Nɛra Kura 18:23 - mzwDBL

²³ Lewi dea tenaa chɛ kɛŋɔ báa ɛ n Dea Cheremibɔr bela toma, ásɛ dɛ toma ane ta aŋwɛnɛ ta kpɔe yaa, banee dɛ́ dɔ a deŋnetɛra le n be. A ɡɛ waa nɔ ɛɛ chɔ lee dɛɛ la, hale naanar baa ka ba bwa bini. Ba te ta kapɛrɛ bɛlbwa dɔe Israel tena bini.

Nɛra Kura 18:23 ပူးပေါင်းရင်းမြစ်များ

Kaala 27:21

N Dea Cheremibɔr pateesan waa lɔ N Ne Nɛwɛnyina Fɔo Daka la habɔɔ la, Arɔn ne o bibaalaa chɛ kɛŋɔ bá nyiŋi kandere la ta aa hɔ Korowii sie le jɔmɔra ba le chɔɔ bwa. Gɛ waa nɔ chɛ kɛ á ɛ Mmara dɛ́ chɔ le tɛ Israel tena ne ba naanar baa ka ba bwa.”

Ɛsekeɛl 44:10

Korowii ŋɔ n be ŋɔ, “Mɛɛ tɛr Lewi dea tena ba ne Israel tena aa le n habɔɔ dɛ kaa tomɛ voɡa la deŋnee.

Nɛra Kura 18:1

Korowii ŋɔ Arɔn be ŋɔ, “He ne he bibaala ne Kohat dea tena baa le Lewi dea nɔn taa n Tɛnte Dea la wobɛlbwa do. Dɛ sɔfore toma ane ta aŋwɛnɛ ta kpɔe yaa, he ne he bibaala ɡbo deŋnee mɛɛ ba tɛra.

Nɛra Kura 18:20

Korowii berɔ ŋɔ Arɔn be ŋɔ, “Haa dibɔr bɛlbwa Israel harɛ la taa dɔ ó ɛ he kapɛrɛ kon. Menee he dibɔr ne he kapɛrɛ.

Nɛra Kura 19:21

Mmara nɔ chɔ le tɛɛ ba saŋ bɛlbwa. Naate waa ɛ nee la dɛɛ merɛ la ɡe chɛ kɛ ó chɛɡɛ o laala. Nomɛlbwa waa leɡe nee la ɡba ɡe kah doŋa ka tel jɔmɔra.

Nɛra Kura 26:62

Lewi dea baala baa dɔ korobie beŋkpoŋ ne a habɔɔ laanee ba kure. Dɛ ba lɔ kaɡboŋa fifraanɛ dɛ batoro. Ba ta ban kure ja deene baa kure a nɛra la ta, dɛkalkɛŋɔ ba ta ba te harɛ tɛɛ.

Nɛra Kura 3:7

Baa dɛɛ ɛ n Dea Cheremibɔr la tomaa, dɛɛ tɛ o ne Israel tena la bwa.

Nɛra Kura 35:29

A ɡɛ Mmara la ɛ nɛŋkpoa waa dɛ chɔ tɛ heya bela haa soɡa, dɛ́ ka tel he naanar baa ka ba bwa.

Mmarare 10:9

Anee ɡela Lewi dea tena ta harɛ waa baɡ ba nyoa la pera dɔe kɛ ba bala la. Korowiirii ba kaparɛ kon, ɡɛ Korowii haa dɛ tomɔ nɔ aa ŋɔ ba be la.

Josua 13:14

Mosis ta Lewi dea tena la te harɛ tɛɛ, kwaa nɛra aa kpɔ ba fuh ɛ saraha tɛ Korowii Israel tena aa dɛ tomɔ laanee chɛ kɛŋɔ bá dɔ. Gɛ Korowii aa ŋɔ Mosis be la.