Nɛra Kura 16:5 - mzwDBL

⁵ Belaa o ŋɔ Kora ne o bala baa ja o nɛɛ la bwa be ŋɔ, “Kere chɔɔ Korowii ɛɛ ɡeloo yá jemɛ naate waa ɛ o nɛn, dɛ́ ɡel naate ba o sie. Nomɛlbwa waa leo laanee dɛɛ ba wona la o sie.

Nɛra Kura 16:5 ပူးပေါင်းရင်းမြစ်များ

Yela 65:4

Nɛra haa lee ba ŋɔ bá ba so he Dea bela la, ba na som. Ya sie ɛɛ lɛ kondɛɛɡa haa swee yaa a do he Dea waa do ɡoroŋ la taa.

Nɛra Kura 17:5

Naate máa leo ó ɛ sɔfo la, o daŋɡbala la ɛɛ moɡɛ papoonii, ásɛ n teŋe saŋ bɛlbwa naɡra Israel tena aa dɛ naɡre he waa a pe mɛ la ta.”

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Nɛra Kura 16:3

Ba pɛo dɛ la Mosis ne Arɔn be dɛ ŋɔ ba be ŋɔ, “He dɛ lii kɛŋɔ he ɡwaa nomɛlbwa kɛɛ? Israel te bɛlbwa ɛ Korowii nɛra, o ja ya bwa nɛ. Ɛrɛɛ he ɡbo ɛɛ lii kɛŋɔ he ɡwaa Korowii nɛra bwa nɔɔ?”

Wepila 1:6

O ɡelɔ ya bwa ɛ o Kora ta nɛra, dɛ ɛ sɔfore dɛɛ tomɛ o Mɛɛ Korowii. Anomanta, hé tɛo sɔn. Onee dɔ kpeɡri saŋ bɛlbwa dɛɛ la. Aamen.

We-ɛɛla 22:14

Asɛ o ŋɔ, ‘Korowii ya naawa fa aa dɛ tomɔ la, onee lee tɛ o te ŋɔ hé jemɛ waa waa dɛ nyin, dɛ́ won no o Bidɛɛɡe la ɡbaɡba wobol, dɛ́ nao ɡe.

We-ɛɛla 13:2

Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.”

We-ɛɛla 1:24

dɛ soŋe Korowii ŋɔ, “Ya Dɔɔ, hen jemɛ nomɛlbwa nyu bini. Anomanta, baɡle yaa nɛra banɛ nɔ bini onɔ la haa dɛ nyin

We-ɛɛla 1:2

ka tel awola Korowii aa kpɔɔ kaa nyundua la. O cheɡɛ Korowii Domadɛɛɡe la kpeɡri ta dɛ baɡle baala la waa kpɔ ba ŋɔ bá ɛ o toroma la waa baa dɛ ba ɛɛ la, asɛ Korowii kpɔɔ kaa nyundua.

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Malakae 3:18

Hɛɛ berɔ na ɡɛ nɛra ba wa aa toɡra waa aa korɛ banɔ la ba nyu bini aa kpeɡa waa ta, ne ɡɛ nɛra baa dɛ tomɛ men Korowii waa aa korɛ banɔ la baa wola men tomɛ waa ta.”

Ɛsekeɛl 40:46

asɛ onɔ la o ɡe sie aa chaɡɛ weekaŋle nyunduabɔr la ɛ sɔfore baa dɛ nyiŋi kon baa dɛ ɛ saraha o ta la kon. Banee Sadɔk naanar, ba ɡboo ɛ Lewi dea tena baa dɛ ba wona la Korowii sie dɛ́ kaa tomɔ.”

Yela 105:26

Belaa o tomɛ o bonɔɔna Mosis ne Arɔn waa lee ba tɛ o te la.

1 Samoɛl 2:28

Israel deene fi dɛ anɛ bwa binii n le he naa Arɔn ne o bibaala cheɡ ŋɔ, bá ɛ n sɔfore, dɛ́ɛ la bela baa ɛ saraha dɛɛ tɛ men Korowii, dɛ́ ka fuh daawiile a sɔɔh aa soma dɛ́ɛ tom mɛ, dɛ́ do sɔfo batakaarebora efɔd ba n sie. N berɔ tɛ he naawa dea tena ŋwɛnɛ Israel tena kwaa baa kpɔa ba ɛ saraha dɛ fuh dɛɛ tɛ mɛ la, baa kpɔ a bini ane.

