Nɛra Kura 18:26 - mzwDBL

²⁶ ó bol Lewi dea tena la be ŋɔ, “Dɛ he dɔ dibɔr bɔrbeŋkpoŋ la le kwaa Israel tena aa bɔne a bini fi la ta naa, hé ɡe bɔne a bini bɔre fi, dɛ́ kpɔ bɔrbeŋkpoŋ tɛ men Korowii a ɛ saraha tɛo.

Nɛra Kura 18:26 ပူးပေါင်းရင်းမြစ်များ

Nehemia 10:38

Sɔfo waa le Arɔn luɡe ta teŋɛ Lewi dea tena baa dɛ lɛ kwaa nɛra aa bɔne a bini bɔre fi, dɛ kpɔ bɔrbeŋkpoŋa dɛɛ ba a ne la nɛ, ásɛ Lewi dea tena la kpɔ anɔ la baa lɛa la bɔre fi bini bɔrbeŋkpoŋ ba Korowii yaa dɛ tomɔ la Dea. Dɛ́ kpɔ ba cheɡ deene baa dɛ cheɡ laala a yoɡ aa kpeɡa la bini.

Nɛra Kura 18:21

Lewi dea tena te, Israel tena kwaa baa bɔne a bini bɔre fi dɛ kpɔ bɔrbeŋkpoŋ baa tɛ mɛ laanee n kpɔ tɛɛ ba kɛŋɔ ba kapɛrɛ, toma baa dɛ ɛ n Dea Cheremibɔr bela nomanta.

Hibru 7:5

Lewi naanar baa ɛ sɔfore la, Mosis Mmara la ŋɔ ba bwɛɛ tena la bɛlbwa ɛɛ bɔne o kwaa bini bɔre fi, dɛ́ kpɔ bɔrbeŋkpoŋ dɛɛ tɛɛ ba. Kɛ Abraham naanaree ba bwa ɡe ɡba.

Nɛra Kura 18:25

Korowii berɔ ŋɔ Mosis be ŋɔ

Nɛra Kura 18:27

He saraha ɛɛ doo kɛŋɔ mea aa le pɛla ta, kɛɛ ɡrepo daa nɔna baa harame a nee la ken tɛ heya.

Nɛra Kura 15:21

Le he naanar baa ka ba bwa bini, a chɛ kɛ hé kpɔ meloɡla haa nama nɔ ɛ saraha tɛ Korowii.

Nehemia 10:39

Israel tena ne Lewi dea tena la kpɔ ba mea ne senfala, dɛ ɔleve noo la kaa dejeɡre baa dɛ cheɡ laala baa kpɔa dɛɛ ɛ toma Korowii Dea la bini, bela sɔfore baa dɛ ɛ toma ne nɛra baa dɛ daah doonyoo dɛ yelɡoola aa dɛ so la. Yaa Korowii yaa dɛ tomɔ la Dea vɛh.