Nɛra Kura 20:12 - mzwDBL

¹² Belaa Korowii ŋɔ Mosis ne Arɔn be ŋɔ, “Haa wola men yaradae, dɛ kpɔ jirima tɛ mɛ kɛ n do ɡoroŋ Israel tena siwi ta nɔ, haa ba sie tɔ dɛ́ kpɔ ba ka jo harɛ maa baɡ ba nyoa la ta.”

Nɛra Kura 20:12 ပူးပေါင်းရင်းမြစ်များ

Mmarare 1:37

He Israel te waa anomanta, Korowii baah fa di men Mosis nɛɛ o ŋɔ, ‘He ɡba kwara aa harɛ la taa la.

Ɛsekeɛl 36:23

Mɛɛ baɡle ɡɛ n sɔnjen la aa do ɡoroŋ, n sɔn haa chɔɡo tɛ harɛre nɛra la. Ásɛ harɛre nɛra la bwa jemɛ kɛŋɔ menee Nemenɛ Korowii. He nɛɛ mɛɛ ba cheɡa, dɛ́ chaɡle kɛŋɔ n do ɡoroŋ ba siwi ta.

Nɛra Kura 27:14

He ne o bwaa fa vɛh n wa, he ta waa maa do heya a ta la ta teŋɛ dɛ yarada kpeɡri maa dɔa la.” Gɛ saŋee Israel tena la ɛ deŋnekpeɡ Mɛreba waa bɛne Kades dɛ do Sin pua hɛŋle ɡbo harɛ ta la.

Nɛra Kura 20:24

“Arɔn ɛɛ sewɔɔ ka pu o naawa. Waa harɛ maa baɡɛ Israel tena nyoa la taa tel. He nɛra banɛ nɔ ɛ lwɛmkpeɡ waa maa do heyaa a ta Mɛreba la.

Tɔn Pɔɔl Aa Chwerɛ Rom Tena 4:20

O ta tɔŋlɛ tamaa bɛlbwa kɛŋɔ Korowii aa won ɛ waa waa baɡɔ nyoa laanee. O ta Korowii yaradae ɡelɛ bwa. Dɛ name kwaraa o ta dɔ yarada kohona, dɛɛ jam Korowii.

Amanesoma Luk Aa Chwera Tɔn 1:45

He na som kɛ haa no n Naa Korowii wobol dɛ yarada kɛŋɔ ɡɛ waa la ɛɛ ɛo nɔ.”

Amanesoma Luk Aa Chwera Tɔn 1:20

Kɛ haa wola n waa nɔ yaradae dɛɛ tɔŋ mɛ nomanta, hɛɛ berɛ amumuu dɛ́ ka tel kɛŋɔ waa nɔ bwa aa ɛa dɛ ɛ kpela mɔɔ he won bol wa. Jemɛ kɛŋɔ waa nɔ maa bola nɔ saŋ telaa, a bwa ɛɛ ɛo kɛrɛdɛ ken.”

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

Aesaya 8:13

Jemɛ kɛŋɔ Men Nemenɛ Korowii do ɡoroŋ. Menee chɛ kɛŋɔ hɛɛ ɔmɛ.

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Matiu 17:17

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile, dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ!”

Ɛsekeɛl 38:10

Waa men Nemenɛ Korowii aa dɛ bol nomonjen Gɔɡ be laanee nɔ, ‘Awola tɔpere la, liichɔɡa ɛɛ pa munii ba he nyu bini, ásɛ hɛɛ nyin a ŋwɛnɛre.

Ɛsekeɛl 20:41

Mɛɛ lɛ heyaa kɛŋɔ daawiile a sɔɔh aa soma he yon kpɔ ɛ saraha dɛɛ tɛ mɛ la, mɛɛ boa he nyoa le harɛre haa peɡra kaa a ta la, ásɛ harɛre nɛra na kɛŋɔ n do ɡoroŋ.

Aesaya 7:9

Israel harɛ ta bwɛjen laa Samaria aa? Kooro Pɛka ɡee bwɛɛ la nyu te. Onee umeo? Dɛ he ta yarada dɔe dɛ che kiŋkiŋ naa, haa won che kɛrɛdɛ kpa.”

2 Webena 20:20

Tɔ aa pera chɔɔ la, ba leɔ kaa Tekoa pua hɛŋle ɡbo harɛ ta bela. Baa dɛ ba kaala la, Kooro Jehosafat iro che dɛ ŋɔ, “Hé no, Juda ne Jerusalam tena. Hé yarada Korowii haa dɛ tomɔ la, dɛ́ yarada waa o keamere ɡe aa bola la, aa chiɡ heyaa kɛrɛdɛɛ.”

Josua 1:2

“Josua, n bonɔɔ Mosis sewɔ, anomanta, he ne Israel tena kpɔ he te dɛ́ ir ɡale kaa Jɔɔdan Moo baŋ harɛ maa kpɔa dɛɛ ba heyaa tɛɛ la ta.

Mmarare 34:4

Dɛ ŋɔ Mosis be ŋɔ, “Harɛ nɔɔ n kpɔ baɡɛ Abraham ne Aesek dɛ Jekɔb nyoa, ŋɔ mɛɛ kpɔɔ tɛɛ ba naanar la. N ɡelɔ hɛɛ nao te, kɛ maa ɡel he tel o ta.”

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Nɛra Kura 11:15

Dɛ kenii hɛɛ ba men ɛɛ te naa, den kpo mɛ taraken. Dɛ n we-ɛɛla su he siwi te naa, bɛ ɡel n do le ásɛ a ɡɛ waa nɔ ba di mɛ.”

Mmarare 4:21

He waa ɡela Korowii baah di n nɛɛ o ŋwɛɛ ŋɔ, maa Jɔɔdan Moo la baŋ waa wera o kpɔ dɛɛ tɛ heyaa la taa la la.

Yela 99:8

N Naa Korowii yaa dɛ tomɛ, he no he nɛra wesoŋa. A lole kɛ he tɛr ba deŋne te, kɛ he ɡelɔ ba jemɛ kɛ he kpɔ wechɔɡa dɛɛ kɛ.

Yela 106:32

Ba ɡelɔ hen Korowii baah di ba nɛɛ bule waa lɔ Mɛreba la ta, a kpɔ sibeɡra ta Mosis nɛ.