Nɛra Kura 19:13 - mzwDBL

¹³ Nomɛlbwa waa leɡe nɛn waa sewa dɛ vɛh o doŋa sɔe dɛ ta la kpɔ doŋa kah n Tɛnte Dea la. A ta chɛ kɛ bá kuro ja Israel tena bini. Baa wola nee aa laa nɛn doŋa dɛɛ kpɔ o nɛɛ Tɛnte la ɛɛ merɛ naate nɛɛ nomanta, o kah doŋa. O doŋa ta lɔ o nɛ.

Nɛra Kura 19:13 ပူးပေါင်းရင်းမြစ်များ

Lewi Dea Tena 15:31

Anɔɔ hɛɛ ba ɛɛ dɛ́ ɡel Israel tena laa ba te dɛɛ kpɔ doŋa waa ta, dɛ bɛ doŋa kpɔ kah n Tɛnte Dea waa lɔ he bini la dɛ́ ba serewe.”

Lewi Dea Tena 22:3

Berɛ ŋɔ ba be kɛŋɔ, ba naanar baa ka ba la bini bɛlbwa waa kah doŋa dɛ ɡarɛ ba Israel tena saraha aa do ɡoroŋ ba kpɔ baa tɛ mɛ la jwɛɛh la, bá bara naate n sie bala. Men Korowiirii bola.

Lewi Dea Tena 7:20

Kɛ dɛ nɛn kah doŋa dɛ di deŋnesɔɔhna saraha baa ɛa tɛ men Korowii nɔ naa, ba bɛ on kure ja o nɛra nɛɛ kpa.

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

Wepila 22:11

Nomɛlbwa waa dɛ ɛ wechɔɡa la, ó te ɛ dɛɛ la. Nomɛlbwa waa dɛ ɛ wedoŋa la, ó te ɛ dɛɛ la. Nomɛlbwa waa dɛ ɛ wedɛɛɡa la, wɛ́ɛ ɛ o wedɛɛɡa, ásɛ nomɛlbwa ɡe wa aa toɡra la teŋɛ dɛ́ do ɡɛ dɛɛ la.”

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Amanesoma Jɔn Aa Chwera Tɔn 8:24

A waa n ŋɔ he be ŋɔ, hɛɛ sewɛ he wechɔɡa taa la. Dɛ nomɛlbwa ta men yaradae kɛŋɔ Menee Men te naa, hɛɛ sewɛ he wechɔɡa taa.”

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Nɛra Kura 19:20

Dɛ nomɛl kah doŋa dɛ vɛh a sɔe dɛ ta aa, a chɛ kɛŋɔ bá sɔɔ lola, dɛkalkɛŋɔ o kpɔ doŋa kah n Tɛnte Dea la. Ba ta doŋa laa kpɔ o nɛ, o ta kah doŋa.

Nɛra Kura 19:18

Naate waa wola doŋa kaeh chɛ kɛ ó kpɔ hesɔp daa su nee la ne tɔɔ la ta, dɛ́ ɛ merɛ tɛnte dea nɛn aa sewɛ o bini la ta, ne nɛra baa lɔ o bini, dɛ o laala bwa ta. Dɛ nomɛl leɡe nɛn waa sewa hoɡ kɛɛ ŋwam, kɛɛ nɛn baa kpoo, kɛɛ dɛ sewɛ ɡɛ nɛra bwa aa dɛ sewɛ aa, ó ɛ nee la merɛ o ɡe nɛɛ ɡɛ.

Nɛra Kura 19:9

Nɛn waa wola doŋa kaeh laanee chɛ kɛ ó pa nao la tɔɔ ka ta bela doŋa bɛlbwa aa wola toole tɛnte deene la dahara. Israel tena la kwaara cheɡ, ásɛ dɛ ba dɛ nyin dɛ sɔ nɛn waa kah doŋa ne aa, bá doa nee ta dɛ́ kpɔ sɔɔ. Anee dɛ́ baɡle kɛ o wechɔɡa bwa le o nɛ.

Nɛra Kura 15:30

Kɛ nomɛlbwa saahnɔ ɛ wechɔɡa aa, bwɛɛlembie yo, hɔɔhree yo, naate ɛ Korowii nɛnhɛla. Gɛ nɛn la ta chɛ kɛŋɔ bá kuro ja o nɛra bini.

