Nɛra Kura 19:9 - mzwDBL

⁹ Nɛn waa wola doŋa kaeh laanee chɛ kɛ ó pa nao la tɔɔ ka ta bela doŋa bɛlbwa aa wola toole tɛnte deene la dahara. Israel tena la kwaara cheɡ, ásɛ dɛ ba dɛ nyin dɛ sɔ nɛn waa kah doŋa ne aa, bá doa nee ta dɛ́ kpɔ sɔɔ. Anee dɛ́ baɡle kɛ o wechɔɡa bwa le o nɛ.

Nɛra Kura 19:9 ပူးပေါင်းရင်းမြစ်များ

Lewi Dea Tena 15:20

Komɛlbwa waa chɔ o ta kɛɛ dɛ so o ta bochɔɡa saŋ la bwa kah doŋa.

Sekaria 13:1

Nemenɛ Korowii ŋɔ, “Tɔpere bɛl ɛɛ bao, ásɛ nee bule dɛɛ le harɛ bini tɛ Kooro Devid ne o naanar, ne bwɛjen Jerusalam tena. Belaa baa ba laŋa, dɛ́ ka sɔ ba wechɔɡa baa ɛa, ne doŋa baa kaah bwa ta.

Nɛra Kura 19:13

Nomɛlbwa waa leɡe nɛn waa sewa dɛ vɛh o doŋa sɔe dɛ ta la kpɔ doŋa kah n Tɛnte Dea la. A ta chɛ kɛ bá kuro ja Israel tena bini. Baa wola nee aa laa nɛn doŋa dɛɛ kpɔ o nɛɛ Tɛnte la ɛɛ merɛ naate nɛɛ nomanta, o kah doŋa. O doŋa ta lɔ o nɛ.

Nɛra Kura 19:17

Nomɛlbwa waa kah doŋa la, ɛ nao la tɔɔ aa laa nɛndoŋa dɛɛ kpɔ o nɛɛ la ane do kon bini, dɛ́ do nefala a ta.

Nɛra Kura 19:18

Naate waa wola doŋa kaeh chɛ kɛ ó kpɔ hesɔp daa su nee la ne tɔɔ la ta, dɛ́ ɛ merɛ tɛnte dea nɛn aa sewɛ o bini la ta, ne nɛra baa lɔ o bini, dɛ o laala bwa ta. Dɛ nomɛl leɡe nɛn waa sewa hoɡ kɛɛ ŋwam, kɛɛ nɛn baa kpoo, kɛɛ dɛ sewɛ ɡɛ nɛra bwa aa dɛ sewɛ aa, ó ɛ nee la merɛ o ɡe nɛɛ ɡɛ.

Nɛra Kura 19:3

Hé lawɔ tɛ sɔfo Eliasa, ásɛ o le o ne he bini kaa dahara dɛ́ ka kpoo n siwi ta.

Nɛra Kura 19:8

Naate waa fuh nao la ɡe chɛ kɛŋɔ o sɔ ne dɛ chɛɡɛ o laala. O ɡe kah doŋa ka tel jɔmɔra mɔɔ o doŋa le o nɛ.

Nɛra Kura 6:12

A chɛ kɛ ó berɛ kwaa kpɔ o te tɛ men Korowii kɛŋɔ Nasiri te, kɛ ó kpɔ pebale waa di benanyoa ba ɛ bolchɔɡe dii saraha tɛ mɛ. Tɔpera la o fa aa baɡɛ nyoa la ta jae kpa, dɛkalkɛ a taa o kah doŋa la.

Nɛra Kura 8:7

Kenii hɛɛ ba ɛɛ, dɛ́ sɔ ba doŋa bwa ta, kpɔ nee baa kpɔa dɛɛ sɔ nɛn doŋa ta la merɛ ba nɛ, dɛ́ ɡel ba fonɛ ba bwadabii bwa, ásɛ dɛ chɛɡɛ ba laala bwa ɡe. Gɛɛ baa ba ɛɛ, dɛ́ laa doŋa bɛlbwa kpɔ ba nɛ.

Nɛra Kura 9:13

Dɛ nomɛlbwa ta doŋa kaeh, o ta bobɛlbwa ɡe kaalɛ dɛ saah vɛh tɔpejen la dii yaa, baa naatee kure ja n nɛra nɛɛ kpa, dɛkalkɛŋɔ o ta o saraha kwaa kpɔe ba tɛ men Korowii a saŋ ta. Naate nyin waa dawɛ o nɛ, dɛ chɛ deŋnetɛra.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Hibru 9:13

Nɛn waa kah doŋa la, dɛ baa won kpɔ boohna ne nabala chal dɛ naloni tɔɔ kpɔe dɛ́ merɛ o nɛɛ ásɛ dɛ laa doŋa kpɔ o nɛ Korowii peraa,