Nɛra Kura 18:9 - mzwDBL

⁹ Heyaa chɛ kɛŋɔ hé kpɔ kwaa baa kpɔa ba ɛ saraha baa wola an fuih a do ɡoroŋ kohona la bwa. Koŋkɛɛla bwa baa kpɔa baa tɛ mɛ a do ɡoroŋ kohona la, hale dɛ mea saraha, kɛɛ wechɔɡa kpɔe dɛ kɛ saraha, kɛɛ bolchɔɡe dii sarahaa yoo, a ɛ he ne he bibaala dibɔr.

Nɛra Kura 18:9 ပူးပေါင်းရင်းမြစ်များ

2 Koranar 12:17

Gɛ saŋ dɛ Siiria Kooro Hasael ne o laa tena laŋɔ ka yo bwɛjen Gat tena dɛ pɔ ba nɛ, dɛ kpɔ sie chaɡɛ Jerusalam dɛ́ fe ba yo ba ɡe.

Nehemia 10:36

Yaa kpɔ ya bibanloɡla ne nae biloɡla, ne ya boohna ne peera biloɡlaa ba Korowii yaa dɛ tomɔ la Dea ba tɛ sɔfore baa dɛ ɛ toma bela la, ɡɛ baa chwera do Korowii Mmara Tɔn bini la.

Ɛsekeɛl 42:13

Baa la ŋɔ men Ɛsekeɛl be ŋɔ, “Deene aa lɔ weekaŋle nyunduabɔr, ne anɔ la aa lɔ weekaŋle harɛbɔr a sie chaɡɛ Korowii Dea dembaah bela la, ɛ sɔfore deene. Belaa sɔfore baa dɛ ba men Korowii sie la ɛɛ ba saraha kwaa aa do ɡoroŋ kohona la dɛɛ dii. Deene la aa do ɡoroŋ kohona nomanta, a binii baa ba saraha kwaa aa do ɡoroŋ kohona kɛŋɔ mea sarahare, ne wechɔɡa kpɔe dɛ kɛ sarahare, dɛ bolchɔɡe dii saraha kwaa kpɔe dɛɛ cheɡ.

Ɛsekeɛl 44:29

Banee dɛ́ di mea sarahare, ne wechɔɡa kpɔe dɛ́ kɛ sarahare, ne bolchɔɡe dii sarahare, dɛ komɛlbwa Israel tena aa kpɔa baa tɛ mɛ la. A bwa ɛ ba kwa.

Lewi Dea Tena 10:17

“Ɛrɛɛ he ta wechɔɡa kpɔe dɛ kɛ saraha kon la ka dii Korowii Dea nɔɔ? O do ɡoroŋ kohona ba kpɔ tɛ heyaa kɛŋɔ hé kpɔ soŋe nɛra la wechɔɡa Korowii sie ó kpɔ ba wechɔɡa kɛ ba.

Lewi Dea Tena 14:13

Ó teŋe pee la baŋa boɡoroŋ bela baa dɛ kpoo wechɔɡa kpɔe dɛ kɛ saraha kwaa ne saraha kwaa baa fuah dɛɛ tɛ mɛ la. Gɛɛ chɛ kɛŋɔ ó ɛ, dɛkalkɛ bolchɔɡe dii saraha ne wechɔɡa kpɔe dɛ kɛ saraha kwaa la ɛ sɔfo la kwa. A ɛ kwaa aa do ɡoroŋ kohona.

Lewi Dea Tena 2:10

Men baa kpɔa ba ɛ saraha la kar ɛ Arɔn ne o bibaala kwa. A do ɡoroŋ kohona dɛ ɛ kwaa baa kpɔa ɛ saraha dɛ fuh tɛ mɛ.

Lewi Dea Tena 22:11

Kɛ dɛ sɔfo yawɛ yom aa, o won ɡɛ kwaa la dii, ɡɛɛ nɛndɔɔle baa lolɔ dem bela ɡe won a dii.

