Nɛra Kura 17:10 - mzwDBL

¹⁰ Korowii berɔ ŋɔ Mosis be ŋɔ, “Berɛ kpɔ Arɔn daŋɡbala la ka tel N Ne Nɛwɛnyina Fɔo Daka la sie, ó do le dɛɛ baɡle lwɛmkpeɡ tena wa. Anee dɛ́ teŋe n waa baa dɛ naɡre nɔ ta dɛ bɛ serewe.”

Nɛra Kura 17:10 ပူးပေါင်းရင်းမြစ်များ

Yela 57:4

N dɔma bar mɛ cheme, ba do kɛŋɔ nyujentena lɔr aa dɛ kpoa, aa nyin nɛra ola dɛ́ di ken. Ba nyena do kɛŋɔ lampeare ne hɛma, ba nyondoŋa nyɛɡre kɛ keri ken.

Kaala 16:32

Asɛ Mosis ŋɔ, “Waa Korowii aa do yaa a ta laanee kɛŋɔ, ‘Hé ɡel maana dɛ ɛ kuruwa del cheɡ, ásɛ he naanar baa ka ba la jemɛ kondikwaa la soo maa tɛ heya he di pua hɛŋle ɡbo harɛ ta, ɡɛ saŋ maa lawɛ heyaa le Ijipt harɛ ta la.’ ”

Kaala 16:34

Arɔn kpɔ maana la cheɡ Korowii Ne Nɛwɛnyina Fɔo Daka la sie, asɛ ba kwaa cheɡ ɡɛ Korowii aa do Mosis la.

Aesaya 1:2

Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.

Hosia 10:9

Korowii ŋɔ, “Israel tena ta wechɔɡa baa ɛɛ mɛ la ɡelɛ. Gɛ saŋ baa lea ɛ wechɔɡa bwɛjen Gebea la. Anomanta, laa taa baa ba serewa Gebea.

Nɛra Kura 14:5

Belaa Mosis ne Arɔn kpɔ ba sie pi harɛ Israel tena baa chema la bwa sie.

Nɛra Kura 16:21

“Hé pere he te le ɡɛ nɛra nɔ nɛ, ásɛ n won kpoo ba, ba waa den tonɛ buɡ nɔ ta.”

Nɛra Kura 16:38

Kwaa nɛra la aa kpoŋaa dɛ ɛ wechɔɡa dɛ fuh daawiile a ta dɛ serewe la, hé lɔɔra a paɡri dɛ́ kpɔ dɛɛ tɔ kon baa dɛ ɛ saraha o ta la ta. A te do ɡoroŋ, dɛkalkɛŋɔ ba kpɔa baa fuh daawiile Korowii sie. Hé ɡel a ɡɛ kwaa baa lɔɔra dɛ tɔ kon baa dɛ ɛ saraha o ta nɔ do le dɛ́ ja Israel tena bwa.”

Nɛra Kura 16:40

ɡɛ Korowii aa cheɡɛ Mosis nɛɛ dɛ baɡle Eliasa la. Anɔɔ dɛ́ ja Israel tena kɛ nomɛlbwa waa wola Arɔn naa mun leɛ ta chɛ kɛ ó la Korowii sie ka fuh daawiile. Bɛlbwa ɛ ɡɛ naa, Kora ne o bala waa aa puu ba laanee wɛɛ ba nae.

Nɛra Kura 17:11

Asɛ Mosis ɛ ɡɛ tenten Korowii aa doo la bwa.

Nɛra Kura 17:4

Kpɔ daŋɡbale la ka bil n Dea Cheremibɔr, N Ne Nɛwɛnyina Fɔo Daka la sie bela maa dɛ cheme heyaa la.

Nɛra Kura 17:9

Ate, Mosis pa daŋɡbale la bwa aa lɔ Korowii sie bela la le dɛ ba baɡle Israel tena la, asɛ nomoa bɛlbwa ba nyiŋi dɛ kpɔ o kon.

Nɛra Kura 20:9

Anee Mosis kpɔ daŋɡbala la le Korowii Dea Cheremi Bɔr doonyoa bela, dɛ ka ɛ ɡɛ Korowii aa doo la.

Nɛra Kura 4:18

“Hé nyiŋi kɛrɛdɛ, ásɛ Kohat dea tena mun bɛ he le Lewi dea tena la bini.

1 Kɔrent 10:10

Ya bɛ waa naɡre ɡɛ bane fa aa naɡre waa asɛ nyundua torome ba kpoo ba la.

Ɛfesos 5:6

He bɛ ɡel nomɛlbwa kpɔ wepuu neɡre heya. A ɡɛ waa nɔ bwa waa Korowii baah di deŋnekpeɡ tena nɛɛ wɛɛ ba ba deŋne tɛra la.

Mmarare 9:24

Le ɡɛ saŋ maa jemɛ heyaa bwaa he le ɛ Korowii lwɛmkpeɡ.

Mmarare 9:7

Hé lii ɡɛ saŋ haa ɛ Korowii o baah di pua hɛŋle ɡbo harɛ ta, dɛ ɛo deŋnekpeɡ dɛ le ɡɛ saŋ haa le Ijipt harɛ ta dɛ ba tel bonɔ la.

Hibru 9:4

Korowii Boɡoroŋ Tenten la bɔr bela la, dɛ suuɡaswɛm kon baa dɛ fuh daawiile a sɔɔh aa soma o bini la lɔ bela. Dɛ Korowii Ne Nɛwɛnyina Fɔo Daka baa kpɔ suuɡaswɛm ɛ o bwara bwa, asɛ o che tɛ ba ne Korowii fɔo la lɔ bela. Dɛ suuɡaswɛm vii la baa kpɔ kondikwaa aa le nyundua baa yera maana do o bini la, ne Arɔn daŋɡbala waa moɡɛ papooni la, ne bwepɛle anɛ la ba fa aa chwerɛ o ne ba fɔobene la mmara fi la do a ta la lɔ Daka la bini.

1 Samoɛl 2:12

Dɛ sɔfo Eli bibaala nyu bini kpeɡri, baa Korowii ɔmɛ.

1 Samoɛl 30:22

Kɛ ba bini nyubinikpeɡ tena ne nɛnchɔɡa bwa baa ja Devid ne o laa tena nɛɛ la ŋɔ, “Baa wola ya nɛɛ jae ya ne ba ka yo nɔ, ya ne baa won bɔne kwaa yaa kaa paa laa ta nɔ. Kɛ bɛlbwa ɛɛ won kpɔ o haah ne bii te kaa.”