Nɛra Kura 18:11 - mzwDBL

¹¹ Anɔ la aa jaa dɛ ɛ he dibɔr laanee nɔ. Kwaa ba yon kwaa ane cheɡ dɛ́ le saraha kwaa bwa Israel tena yon kpɔ baa tɛ mɛ, dɛ́ ɡɔɔra men Korowii sie la, n kpɔa tɛ he ne he bibaala ne bihaahna, á ɛ he dibɔr saŋ bɛlbwa. He dem nɛn bɛlbwa waa wola doŋa kaeh won a dii.

Nɛra Kura 18:11 ပူးပေါင်းရင်းမြစ်များ

Mmarare 18:3

Dɛ he kpɔ nao kɛɛ pee ɛ saraha aa, sɔfore la di bɔree o vam ne o kaŋe dɛ o tea bini kwa.

Lewi Dea Tena 10:14

Kɛ he ne he bibaala ne bihaahna ɛɛ won di saraha kon bambile haa ɡɔɔro nyundua dɛ viiɡu Korowii sie la ne o hwii la. Hé dɛ ba dii yaa, bela waa do ɡoroŋee chɛ kɛ hé dia. A ɛ he ne he bii dibɔr haa dɔa dɛ le deŋnesɔɔhna saraha kwaa Israel tena aa baa ɛ la ta.

Nɛra Kura 18:8

Korowii berɔ ŋɔ Arɔn be ŋɔ, “N ɡbabirii kpɔe chɔ sarahare baa kpɔa baa tɛ mɛ la nyoa. Saraha kwaa aa do ɡoroŋ Israel tena kpɔ baa tɛ mɛ la bwa, he ne he bibaalaa n kpɔa dɛɛ tɛ, á ɛ he dibɔr saŋ bɛlbwa dɛɛ la.

Lewi Dea Tena 7:14

Naate la kpɔ kwaa la bɛlbwa bini beŋkpoŋ aa chɛ kɛŋɔ ó kpɔ ba tɛ men Korowii la ba ɛ saraha tɛ mɛ. Sɔfo la waa kpɔ deŋnesɔɔhna saraha chal merɛ laanee dɔa.

Nɛra Kura 18:1

Korowii ŋɔ Arɔn be ŋɔ, “He ne he bibaala ne Kohat dea tena baa le Lewi dea nɔn taa n Tɛnte Dea la wobɛlbwa do. Dɛ sɔfore toma ane ta aŋwɛnɛ ta kpɔe yaa, he ne he bibaala ɡbo deŋnee mɛɛ ba tɛra.

Nɛra Kura 18:10

Hé dia kɛŋɔ kwaa aa wera dɛ do ɡoroŋ kohona. Baa bɛlbwa won ane dii. A chɛ kɛ hé jemɛ kɛ a ɛ kwaa aa do ɡoroŋ kohona.

Nɛra Kura 18:19

Saraha kwaa aa do ɡoroŋ bwa Israel tena aa kpɔa baa tɛ mɛ he yon le ane cheɡ la, n kpɔɔ tɛ he ne he bibaala ne bihaahna á ɛ he dibɔr saŋ bɛlbwa. A ɛ fɔo dɛ chɔ le waa wola chɔɡ bwa dɛ tɛ n ne hen ne he naanar bwa.”