Lewi Dea Tena 22:7

Wee aa le harɛ la, dɛ naate doŋa bwa le o nɛ, ásɛ mɔɔ o won di saraha kwaa aa do ɡoroŋ la, dɛkalkɛ a ɛ sɔfo la kondikwa.

Lewi Dea Tena 4:22

Dɛ nomonnyu bɛl ɛ wechɔɡa, dɛ jo waa men Korowii waa dɛ tom mɛ la aa do ba ŋɔ ba bɛ ɛ la bini bɛlbwa ta dɛ o laa saahna aa, o di bolchɔɡe.

Lewi Dea Tena 4:27

Dɛ dansaa bɛlbwa ɛ wechɔɡa, dɛ jo waa maa do ba ŋɔ ba bɛ ɛ la bini bɛlbwa ta dɛ o laa saahna aa, dɛ o di bolchɔɡe.

Lewi Dea Tena 5:1

Korowii berɔ ŋɔ, “Dɛ nomɛl dɔ waane, asɛ bɛl jemɛ a bini ba yerɔ ŋɔ o ba di danseɛ o ta waa waa naa kɛɛ dɛ jemɛ la bolaa, dɛ o ɛ wechɔɡa dɛ chɛ deŋnetɛra.

Lewi Dea Tena 5:6

dɛ́ lawɛ pelor kɛɛ bohlor le o kondɛɛra bini ba ɛ wechɔɡa kpɔe dɛ kɛ saraha, ásɛ sɔfo la kpɔ soŋe naate wechɔɡa n be, ásɛ n kpɔ kɛo.

Lewi Dea Tena 6:17

Anee n kpɔ tɛ sɔfore kɛŋɔ ba dibɔr dɛ le saraha kwaa baa fuah dɛɛ tɛ mɛ la ta. A do ɡoroŋ kɛrɛdɛ kɛŋɔ wechɔɡa kpɔe dɛ kɛ saraha, ne bolchɔɡe dii saraha ken.

Lewi Dea Tena 6:19

Korowii berɔ ŋɔ Mosis be ja ŋɔ,

Lewi Dea Tena 6:30

Kɛ wechɔɡa kpɔe dɛ kɛ saraha komɛlbwa baa kpɔ o chal jo n Dea Cheremibɔr, dɛ́ kpɔ soŋe wechɔɡa n be Boɡoroŋ bela la te ta chɛ kɛ ba dia. Fuih chɛ kɛ ba fuah.”

Lewi Dea Tena 7:1

Korowii berɔ ŋɔ, “Ŋwɛnɛre aa chɔ le tɛ bolchɔɡe dii saraha ɡee nɔ. A do ɡoroŋ kɛrɛdɛ.

Lewi Dea Tena 7:6

Baa te bɛlbwa waa le sɔfore dea la te won a dii. Kɛ bɔr waa do ɡoroŋee chɛ a dii, a do ɡoroŋ kɛrɛdɛ.

Lewi Dea Tena 7:7

Webeŋkpoŋii lɔ bolchɔɡe dii ne wechɔɡa kpɔe dɛ kɛ saraha ta. Sɔfo waa kpɔ a ɡɛ kwaa la ka soŋe naate la wechɔɡa n be laanee dɔ a kar la.

Nɛra Kura 18:10

Hé dia kɛŋɔ kwaa aa wera dɛ do ɡoroŋ kohona. Baa bɛlbwa won ane dii. A chɛ kɛ hé jemɛ kɛ a ɛ kwaa aa do ɡoroŋ kohona.

Mmarare 18:1

Mosis berɔ ŋɔ, “Lewi dea tena baa ɛ sɔfore la aa Israel harɛ la peraa dɔ, kɛ baa di koŋkɛɛla ne kwaa haa kpɔ ba ɛ saraha dɛ fuah dɛɛ tɛ Korowii laanee.