Nɛra Kura 19:11 - mzwDBL

¹¹ Nomɛlbwa waa leɡe nɛn waa sewa la kah doŋa tɔpera anuanɛ.

Nɛra Kura 19:11 ပူးပေါင်းရင်းမြစ်များ

Nɛra Kura 5:2

“Do Israel tena la kɛŋɔ, nomɛlbwa waa dɔ bwadabii weebuula, ne nomɛlbwa nee ane aa dɛ fuɡo, ne nomɛlbwa waa leɡe ol-lale kɛɛ chɔɔ la, o kah doŋa. Bá le o ne ba baah ta.

Nɛra Kura 31:19

He bini bɛlbwa waa kpo nɛn kɛɛ dɛ leɡe nɛn waa sewa la chɛ kɛŋɔ ó so tɛnte deene la dahare tɔpera anuanɛ. Tɔpetooro wee ne tɔpenuanɛ wee la, hé sɔ he ne nɛra haa laɡ ba laa ta la doŋa bwa ta.

Lewi Dea Tena 21:1

Korowii berɔ ŋɔ Mosis be ŋɔ ó bol Arɔn bibaala sɔfore la be kɛŋɔ dɛ bɛl lole sewaa, o bɛ o te kpɔ dɛɛ jo o lole la lwe we-ɛɛla ta, dɛ́ kah doŋa,

Nɛra Kura 19:16

Nomɛlbwa waa leɡe nɛn baa kpoo, kɛɛ nɛn waa sewɛ ɡɛ nɛra bwa aa dɛ sewɛ, kɛɛ o hoɡ, kɛɛ dɛ o ŋwamee yaa, o kah doŋa ka tel tɔpera anuanɛ.

Nɛra Kura 9:10

“Gel Israel tena la no kɛŋɔ, dɛ ba bini bɛlbwa kɛɛ ba naanar bɛlbwa leɡe nɛn waa sewa dɛ kah doŋa, kɛɛ dɛ bobɛlee ba kaa ba ta wone di Galekaa Tɔpejen la aa,

Nɛra Kura 9:6

Ba bini bane ta wone di Galekaa Tɔpejen la awola, dɛkalkɛŋɔ dɛ ba leɡe nomɛl waa sewa dɛ kah doŋa. Anomanta, ba la Mosis ne Arɔn be awola tenten,

Lewi Dea Tena 21:11

Sɔfonomoa la bɛ bela nɛn aa sewa dɛ chɔ la jo. O ta ŋwɛnɛ dɔe hale dɛ o mɛɛ kɛɛ o nyaa sewa oo, ó ka jo o be dɛ́ kah doŋa,

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Ɛfesos 2:1

He fa do kɛŋɔ he sewɔ Korowii be. He wechɔɡaa ɡela he beɡre ɡɛ.

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Tɔn Pɔɔl Aa Chwerɛ Rom Tena 5:12

Nɛmbeŋkpoŋ nɛɛ a che wechɔɡa ba harɛ nɔ ta, asɛ a che o wechɔɡa ta seo ba harɛ ta. A waa seo bu nɛwɛnyini bwa la, dɛkalkɛŋɔ nɛwɛnyini bwa ɛ wechɔɡa.

Haɡae 2:13

Anee Haɡae ŋɔ, “Dɛ nomɛl lawɛ lale dɛ kah doŋa, dɛ ka leɡe ɡɛ kwaa la bɛlbwa naa, dɛ doŋa la ba a ta naa?” Sɔfore la ŋɔ, “Ɔɔh, dɛ doŋa lɔ a ta.”

Wiile 4:14

A ɡɛ keamere ne sɔfore la dɛ ɡaaɡe fɔɡbaahna kɛŋɔ nyoŋa ken. Nɛra aa cheɡɛ ba nɛɛ ba serewe, ba chale do ba nɛɛ la ɡelɔ ba kah doŋa, anomanta, nomɛlbwa aa won leɡ ba.

Lewi Dea Tena 11:31

Anee ɛ ola aa dɛ huuh kɛɛ dɛɛ tuuɡi tea ta aa wola were tɛ heyaa ne dii. Nomɛlbwa bɛl aa sewɛ o ka leɡo la, kah doŋa ka tel jɔmɔra.

We-ɛɛla 21:26

Baa ŋɔ ɡɛ la, Pɔɔl lɛ nɛra banaarɛ la, asɛ tɔ aa pera la, o ne ba ka ɛ we-ɛɛla la ásɛ ba doŋa le ba nɛ. Baa tona la, Pɔɔl kaa jo Korowii Dea bini dɛɛ baɡle tɔpera aa di mɔɔ ba kpoo ba bɛlbwa koŋkwaare, ásɛ ba we-ɛɛla la tonɛ. Dɛ a lɔ tɔpera anuanɛ.

We-ɛɛla 21:27

Tɔpera anuanɛ la aa ba dɛ tel a jaɡa la, Juu tena bane baa le Eesia harɛ pera la na Pɔɔl Korowii Dea, dɛ bol waa dɛ ir nɛra bwaawee, dɛ lawɔ,

Lewi Dea Tena 5:2

Dɛ nomɛlbwa berɔ leɡe ol waa wola chɛɛ kɛŋɔ ba diu lale, dɛ kpɔɡ bini ol kɛɛ dem kon, ne anɔ la aa dɛ tuuɡi tea ta ne anɔ la aa dɛ huuh bɛlbwa dɛ o ta nae yaa, o kah doŋa dɛ di bolchɔɡe.

Nɛra Kura 6:6

O bɛ nɛn waa sewa jwɛɛh la saŋ waa kpɔ o te tɛ mɛ la bwa.

Aesaya 52:11

Hé le Babelɔn harɛ! Hé pere he te le ba nɛɛ kwara! He bɛ komɛlbwa waa kah doŋa leɡe! He nɛra haa cheɡɛ Korowii Dea laala la, hé le ba bini, dɛ́ do ɡoroŋ.

Lewi Dea Tena 22:4

Arɔn naanar bini bɛlbwa bwadabii weebuula aa lɔ o nɛ, kɛɛ o bwara aa won bala saŋ bɛlbwa la ta chɛ kɛ ó di saraha kwaa aa do ɡoroŋ la, nemenɛ a ɡɛ doŋa le o nɛɛ mɔɔ. O berɔ leɡe komɛlbwa konlale aa kpɔ doŋa kaoh, kɛɛ nomɛlbwa o bwara aa won bala saŋ bɛlbwa,

Ɛsekeɛl 39:12

Korobie anuanɛ dɛ Israel tena ta dɛ huɡ ba ɡɛ, dɛ́ won laa doŋa kpɔ harɛ la ta.

Ɛsekeɛl 44:26

Dɛ o kah doŋa ba sɔɔ taa, ó so tɔpera anuanɛ.