Kaala 28:1

Korowii berɔ ŋɔ Mosis be ŋɔ, “Gel bá kpɔ he dɔɔ Arɔn ne o bibaala Nadab ne Abihu ne Eliasa dɛ Itama le Israel tena bini, ásɛ ba ɛ sɔfore dɛɛ tom mɛ.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

Ɛfesos 2:13

Kɛ taraken he banɔ la he ne Korowii baah fa aa jaŋa la, Korowii koh Yeesu Kristo seo waa sewa, asɛ he ne o won pɛ la wa, dɛ kpɔ heyaa ba o be.

We-ɛɛla 15:7

Ba bol waa dɛ tɔŋle dɔŋa la sie, asɛ Pita ir che dɛ ŋɔ, “Yabala, he jemɔ kɛ Korowiirii fa lee mɛ he bini ŋɔ ń bol o Amanesoma la baɡle banɔ la baa wola Juu tena ɛɛ la, ásɛ ba ɡe no o waa dɛ yarada.

Lewi Dea Tena 8:2

“Kpɔ Arɔn ne o bibaala ne ba sɔfo batakaani, ne noo baa kpɔa dɛɛ do ba sɔfore ta, ne nabal baa kpɔ ɛ wechɔɡa kpɔe dɛ kɛ saraha, ne pebala anɛ dɛ paanoo iisi aa wola toole a ta wɛɡrɛ la ba n Dea Cheremibɔr la doonyoa,

Kaala 28:43

Arɔn ne o bibaala chɛ kɛŋɔ báa do laala nɔ saŋ bɛlbwa baa jo n Dea Cheremibɔr bela, kɛɛ dɛ la kon baa dɛ ɛ saraha o ta dɛ́ ka tomɛ Boɡoroŋ bela, dɛ bɛ bolchɔɡe ba di dɛ́ serewe. Gɛ waa nɔɔ chɛ kɛ á chɔ le tɛ Arɔn ne o naanar saŋ bɛlbwa.”

Nɛra Kura 16:6

Kɛ hen Kora te, waa aa chɛ kɛŋɔ he ne he bala la ɛ laanee kɛŋɔ, hé kpɔ kwaa baa kpɔa dɛɛ buh nii la,

Nɛra Kura 17:8

Tɔ aa pera la, Mosis kaa jo Korowii Tɛnte Dea bela, dɛ Arɔn daŋɡbala waa cheɡa tɛ Lewi dea tena la moɡɛ papooni, hale dɛ fe, dɛ nɔnɛ daa bɛl nɔna baa dɛ yera almɔn.

Jeremia 30:21

Ba ɡbaɡba binii ba sitɔɔ waa ɛ ba kooro ɛɛ ba lee. Mɛɛ lawɛ ɡɛ nɛn laanee ba n be ó bɛn mɛ. Umee dɛ́ won ba n be dɛ n laa ta nɔn yerɔ wɔ? Men Korowiirii bola.

Jeremia 49:19

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Edom tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Jeremia 50:44

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Babelɔn tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Ɛsekeɛl 43:19

A chɛ kɛ he lawɛ nabale ɛ wechɔɡa kpɔe dɛ kɛ saraha tɛ Lewi dea tena baa ɛ sɔfore dɛ ɛ Sadɔk naanar. Banee dɛɛ ba n sie dɛ baa tom mɛ. Men Nemenɛ Korowiirii bola.

Ɛsekeɛl 45:4

Belaa dɛ́ ɛ bɔr tɛ sɔfore baa ba n sie dɛ́ baa tom mɛ. Belaa ba deene ne n Dea waa ɛ boɡoroŋ la ɛɛ ba cheɡa.

Kaala 28:41

Haa kpɔ laala nɔ do he dɔɔ Arɔn ne o bibaala tonɛ la, hé fuɡe noo do ba nyuune ta dɛ́ kpɔ ba sɔfo toma do ba nɔn ta. Ɛɛ ba bá do ɡoroŋ dɛ́ won dɛɛ ɛ n toma kɛŋɔ sɔfore.

Yela 115:10

Korowii sɔfore, hé kpɔ he te dawɛ Korowii nɛ, onee dɛɛ cha heya, dɛɛ tɔ heyaa ɡbemɡbe.