Nɛra Kura 16:10 - mzwDBL

¹⁰ Korowii kpɔ he ne he bala Lewi dea tena bwa bɛne o te, kɛ taraken he berɔ dɛɛ nyin sɔfore ɡe dɛ di ja.

Nɛra Kura 16:10 ပူးပေါင်းရင်းမြစ်များ

Sɛɡla 13:10

Waa nee jenu ɛɛ ba, wejeremee dɛɛ bɔɔ waa bini.

Nɛra Kura 18:1

Korowii ŋɔ Arɔn be ŋɔ, “He ne he bibaala ne Kohat dea tena baa le Lewi dea nɔn taa n Tɛnte Dea la wobɛlbwa do. Dɛ sɔfore toma ane ta aŋwɛnɛ ta kpɔe yaa, he ne he bibaala ɡbo deŋnee mɛɛ ba tɛra.

Nɛra Kura 18:7

He ne he bibaala la ɡboo chɛ kɛ hé ɛ sɔfore toma kon baa dɛ ɛ saraha o ta ne pateesan la bini toma. N kpɔ sɔfore toma la dɛɛ kɛ heya. Nɛmpɛɛ bɛlbwa waa ba Boɡoroŋ la jwɛɛh la chɛ kɛ bá kpoo.”

Nɛra Kura 3:10

Le Arɔn ne o bibaala dɛ́ kpɔ sɔfore toma la do ba nɔn ta. Nomɛlbwa waa wola sɔfo ɛɛ dɛɛ ɛ sɔfo toma la chɛ kɛŋɔ bá kpoo.”

Nɛra Kura 3:6

“Kpɔ Lewi dea tena ka tɛ sɔfo Arɔn, ásɛ ba ja o nɛɛ dɛɛ cha sɔfore toma.

Amanesoma Luk Aa Chwera Tɔn 22:24

Webeɡra berɔ ba chole o habɔteŋra la baah ta kɛ ba bini umee ɛ ba bwa nomoa ɔ?

Tɔn Pɔɔl Aa Chwerɛ Rom Tena 12:10

Hé lawɛ dɔŋa kɛ nyabii, dɛɛ tɛ dɔŋa duure ɡwaa ɡɛ haa dɛ lii he te ɡbaɡba.

Felepae 2:3

He bɛlbwa bɛ o ɡbo sɔn nyina kɛɛ jenu waa koh dɛɛ ɛ wa, kɛ hé pwɛr he te dɛ́ɛ tɛ dɔŋa, dɛ́ kpɔ ba ɡwaa he ɡbaɡba.

3 Jɔn 1:9

N fa chwerɛ waane dɛ tɛ asɔre tena bela, kɛ Dayɔtrafes aa dɛ nyin nomonome nomanta, o vɛh ya waa la.

Sitɔɔla 17:12

Maeka kpɔɔ ɛ o voɡ la kerekpoŋri, o do dem bela.