa bela la, Korowii jirima balɔ, nɛra baa cheme bela la bwa na.

Nɛra Kura 16:3

Ba pɛo dɛ la Mosis ne Arɔn be dɛ ŋɔ ba be ŋɔ, “He dɛ lii kɛŋɔ he ɡwaa nomɛlbwa kɛɛ? Israel te bɛlbwa ɛ Korowii nɛra, o ja ya bwa nɛ. Ɛrɛɛ he ɡbo ɛɛ lii kɛŋɔ he ɡwaa Korowii nɛra bwa nɔɔ?”

Nɛra Kura 16:42

Israel tena la aa pɛa dɛɛ naɡre waa Mosis ne Arɔn be la, ba berɛ sie ta Korowii Dea Cheremibɔr bela, buɡ la ta, ba na kɛŋɔ bam la baa tɔ o ta, asɛ Korowii jirima tɔ o bwa.

Nɛra Kura 21:5

dɛ bol waa yaɡɛ Korowii ne Mosis ŋɔ, “Bɔkwa waa he kpɔ yaa le Ijipt harɛ ta yaa ba ba serewe pua hɛŋle ɡbo harɛ ta ken? Kondikwaa tenten bɛlbwa toole bonɔ, nee ɡe kwaraa toole. Yaa maana nɔ ɡe nyin kpa.”