Nɛra Kura 18:21 - mzwDBL

²¹ Lewi dea tena te, Israel tena kwaa baa bɔne a bini bɔre fi dɛ kpɔ bɔrbeŋkpoŋ baa tɛ mɛ laanee n kpɔ tɛɛ ba kɛŋɔ ba kapɛrɛ, toma baa dɛ ɛ n Dea Cheremibɔr bela nomanta.

Nɛra Kura 18:21 ပူးပေါင်းရင်းမြစ်များ

Nehemia 12:44

Gɛ saŋ la, ba le baala bane baa nyiŋi deene baa lɛ kwaa dɛ kpɔ baa cheɡ a bini Korowii Dea la ta. Kondikonloɡla ne kwaa baa bɔne a bini bɔre fi, dɛ kpɔ a bini bɔrbeŋkpoŋa dɛɛ ba ne. Ba lɛa le kooni aa bar bwɛɛre ta ba cheɡ deene la bini, ɡɛ Mmara aa chaɡla kɛŋɔ, anee chɛ sɔfore ne Lewi dea tena la. Dɛkalkɛ, dɛ Juda tena bwa sie lɛ ba ne Lewi dea tena la nɛ.

Nehemia 10:37

Yaa kpɔ ya kondikonloɡlaa la Korowii yaa dɛ tomɔ la Dea, bela baa dɛ cheɡ kwaa la, dɛ́ kpɔ ka tɛ sɔfore la, ya mendɛɛɡa ne mea sarahare, ne ya daa nɔna, ne senfala dɛ ɔleve no. Yaa bɔne komɛlbwa aa le ya kooni ta bɔre fii, dɛ́ kpɔ bɔrbeŋkpoŋ ka tɛ Lewi dea tena la, dɛkalkɛ banee dɛɛ lɛa ya bwɛɛre bwa ta.

Hibru 7:5

Lewi naanar baa ɛ sɔfore la, Mosis Mmara la ŋɔ ba bwɛɛ tena la bɛlbwa ɛɛ bɔne o kwaa bini bɔre fi, dɛ́ kpɔ bɔrbeŋkpoŋ dɛɛ tɛɛ ba. Kɛ Abraham naanaree ba bwa ɡe ɡba.

Galaasia 6:6

Nomɛlbwa baa dɛ baɡlo Yeesu Kristo waa nɔ la, kondɛɛɡe bɛlbwa haa dɔ la, tɛ naate waa dɛ baɡle la.

Nehemia 13:12

Asɛ Juda tena la bwa berɛ pa mun dɛɛ ba ba kwaa baa bɔne a bini bɔre fi bɔrbeŋkpoŋa kɛŋɔ, mea ne senfala dɛ ɔleve noo ne, dɛ kpɔ baa cheɡ deene aa lɔ Korowii Dea la bini ja.

Nehemia 10:29

Ba bwa kpɔ ba te ja ba sitɔɔla nɛɛ dɛ ŋwɛɛ ntam kɛŋɔ, baa teŋɛ Korowii Mmara waa cheɡɛ o bonɔɔ Mosis nɛɛ dɛ kpɔ tɛ la taa, dɛ́ nyiŋi kɛrɛdɛ dɛɛ teŋɛ o waa waa do ba a ta ne o webaɡla bwa ta. Ba ŋɔ, dɛ ba ta a ta teŋaa, Kórowii taah ba.

2 Webena 31:12

Asɛ ba pa koŋkɛɛla la ne kwaa baa bɔne a bini fi, dɛ kpɔ bɔrbeŋkpoŋa ba, dɛ kwaa baa lea cheɡ tɛ Korowii la cheɡ bela. Ba kpɔ Lewi dea te bɛl baa dɛ yerɔ Konania ɛ nomoa ŋɔ wɛ́ɛ nyiŋi a ta, asɛ o nime Simee ja o nɛ.

Nɛra Kura 18:6

Men Korowii ɡbabirii le he bala Lewi dea tena le Israel tena bini, dɛ́ kpɔ ba tɛɛ, ásɛ ba kpɔ ba te che tɛ mɛ dɛɛ ɛ n Dea Cheremibɔr bela toma.

