Nɛra Kura 18:8 - mzwDBL

⁸ Korowii berɔ ŋɔ Arɔn be ŋɔ, “N ɡbabirii kpɔe chɔ sarahare baa kpɔa baa tɛ mɛ la nyoa. Saraha kwaa aa do ɡoroŋ Israel tena kpɔ baa tɛ mɛ la bwa, he ne he bibaalaa n kpɔa dɛɛ tɛ, á ɛ he dibɔr saŋ bɛlbwa dɛɛ la.

Nɛra Kura 18:8 ပူးပေါင်းရင်းမြစ်များ

2 Koranar 12:16

Bolchɔɡe dii saraha ne wechɔɡa kpɔe dɛ́ kɛ saraha suuɡa te, baa a te kpɔe baa do daka la bini, a te ɛ sɔfore la kwa.

2 Webena 31:4

Kooro berɔ ŋɔ Jerusalam tena be ŋɔ, bá kpɔ saraha kwaa aa chɛ sɔfore ne Lewi dea tena la dɛɛ tɛɛ ba, ɡɛ aa ɛ, ásɛ ba won kpɔ ba te tɛ kɛrɛdɛ, dɛɛ teŋɛ ɡɛ Korowii Mmara la aa dɛ baɡle.

2 Webena 31:5

Baa no waa kooro aa bola la, Israel tena la le ba bambile ta, dɛ kpɔ ba kooni kondikonloɡla kɛŋɔ mea ne senfala, ne ɔleve noo ne tooh dɛ kondikwa bɛlbwa baa dɔa dɛ le kooni ta, ba tɛ Korowii toma. Kwaa baa ba a ne warɔ kɛrɛdɛ. Nomɛlbwa bɔne komɛlbwa waa dɔa bini bɔre fi, dɛ́ kpɔ bɔrbeŋkpoŋ ba.

Kaala 28:43

Arɔn ne o bibaala chɛ kɛŋɔ báa do laala nɔ saŋ bɛlbwa baa jo n Dea Cheremibɔr bela, kɛɛ dɛ la kon baa dɛ ɛ saraha o ta dɛ́ ka tomɛ Boɡoroŋ bela, dɛ bɛ bolchɔɡe ba di dɛ́ serewe. Gɛ waa nɔɔ chɛ kɛ á chɔ le tɛ Arɔn ne o naanar saŋ bɛlbwa.”

Kaala 29:21

Berɛ kpɔ chal la aa lɔ saraha kon la ta la ane, ásɛ dɛ fuɡe noo baa kpɔa dɛɛ do ba sɔfore ta la ane do Arɔn nyu ne o laala ta, dɛ́ berɛ do ane o bibaala la ɡe nyuune ta, dɛ́ ɛ merɛ ba ɡe laala ta. Gɛɛ dɛ ɡel o ne o bibaala la ne ba laala bwa do ɡoroŋ.

Kaala 29:28

Anee ɛ dibɔra aa chɛ kɛŋɔ saŋ bɛlbwa Israel tena kpɔ baa tɛ Arɔn ne o bibaala. A ɛ bɔra aa chɛ kɛŋɔ bá kpɔ ba tɛ men Korowii dɛ le deŋnesɔɔhna saraha kwaa ta.

Kaala 29:29

Dɛ Arɔn baa sewaa, o naanar la bɛlbwa waa ba chiɡ o naa ta la, wɛɛ won do laala aa do ɡoroŋ la bá ɛo we-ɛɛla dɛ́ doo sɔfore toma ta.

Kaala 40:13

Kpɔ laala aa do ɡoroŋ do Arɔn, ásɛ dɛ fuɡe noo do o nyu ta, dɛ́ leo cheɡ ó do ɡoroŋ tɛ men Korowii, dɛ́ won ɛ sɔfo dɛɛ tom mɛ kɛrɛdɛ.

Kaala 40:15

He tonaa, hé fuɡe noo do ba nyuune ta ɡɛ haa ɛ ba mɛɛ la, ásɛ ba won ɛ sɔfore dɛɛ ɛ n toma. Noo fuɡa dɛ do ba nyuune ta nɔɔ dɛɛ ba ɡela sɔfore toma do ba luɡe ta saŋ bɛlbwa dɛɛ la.”

Aesaya 10:27

Mɛɛ laa wahala baa dɛ ɛ heyaa a berɛ heyaa bone laanee kpɔ he nɛ, ásɛ wobɛlbwa le he baŋa a ɡɛ saŋ.

Lewi Dea Tena 21:10

Sɔfo baa leo o bala bini dɛ fuɡe noo do o nyu ta, dɛ ɛo Sɔfonomoa dɛ doo laala la ta chɛ kɛŋɔ ó ɡel o nyumpona loromi kɛɛ ó kɛɛ o laala á baɡle kɛ o lɔ lwe ta.

Lewi Dea Tena 23:20

Sɔ́fo la kpɔ kondikonloɡla paanoo la ne pebiiri anɛ la, dɛ́ ɡɔɔra nyundua dɛ́ viiɡa n sie ɛ saraha tɛ mɛ. Anee ɛ saraha aa do ɡoroŋ kohona ba ɛa dɛɛ tɛ men Korowii a ɛ sɔfore la kwa.

