Nɛra Kura 18:19 - mzwDBL

¹⁹ Saraha kwaa aa do ɡoroŋ bwa Israel tena aa kpɔa baa tɛ mɛ he yon le ane cheɡ la, n kpɔɔ tɛ he ne he bibaala ne bihaahna á ɛ he dibɔr saŋ bɛlbwa. A ɛ fɔo dɛ chɔ le waa wola chɔɡ bwa dɛ tɛ n ne hen ne he naanar bwa.”

Nɛra Kura 18:19 ပူးပေါင်းရင်းမြစ်များ

2 Webena 13:5

Haa jemɛ kɛŋɔ Korowii Israel tena aa dɛ tomɔ la cheɡɛ fɔo waa chɔ le waa wola chɔɡ ta dɛ kpɔ Israel kora tɛ Kooro Devid ne o naanar saŋ bɛlbwa dɛɛ la kɛɛ?

Nɛra Kura 18:11

Anɔ la aa jaa dɛ ɛ he dibɔr laanee nɔ. Kwaa ba yon kwaa ane cheɡ dɛ́ le saraha kwaa bwa Israel tena yon kpɔ baa tɛ mɛ, dɛ́ ɡɔɔra men Korowii sie la, n kpɔa tɛ he ne he bibaala ne bihaahna, á ɛ he dibɔr saŋ bɛlbwa. He dem nɛn bɛlbwa waa wola doŋa kaeh won a dii.

Lewi Dea Tena 2:13

Do yar mea saraha bwa ta á baɡle he ne Korowii haa dɛ tomɔ la fɔo. A chɛ kɛ yar do saraha bɛlbwa ta.

2 Webena 31:4

Kooro berɔ ŋɔ Jerusalam tena be ŋɔ, bá kpɔ saraha kwaa aa chɛ sɔfore ne Lewi dea tena la dɛɛ tɛɛ ba, ɡɛ aa ɛ, ásɛ ba won kpɔ ba te tɛ kɛrɛdɛ, dɛɛ teŋɛ ɡɛ Korowii Mmara la aa dɛ baɡle.

Mmarare 12:6

Belaa chɛ kɛŋɔ hé kpɔ saraha kwaa haa fuh ne anɔ la haa kpoo tɛo, ne komɛlbwa haa dɔa bɔre fi bini bɔrbeŋkpoŋ ne he koŋkɛɛla ne deŋnesɔɔhna sarahare, ne he ɡbaɡba bambile bini kwa, ne he nae dɛ peera biloɡla dɛɛ la kaa tɛo.

Nɛra Kura 31:41

Mosis kpɔ ɡɛ kwaa la ne nɛra la bwa tɛ sɔfo Eliasa ba ɛ Korowii kwa, ɡɛ Korowii aa do ba la.

Nɛra Kura 31:29

Hé lɛa le ba kwaa baa dɔ la ta, dɛ́ kpɔ tɛ sɔfo Eliasa á ɛ men Korowii kwa.

Nɛra Kura 18:8

Korowii berɔ ŋɔ Arɔn be ŋɔ, “N ɡbabirii kpɔe chɔ sarahare baa kpɔa baa tɛ mɛ la nyoa. Saraha kwaa aa do ɡoroŋ Israel tena kpɔ baa tɛ mɛ la bwa, he ne he bibaalaa n kpɔa dɛɛ tɛ, á ɛ he dibɔr saŋ bɛlbwa dɛɛ la.

Lewi Dea Tena 7:14

Naate la kpɔ kwaa la bɛlbwa bini beŋkpoŋ aa chɛ kɛŋɔ ó kpɔ ba tɛ men Korowii la ba ɛ saraha tɛ mɛ. Sɔfo la waa kpɔ deŋnesɔɔhna saraha chal merɛ laanee dɔa.

Mmarare 12:26

Saraha kwaa ne nyobaɡa kwaa la te, hé kpɔa la bela Korowii aa le cheɡ tɛ heyaa la.

2 Koranar 12:16

Bolchɔɡe dii saraha ne wechɔɡa kpɔe dɛ́ kɛ saraha suuɡa te, baa a te kpɔe baa do daka la bini, a te ɛ sɔfore la kwa.

Ɛsekeɛl 43:24

Kpɔa ba n sie, ásɛ sɔfore la ɛ yar merɛ a ta, dɛ́ kpɔ ɛ saraha baa fuah tɛ mɛ.

Kaala 29:27

Ɛ pebal ola la peri baa ɛ ane we-ɛɛle dɛ do Arɔn ne o bibaala sɔfore ta la a do ɡoroŋ. O bambile baa ɡɔɔro nyundua dɛ viiɡu men Korowii sie la ne o hwii baa kpɔa ba la.

Lewi Dea Tena 21:22

Kɛ wɛɛ won di saraha kwaa baa kpɔa ba tɛo la, anɔ la aa do ɡoroŋ kohona dɛ ɛ o kwaa la ne anɔ la aa do ɡoroŋ la bwa,