Nɛra Kura 18:12 - mzwDBL

¹² Kondikonloɡla ane kɛŋɔ ɔleve noo aa wera ne senfala aa wera dɛ meloɡla baa kpɔa baa tɛ men Korowii laanee n kpɔ tɛ heya.

Nɛra Kura 18:12 ပူးပေါင်းရင်းမြစ်များ

Mmarare 18:4

Banee bera chɛ kɛŋɔ hé kpɔ he mea aa tɔ sie ne he senfala, ne ɔleve noo dɛ peera pona he yon tɔ sie fona bena bɛlbwa la tɛ,

Kaala 23:19

Hé kpɔ he koo kondikonloɡla ba men Korowii haa dɛ tom mɛ la Dea. He bɛ bombie daa o nya elnee ne.

Kaala 34:26

Hé kpɔ he koo kondikonloɡla aa wera kohona ba tɛ men Korowii haa dɛ tom mɛ la Dea. He bɛ bombie daa o nya elnee ne.”

Mmarare 26:2

hé bini bɛlbwa do kwaa waa para harɛ la ta konloɡla wɛɡrɛ del, dɛ́ kpɔ la bela Korowii haa dɛ tomɔ nɔ aa le tɛ heyaa ŋɔ hɛɛ tomɔ la.

Lewi Dea Tena 23:20

Sɔ́fo la kpɔ kondikonloɡla paanoo la ne pebiiri anɛ la, dɛ́ ɡɔɔra nyundua dɛ́ viiɡa n sie ɛ saraha tɛ mɛ. Anee ɛ saraha aa do ɡoroŋ kohona ba ɛa dɛɛ tɛ men Korowii a ɛ sɔfore la kwa.

Lewi Dea Tena 23:17

Hé kpɔ paanobire anɛnɛ le dem bɛlbwa ta ba ɛ saraha baa ɡɔɔra nyundua dɛ viiɡa men Korowii sie, a ɛ kondikonloɡla saraha tɛ mɛ. Men aa kpera kɛrɛdɛ kuruware anɛ iisi aa lɔ a ta laanee hé kpɔ wɔɔra.

Lewi Dea Tena 2:14

Dɛ he kpɔ meloɡla dɛɛ ba ba ɛ saraha tɛ mɛ naa, kpɔ an wɔɔra baa peɡra kɛɛ dɛ nama.

Kaala 22:29

Hé kpɔ he mea ne sen kɛɛ ɔleve noo ba ɛ saraha tɛ mɛ saŋ aa chɛa ta. Hé lawɛ he bibanloɡla ba tɛ mɛ.

Mumpar 27:28

Kórowii pili nyundua dɛ́ nɛ bwaala, dɛ́ tɛɛ hɛɛra he konduula bwa do wer, he dɔ kondikwaa ne senfala kohona.

Mmarare 18:3

Dɛ he kpɔ nao kɛɛ pee ɛ saraha aa, sɔfore la di bɔree o vam ne o kaŋe dɛ o tea bini kwa.

Mmarare 32:14

Ba dɔ nae ne boohna elnee kohona, ba peera ne boohna ne nae do wer, dɛ dɔ Basan harɛ pebala aa wera tɛɛ ba la ane. Ba dɔ mendɛɛɡa ne sen baa dɛ nyin dɛɛ nyɔ.

Yela 81:16

Kɛ ane a bwa, mɛɛ tɛ heyaa mendɛɛɡa, ne tohdɛɛɡa he di dɛ vaɡɛ.”

Yela 147:14

Onee tɛ heyaa deŋnesɔɔhna he harɛ jwɛhre ta, asɛ dɛ tɛ heyaa mea aa do wer.

Ɛsekeɛl 44:30

He koo kondikonloɡla aa wera, ne komɛlbwa haa kpɔa baa tɛ mɛ la ɛɛ ɛ sɔfore la kwaa. He kpɔ menloɡla ba tɛɛ ba, ásɛ n swee andɛɛɡa tɛ heyaa he deremi.

Lewi Dea Tena 2:12

Hɛɛ won ba a ne kɛŋɔ he yon kpɔ kondikonloɡla baa tɛ mɛ bena bɛlbwa kon baa dɛ ɛ saraha o ta la. Kɛ bɛ an fuh o ta kɛ saraha kwaa baa fuah a sɔɔh ɛɛ do som n be la.

2 Koranar 4:42

Awola bɛl, baa bɛl le bwɛɛ baa dɛ yerɔ Baal Salisa, dɛ kpɔ meloɡla baa koma le koo ta a bena la, dɛ kpɔ ɛ paanoo fifraanɛ, dɛ kpɔ boyulwɛɛ ane ɡe ja ba tɛ Korowii keame Elaesa. Anee Elaesa ŋɔ, “Kpɔ tɛ n bala Korowii keamere baa pɛa dɛɛ valɛ nɔ bá di.”

2 Webena 31:5

Baa no waa kooro aa bola la, Israel tena la le ba bambile ta, dɛ kpɔ ba kooni kondikonloɡla kɛŋɔ mea ne senfala, ne ɔleve noo ne tooh dɛ kondikwa bɛlbwa baa dɔa dɛ le kooni ta, ba tɛ Korowii toma. Kwaa baa ba a ne warɔ kɛrɛdɛ. Nomɛlbwa bɔne komɛlbwa waa dɔa bini bɔre fi, dɛ́ kpɔ bɔrbeŋkpoŋ ba.