Lewi Dea Tena 6:16

Arɔn ne o bibaala di anɔ la aa kaa la. Kɛ a chɛ kɛ ba dia bobɛl waa do ɡoroŋ n Dea Cheremibɔr la dembaah, dɛ́ bɛ iisi a ta do.

Lewi Dea Tena 6:18

Anɔ ɛ waa dɛ chɔ tɛ Arɔn bibaala ne o naanar bibaala baa ka ba saŋ bɛlbwa. Banee dɔ dibɔr saraha kwaa baa kpɔ ba fuah la ta. Nɛmpɛɛ kɛɛ komɛlbwa waa kpɔ o te leɡa la, dɛ o dɔ wa.”

Lewi Dea Tena 6:20

“Awola baa fuɡe noo do Arɔn nyu ta dɛ ɛo Sɔfonomoa la, o ne o bibaala kpɔ ɡɛ kwaa nɔ ba tɛ mɛ. Men baa nama a kper kɛrɛdɛ dɛ ɛ kuruwa del ba ɛ mea saraha tɛ mɛ, ɡɛ baa dɛ ɛa tɔperee te bwa la. Bá kpɔ a pera ɛ chɔɔbɔr, dɛ́ kpɔ a kar ɡe ɛ jɔmɔra.

Lewi Dea Tena 6:26

Sɔfo waa kpɔ saraha kon tɛ Korowii la, onee dɛ́ diu. A chɛ kɛ o diu bela waa do ɡoroŋ n Dea Cheremibɔr la dembaah.

Lewi Dea Tena 7:14

Naate la kpɔ kwaa la bɛlbwa bini beŋkpoŋ aa chɛ kɛŋɔ ó kpɔ ba tɛ men Korowii la ba ɛ saraha tɛ mɛ. Sɔfo la waa kpɔ deŋnesɔɔhna saraha chal merɛ laanee dɔa.

Lewi Dea Tena 7:28

Korowii berɔ ŋɔ Mosis be ŋɔ

Lewi Dea Tena 7:6

Baa te bɛlbwa waa le sɔfore dea la te won a dii. Kɛ bɔr waa do ɡoroŋee chɛ a dii, a do ɡoroŋ kɛrɛdɛ.

Lewi Dea Tena 8:30

Asɛ o kpɔ noo baa kpɔa dɛɛ do ba sɔfore ta, ne chal la ane le saraha kon la ta dɛ ɛ merɛ Arɔn laala ta, dɛ o bibaala la ɡe kwaa ta. O ɛ ɡɛ dɛ le Arɔn ne o laala ne o bibaala la ɡe ne ba laala cheɡ ba do ɡoroŋ.

Nɛra Kura 18:9

Heyaa chɛ kɛŋɔ hé kpɔ kwaa baa kpɔa ba ɛ saraha baa wola an fuih a do ɡoroŋ kohona la bwa. Koŋkɛɛla bwa baa kpɔa baa tɛ mɛ a do ɡoroŋ kohona la, hale dɛ mea saraha, kɛɛ wechɔɡa kpɔe dɛ kɛ saraha, kɛɛ bolchɔɡe dii sarahaa yoo, a ɛ he ne he bibaala dibɔr.

Nɛra Kura 5:9

Kwaa nɔ bwa Israel tena aa kpɔa baa tɛ men Korowii la ɛ sɔfo kwa.”

1 Kɔrent 9:13

Haa jemɛ kɛŋɔ nɛra baa dɛ ɛ toma Korowii Dea la, a taa ba dɔ kwaa dɛɛ di, asɛ banɔ la ɡe baa dɛ kpoo kwaa baa kpɔa baa tɛ Korowii o Dea bini la, a taa ba ɡee di kɛɛ?

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Mmarare 12:6

Belaa chɛ kɛŋɔ hé kpɔ saraha kwaa haa fuh ne anɔ la haa kpoo tɛo, ne komɛlbwa haa dɔa bɔre fi bini bɔrbeŋkpoŋ ne he koŋkɛɛla ne deŋnesɔɔhna sarahare, ne he ɡbaɡba bambile bini kwa, ne he nae dɛ peera biloɡla dɛɛ la kaa tɛo.

Mmarare 18:1

Mosis berɔ ŋɔ, “Lewi dea tena baa ɛ sɔfore la aa Israel harɛ la peraa dɔ, kɛ baa di koŋkɛɛla ne kwaa haa kpɔ ba ɛ saraha dɛ fuah dɛɛ tɛ Korowii laanee.

Mmarare 26:13

he ŋɔ Korowii haa dɛ tomɔ be ŋɔ, ‘Komɛlbwa aa chɛ kɛ ń bɔne a bini bɔre fi la, n kpɔ a bini bɔrbeŋkpoŋ tɛ Lewi dea tena ne hɔɔhra ne bilalbii ne luhaahna ɡɛ haa do mɛ la, bɛlbwa ta n be kae. N ta he Mmara kone, n ta a waa soɛh.

Hibru 1:9

He dɛ nyin waa aa toɡra dɛ ki wechɔɡa. A waa Korowii haa dɛ tomɔ lee cheɡ he bala koranar bwa bini, dɛ fuɡe noo do he nyu ta dɛ tɛɛ silɛɛ.”

1 Jɔn 2:20

He te dɔ Korowii Domadɛɛɡe la he nɛɛ dɛ le Korowii Biɡoroŋ la be, dɛ jemɛ o kasinteŋ waa la bwa.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.