Nɛra Kura 8:7

Kenii hɛɛ ba ɛɛ, dɛ́ sɔ ba doŋa bwa ta, kpɔ nee baa kpɔa dɛɛ sɔ nɛn doŋa ta la merɛ ba nɛ, dɛ́ ɡel ba fonɛ ba bwadabii bwa, ásɛ dɛ chɛɡɛ ba laala bwa ɡe. Gɛɛ baa ba ɛɛ, dɛ́ laa doŋa bɛlbwa kpɔ ba nɛ.

Lewi Dea Tena 20:3

N sie ɛɛ beɡre naate nɛɛ dɛ́ pero le o nɛra bini, dɛkalkɛ lawa waa lawɛ o bie tɛ Molɛk la ɡelɔ o kpɔ doŋa kah n Dea, dɛ chɔɡ n sɔndɛɛɡe waa do ɡoroŋ la.

Lewi Dea Tena 5:17

Dɛ nomɛlbwa jo waa maa do ba ŋɔ ba bɛ ɛ la bini bɛlbwa ta hale dɛ o ta nae yaa, dɛ o di bolchɔɡe dɛ chɛ deŋnetɛra.

Lewi Dea Tena 5:6

dɛ́ lawɛ pelor kɛɛ bohlor le o kondɛɛra bini ba ɛ wechɔɡa kpɔe dɛ kɛ saraha, ásɛ sɔfo la kpɔ soŋe naate wechɔɡa n be, ásɛ n kpɔ kɛo.

Lewi Dea Tena 5:3

Nomɛlbwa leɡe doŋa aa dɛ le nɛn bwara ta, komɛlbwa aa ɡela doŋa do naate nɛɛ dɛ o ta nae, a habɔɔ dɛ berɛ ba na naa, dɛ o di bolchɔɡe.

Hibru 9:10

A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.

Lewi Dea Tena 7:21

Nomɛlbwa berɔ leɡe doŋa kon bɛlbwa, dɛ nɛwɛnyini be pera doŋa bɛlbwaa kɛɛ ola aa wola were ne dii kɛɛ anɔ la baa kia dɛ ba di n deŋnesɔɔhna saraha ol la bɛl la, ba bɛ on kure ja o nɛra nɛɛ kpa.”

Nɛra Kura 19:14

Mmara waa lole dɛ tɛ nomɛl waa sewɛ tɛnte dea bini laanee nɔ. Nomɛlbwa waa lɔ ɡɛ tɛnte dea la bini, ne nomɛlbwa waa ka jo bela bwa kah doŋa tɔpera anuanɛ.

Nɛra Kura 19:19

Naate waa wola doŋa kaeh la kpɔ hesɔp daa la su nee la ta, dɛ́ ɛ merɛ naate waa kah doŋa la nɛ tɔpetooro wee ne tɔpenuanɛ wee la ta. Tɔpenuanɛ wee la, ó laa doŋa kpɔ doŋa te la nɛ. Naate baa laa doŋa kpɔ o nɛɛ la chɛɡɛ o laala dɛ́ sɔ ne, ásɛ awola jɔmɔra la, dɛ o le doŋa ta.

Ɛsekeɛl 44:26

Dɛ o kah doŋa ba sɔɔ taa, ó so tɔpera anuanɛ.

Kaala 30:33

Nomɛlbwa waa ɛ konsɔɔhsoma nɔ siwi, kɛɛ dɛ fuɡe ane do nomɛlbwa waa wola sɔfo ɛɛ nyu ta la, a chɛ kɛŋɔ bá le o ne o nɛra bini.”

Lewi Dea Tena 22:4

Arɔn naanar bini bɛlbwa bwadabii weebuula aa lɔ o nɛ, kɛɛ o bwara aa won bala saŋ bɛlbwa la ta chɛ kɛ ó di saraha kwaa aa do ɡoroŋ la, nemenɛ a ɡɛ doŋa le o nɛɛ mɔɔ. O berɔ leɡe komɛlbwa konlale aa kpɔ doŋa kaoh, kɛɛ nomɛlbwa o bwara aa won bala saŋ bɛlbwa,

Nɛra Kura 9:13

Dɛ nomɛlbwa ta doŋa kaeh, o ta bobɛlbwa ɡe kaalɛ dɛ saah vɛh tɔpejen la dii yaa, baa naatee kure ja n nɛra nɛɛ kpa, dɛkalkɛŋɔ o ta o saraha kwaa kpɔe ba tɛ men Korowii a saŋ ta. Naate nyin waa dawɛ o nɛ, dɛ chɛ deŋnetɛra.