Nɛra Kura 2:34 - mzwDBL

³⁴ Gɛ Korowii aa do Mosis la, ɡɛɛ Israel tena la ɛ. Dea bɛlbwa vɔrɔwe o sobɔr bela o fraŋkaa aa paa. Dɛ ba dɛ nyin ira dɛ́ kaa bofale ɡe aa, ɡɛ tentenee bɛlbwa ne o dea ne o lolanar jemɛ ba bɔr dɛ teŋɛ dɔŋa nɛɛ dɛɛ valɛ.

Nɛra Kura 2:34 ပူးပေါင်းရင်းမြစ်များ

Yela 119:6

Dɛ n do sie dɛɛ teŋɛ he waa ta naa, sihiih aa men kpo bwa.

Kaala 39:42

Israel tena la ɛ toma la bwa ɡɛ tenten Korowii aa do Mosis la.

Nɛra Kura 1:19

ɡɛ Korowii aa do Mosis la. O kur ba Sinai Bwejen pua hɛŋle ɡbo harɛ la ta.

Nɛra Kura 1:52

Israel tena la bɛlbwa baŋre o tɛnte dea bela o ɡbaɡba dea tena aa soɡa, dɛ́ pa ba ɡbaɡba dea fraŋkaa.

Nɛra Kura 1:54

Israel tena la ɛ ɡɛ waa nɔ bwa kɛrɛdɛ ken, ɡɛ tenten Korowii aa do Mosis la.

Nɛra Kura 10:12

Ate, Israel tena la le Sinai pua hɛŋle ɡbo harɛ la ta, ba ɡaaɡa dɛ so dɛɛ ir bwa bini la, bam la berɔ ka che Paran pua hɛŋle ɡbo harɛ ta.

Nɛra Kura 10:28

Israel tena vala baa valɔ la, ɡɛɛ ba valɔ denaa ta.

Nɛra Kura 2:2

“A chɛ kɛŋɔ Israel tena la baŋre ba tɛnte deene bar n Dea Cheremibɔr, ba ne o baah tɛr tama. Nómɛlbwa so o dea fraŋkaa jwɛh, bela o dea tena fraŋkaare aa lole.”

Nɛra Kura 2:33

Gɛ Korowii aa do Mosis la, Lewi dea tena te, ba ta ban kure ja Israel deene la nɛ.

Nɛra Kura 23:21

N ta wahala bɛlbwa nae Israel tena nɛ. N ta tebinichɔɡ nae ba bini. Korowii baa dɛ tomɔ ja ba nɛ. Ba kooroo on baa kpɛɛro.

Nɛra Kura 24:2

Balam ha sie dɛ na Israel tena la kɛŋɔ baa baŋre ba tɛnte deene dɛ so denaa ta. Korowii Doma baa so o nɛ,

Nɛra Kura 3:1

Kenii Arɔn ne o bibaala dɛ Mosis waa do, ɡɛ saŋ Korowii aa bol waa Mosis be Sinai Bwejen ta la.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.