Nɛra Kura 2:2 - mzwDBL

² “A chɛ kɛŋɔ Israel tena la baŋre ba tɛnte deene bar n Dea Cheremibɔr, ba ne o baah tɛr tama. Nómɛlbwa so o dea fraŋkaa jwɛh, bela o dea tena fraŋkaare aa lole.”

Nɛra Kura 2:2 ပူးပေါင်းရင်းမြစ်များ

Yela 74:4

He dɔma moolo dɛɛ hɛɡre he Dea la bini, ba kpɔ ba fraŋkaare pa, a baɡle kɛŋɔ ba pɔ ya nɛ.

Yela 76:11

Hé kpɔ kwaa haa baɡɛ Korowii haa dɛ tomɔ nyoa la ba tɛo. Harɛre nɛra haa bɛna bwa, hé kpɔ koŋkɛɛla ba tɛo, onee chɛ kɛ nɛra bwa ɛɛ ɔmɛ.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 18:3

Nɛra haa lɔ harɛ ta bwa, hé nyiŋi kɛrɛdɛ, dɛ ba pa fraŋkaa bwe doa aa, hé nao, dɛ́ cheɡ deŋne, dɛ ba hoh bɛla aa, ásɛ he no.

Ɛsekeɛl 43:7

O ŋɔ, “Nɛwɛnyini bie, n kookara chebɔree bonɔ. Bonɔɔ mɛɛ ba soɡa saŋ bɛlbwa dɛɛ la, dɛɛ nyiŋi n nɛra Israel tena nɛ. Israel tena aa ba koranar baa serewaa ɛ kɛŋɔ voɡa aa wola mkpa dɔe, dɛɛ toma dɛɛ ɛ jwamanwa bonɔ, dɛ́ kpɔ doŋa kah n sɔn waa do ɡoroŋ la kpa.

Sekaria 9:16

Tɔpere la telaa, Korowii baa dɛ tomɔ la ɛɛ lɛɛ baa, kɛŋɔ peteɡre aa lɛ peera le wahala ta. Baa dɛɛ nyɛɡle o harɛ taa, kɛŋɔ suuɡaswɛm kwaa aa pɛɡle kooɡbɛrɛ ta la.

Nɛra Kura 1:50

Kɛ kpɔ n Tɛnte Dea, ne laala aa lɔ o bini dɛ o komɛlbwa do Lewi dea tena la nɔn ta bá chɔ a nyoa. Banee dɛɛ ba baa che o ne laala aa jaa bwa. Banee dɛ́ nyiŋi o ta dɛ́ baŋre ba tɛnte deene baro.

Nɛra Kura 10:14

Juda dea ne deene aa ja ba nɛɛ tɔ sie, ba ne ba fraŋkaa. Asɛ Aminadab bibaa Naasɔn ɛ ba sitɔɔ.

Nɛra Kura 10:18

Rubin dea tena ne deene aa ja ba nɛ ɡee ira teŋɛ, ba ne ba fraŋkaa. Asɛ Sɛdor bibaa Elisur ɛ ba sitɔɔ.

Nɛra Kura 10:22

Efrem dea tena ne deene aa ja ba nɛɛ ɡe le dɛ kpoŋe ba fraŋkaa teŋɛ. Asɛ Amihud bibaa Elisama ɛ ba sitɔɔ.

Nɛra Kura 10:25

Dan dea tena ne deene baa ja ba nɛɛ ɡe ka Israel tena la bwa mun ta, dɛ kpoŋe ba fraŋkaa. Banee yon ka mun ásɛ ba dɔma bɛ won dɔ bɔr dɛ́ le bobɛlbwa ba yoo ba. Asɛ Amisadai bibaa Ahiesa ɛ ba sitɔɔ.

Nɛra Kura 2:1

Korowii ŋɔ Mosis ne Arɔn be ŋɔ,

Nɛra Kura 2:10

Weekaŋle harɛbɔr peraa chɛ kɛŋɔ Rubin dea tena ne debele anɛ nɛra baa ja ba nɛɛ bwa baŋre ba tɛnte deene dɛ́ so ba fraŋkaa jwɛh. Sɛdor bibaa Elisur ɛ Rubin dea nɛra la sitɔɔ.

Nɛra Kura 2:3

Juda dea tena la, a chɛ kɛ bá bɔne ba bini, dɛ́ baŋre ba tɛnte deene wee leebɔr pera, dɛ́ so denaa ta ba fraŋkaa jwɛh. Aminadab bibaa Naasɔn ɛ Juda dea nɛra la sitɔɔ.

Nɛra Kura 24:2

Balam ha sie dɛ na Israel tena la kɛŋɔ baa baŋre ba tɛnte deene dɛ so denaa ta. Korowii Doma baa so o nɛ,

1 Kɔrent 14:33

dɛkalkɛŋɔ Korowii aa wesaɡasaɡare nyin. Deŋnesɔɔhnaa wɛɛ nyin. Gɛ baa dɛ ɛ asɔrere ta bobɛlbwa laanee.

1 Kɔrent 14:40

Hɛ́ɛ ɛ wobɛlbwa ŋwɛnɛ aa maɡra ta dɛ bɛ wesaɡasaɡare dɛɛ ɛ.

Felepae 1:27

Waa aa hiaah laanee kɛŋɔ hé ɡel he we-ɛɛla bwa do wer ɡɛ aa chɛ kɛ nɛra baa no Yeesu Kristo Amanesoma la waa aa doa, ásɛ dɛ n baa ba he be noo, n ta ba wone ba noo, ń no he waa kɛŋɔ he bwa liire ɛ beŋkpoŋ, hé che kiŋkiŋ, he nyoa pɛ, hé che tɛ Amanesoma la haa yaradaa la, á won la sie,

Kolosi 2:19

dɛ vɛh o te kpɔe dɛ́ do Yeesu Kristo lɔɡa. Onee ya nyu, asɛ ya ɛ o bwadabii dɛɛ dɔ bokpeɡa o be, bɛlbwa lawɛ o dɔŋ kpoŋe kɛrɛdɛ ya ne o ɛ beŋkpoŋ, dɛ́ che pɛɛ yaa pɛa la ta dɛ ɡel yaa kpeɡ ɡɛ Korowii aa dɛ nyin.

Josua 3:4

Haa ŋwɛnɛ la ta jemɛ, banee dɛɛ ba he sie tɔe, dɛ́ baɡle heyaa bela haa kpɔ. He bɛ Korowii Ne Nɛwɛnyina Fɔo Daka la dɛɛ bɛne, hé ɡel dɛ ɛ naɡale kaɡboŋa atoro ta he ne o baah ta.”