Nɛra Kura 18:2 - mzwDBL

² Saŋ bɛlbwa he ne he bii aa dɛɛ ba toma ɛɛ n Tɛnte Dea waa ɛ n Dea Cheremibɔr bela la, yerɛ he bala Lewi dea tena la bá ba cha he ne he bibaala haa dɛ cha nɛra la, ásɛ ba won tom mɛ ɡɛ aa chɛa la.

Nɛra Kura 18:2 ပူးပေါင်းရင်းမြစ်များ

Mumpar 29:34

O berɔ kpoŋe tea dɛ lolɛ bibaa ja. Dɛ ŋɔ, “Namee n jaa ɛɛ ba o bambile bwa kpɔe tɛ mɛ dɛkalkɛ n lolɛ bibaala batoro bwa tɛo.” Dɛ pa o sɔn Lewi.

2 Webena 30:16

Ate, bɛlbwa ka che o chebɔr, ɡɛ Korowii bonɔɔ Mosis Mmarare aa dɛ baɡle la. Asɛ Lewi dea tena la kpɔ kwaa baa kpoora ɛ saraha chale la tɛ sɔfore la, asɛ ba ɛ merɛ saraha kon la ta.

Ɛsekeɛl 44:11

Ba ken ɛɛ dɔ bɔree dɛɛ daah n Dea doonyoo la, dɛɛ ɛ toma bela. Baa kpo saraha kwaa baa fuah, ne nɛra la kwaa baa kpoora, dɛɛ cha ba.

Ɛsekeɛl 44:15

Kɛ Sadɔk naanar baa ɛ Lewi dea sɔfore dɛ kpɔ kasinteŋ ba tom mɛ n Dea bela, ɡɛ saŋ Israel tena aa le n habɔɔ la, banee ba n sie bela dɛ ba tom mɛ. Kɛ taraken, bá ba che n sie dɛ́ kpɔ ola noorare ne a chale ɛ sarahare dɛɛ tɛ mɛ. Men Nemenɛ Korowiirii bola.

Malakae 2:4

Anee dɛ́ ɡel he jemɛ kɛŋɔ menee kah heyaa dɛɛ le ɡɛ waa nɔ ta, ásɛ fɔo n ne Lewi dea tena aa fɔwa la won do le dɛɛ la.

Nɛra Kura 1:53

Kɛ Léwi dea tena la te baŋre ba tɛnte deene bar n Tɛnte Dea la, ásɛ n bandia bɛ Israel tena la bwa nɛɛ ba. Lewi dea tena laanee chɛ kɛŋɔ báa nyiŋi n Tɛnte Dea la bwa ta.”

Nɛra Kura 16:40

ɡɛ Korowii aa cheɡɛ Mosis nɛɛ dɛ baɡle Eliasa la. Anɔɔ dɛ́ ja Israel tena kɛ nomɛlbwa waa wola Arɔn naa mun leɛ ta chɛ kɛ ó la Korowii sie ka fuh daawiile. Bɛlbwa ɛ ɡɛ naa, Kora ne o bala waa aa puu ba laanee wɛɛ ba nae.

Nɛra Kura 17:7

Ate, Mosis pa ka teɡli Korowii Tɛnte Dea, O Ne Nɛwɛnyina Fɔo Daka la sie.

Nɛra Kura 18:4

Lewi dea tena la chɛ kɛŋɔ bá ba ja he nɛ, dɛɛ ɛ toma bɛlbwa sese aa lɔ n Dea Cheremibɔr bela. Kɛ nɛmpɛɛ bɛlbwa ta chɛ kɛŋɔ ó ba bela haa lole la.

Nɛra Kura 3:5

Korowii ŋɔ Mosis be ŋɔ,

Nɛra Kura 4:15

Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.

Nɛra Kura 8:19

Israel tena bwa bini la, Lewi dea tenaa n kpɔ do Arɔn ne o bibaala nɔn ta baa cha ba, dɛ́ che Israel tena naa ta dɛɛ ɛ toma n Dea Cheremibɔr bela. Bá soŋe ba wechɔɡa men Korowii be dɛɛ tɛɛ ba, ásɛ dɛ bɛlbwa la Boɡoroŋ la jwɛɛh kwara naa, weechɔɡa bɛlbwa bɛ on pu.”

Nɛra Kura 8:22

Baa ɛ ɡɛ tonɛ la, Lewi dea tena pa mun kaa ɛ toma Korowii Dea Cheremibɔr bela, asɛ Arɔn ne o bibaala ɛɛ nyiŋi ba nɛ. Gɛ Korowii aa do Mosis ŋɔ bá ɛ Lewi dea tena la, ɡɛɛ ba ɛ.

Hibru 9:6

Yoo, kenii dea la bini kwaa cheche, asɛ sɔfore la ɛɛ jo o boloɡle la bini tɔperee bwa dɛ kaa ɛ ba toma.