Mumpar 14:20

Nemenɛ Korowiirii dɔ jam kɛŋɔ waa ba he dɔma ne harɛ asɛ he tiɡri ba nɛɛ nɔ.” Asɛ Abram bɔne koŋkwaare waa kaa lɛ o dɔma la be la bini bɔre fi, dɛ kpɔ bɔrbeŋkpoŋ tɛ kooro Mɛlkesɛdɛk.

Nɛra Kura 31:28

Banɔ la baa kaa yo kwaa baa dɔa la, hé lɛa ba be cheɡ tɛ men Korowii. Hale nɛra kɛɛ nae kɛɛ keeɡore kɛɛ peera kɛɛ boohna oo, lafraanue bɛlbwa la hé lɛ bɔrbeŋkpoŋ.

Mmarare 18:8

Gɛ del ba bala la aa dɛ dɔ la, ɡɛ tentenee chɛ kɛŋɔ ó ɡe dɔ, hale dɛ suuɡaa o dɔ le o mɛɛ kɛɛ o nya kwaa waa yoɡa ta noo.”

Nehemia 12:47

Anomanta, le Sɛrobabɛl ne Nehemia bere saŋ bwaa Israel tena le, dɛɛ tɛ yelɡoola ne nɛra baa dɛ daah Korowii Dea kwa tɔpere bɛlbwa. Ba kpɔ saraha kwaa aa do ɡoroŋ dɛɛ tɛ Lewi dea tena, ásɛ ba ɡe kpɔ anɔ la aa chɛ sɔfore baa ɛ Arɔn naanar kwaa tɛɛ ba.

Nehemia 13:5

Asɛ Eliasib kpɔ dejen ba fa aa dɛ cheɡ mea baa kpɔa ba ɛ saraha ne daawiile, ne laala bwa soo siwi aa lɔ Korowii Dea, ne mea baa bɔne a bini bɔre fi bini bɔrbeŋkpoŋa, ne senfala dɛ ɔleve noo aa chɛ kɛ ba kpɔ tɛ Lewi dea tena, ne Korowii Dea yelɡoola dɛ nɛra baa dɛ nyiŋi doonyoo ta, dɛ anɔ la baa kpɔ tɛ sɔfore bwa, do Tobia nɔn ta.

Malakae 2:4

Anee dɛ́ ɡel he jemɛ kɛŋɔ menee kah heyaa dɛɛ le ɡɛ waa nɔ ta, ásɛ fɔo n ne Lewi dea tena aa fɔwa la won do le dɛɛ la.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Mumpar 47:24

A ɡɛ saŋ a koma aa ba tel la, a chɛ kɛ he bɔne a bini bɔre anue, dɛ́ kpɔ bɔrbeŋkpoŋ ba tɛ kooro. Ásɛ dɛ ɡe kpɔ a kar, dɛ́ kpɔ ane ɛ dwee cheɡ, ásɛ he ne he dem tena ɡe di a kabora.”

Mumpar 47:26

Anomanta, Josef ɛ mmara harɛ la ta kɛŋɔ nomɛlbwa komɛ o koo kwa aa, ó bɔne a bini bɔre anue, dɛ́ kpɔ bɔrbeŋkpoŋ ba tɛ kooro. A ɡɛ mmara la ta lɔ Ijipt harɛ ta ba le fini. Nemenɛ harɛ waa ɛ sɔfore kon la ɡboo wola jae.

Nɛra Kura 3:6

“Kpɔ Lewi dea tena ka tɛ sɔfo Arɔn, ásɛ ba ja o nɛɛ dɛɛ cha sɔfore toma.

Nehemia 10:38

Sɔfo waa le Arɔn luɡe ta teŋɛ Lewi dea tena baa dɛ lɛ kwaa nɛra aa bɔne a bini bɔre fi, dɛ kpɔ bɔrbeŋkpoŋa dɛɛ ba a ne la nɛ, ásɛ Lewi dea tena la kpɔ anɔ la baa lɛa la bɔre fi bini bɔrbeŋkpoŋ ba Korowii yaa dɛ tomɔ la Dea. Dɛ́ kpɔ ba cheɡ deene baa dɛ cheɡ laala a yoɡ aa kpeɡa la bini.