Nɛra Kura 19:14 - mzwDBL

¹⁴ Mmara waa lole dɛ tɛ nomɛl waa sewɛ tɛnte dea bini laanee nɔ. Nomɛlbwa waa lɔ ɡɛ tɛnte dea la bini, ne nomɛlbwa waa ka jo bela bwa kah doŋa tɔpera anuanɛ.

Nɛra Kura 19:14 ပူးပေါင်းရင်းမြစ်များ

Lewi Dea Tena 21:11

Sɔfonomoa la bɛ bela nɛn aa sewa dɛ chɔ la jo. O ta ŋwɛnɛ dɔe hale dɛ o mɛɛ kɛɛ o nyaa sewa oo, ó ka jo o be dɛ́ kah doŋa,

Nɛra Kura 19:13

Nomɛlbwa waa leɡe nɛn waa sewa dɛ vɛh o doŋa sɔe dɛ ta la kpɔ doŋa kah n Tɛnte Dea la. A ta chɛ kɛ bá kuro ja Israel tena bini. Baa wola nee aa laa nɛn doŋa dɛɛ kpɔ o nɛɛ Tɛnte la ɛɛ merɛ naate nɛɛ nomanta, o kah doŋa. O doŋa ta lɔ o nɛ.

Nɛra Kura 19:15

Komɛlbwa waa dɔ tɔ baa wola o ta tɔe ɡɛ saŋ la ɡe kah doŋa.

Lewi Dea Tena 14:54

Anɔɔ ɛ Mmarare aa chɔ le tɛ bwadabii weebuula bɛlbwa

Lewi Dea Tena 15:32

Waa aa chɔ le tɛ baa o bane aa dɛ ba dɛ o ta haah chɔe dɛ kah doŋa,

Lewi Dea Tena 21:1

Korowii berɔ ŋɔ Mosis be ŋɔ ó bol Arɔn bibaala sɔfore la be kɛŋɔ dɛ bɛl lole sewaa, o bɛ o te kpɔ dɛɛ jo o lole la lwe we-ɛɛla ta, dɛ́ kah doŋa,

Nɛra Kura 5:2

“Do Israel tena la kɛŋɔ, nomɛlbwa waa dɔ bwadabii weebuula, ne nomɛlbwa nee ane aa dɛ fuɡo, ne nomɛlbwa waa leɡe ol-lale kɛɛ chɔɔ la, o kah doŋa. Bá le o ne ba baah ta.

Nɛra Kura 6:6

O bɛ nɛn waa sewa jwɛɛh la saŋ waa kpɔ o te tɛ mɛ la bwa.

Nɛra Kura 6:9

Dɛ Nasiri te siwi pa nomɛl nɛɛ o sewaa o kah doŋa, ó so ka tel tɔpera anuanɛ mɔɔ dɛ́ fonɛ o nyu ne o tampona, ate dɛ doŋa waa kaah laanee o sɔ ta la.

Nɛra Kura 9:6

Ba bini bane ta wone di Galekaa Tɔpejen la awola, dɛkalkɛŋɔ dɛ ba leɡe nomɛl waa sewa dɛ kah doŋa. Anomanta, ba la Mosis ne Arɔn be awola tenten,

Nɛra Kura 31:20

Hé laa doŋa kpɔ yale ne kwaa baa kpɔ oltɔn ne booh pona ne daa ɛa bɛlbwa ta.”

Ɛsekeɛl 39:12

Korobie anuanɛ dɛ Israel tena ta dɛ huɡ ba ɡɛ, dɛ́ won laa doŋa kpɔ harɛ la ta.

Ɛsekeɛl 44:26

Dɛ o kah doŋa ba sɔɔ taa, ó so tɔpera anuanɛ.