Nɛra Kura 15:4 - mzwDBL

⁴ a chɛ kɛ náate waa kpɔ saraha kwaa dɛɛ ba la ɛ mea kuruwa beŋkpoŋ del ja a ta ba tɛ Korowii. Á ɛ men aa kpera kɛrɛdɛ dɛ́ kpɔ noo pɛrɛntoa beŋkpoŋ ne fah koo a ta.

Nɛra Kura 15:4 ပူးပေါင်းရင်းမြစ်များ

Ɛsra 7:17

Nyiŋi kɛrɛdɛ dɛ́ kpɔ a ɡɛ suuɡa nɔ yawɛ nabala ne pebala ne pebiiri, dɛ mea sarahare ne sen sarahare, dɛ́ kpɔ ɛ saraha Korowii haa dɛ tomɔ la Dea, kon baa dɛ ɛ saraha o ta Jerusalam la ta.

Kaala 29:40

Pebie waa tɔ sie he kpɔ ɛ saraha la, kpɔ mea aa kpera kɛrɛdɛ kuruwa beŋkpoŋ, ne ɔleve no pɛrɛntoa beŋkpoŋ ne fah, ásɛ sen ɡe pɛrɛntoa beŋkpoŋ ne fah, dɛ́ fuɡe ɛ sen saraha.

Aesaya 66:20

Baa kpɔ he bala baa lɔ bela harɛre la ta laanee ba tɛ mɛ kɛŋɔ koŋkɛɛla ken. Jaɡre ne keeɡore ne nyoɡmare ne kwaa aa do kɛŋɔ torɔɡore, ne anɔ la aa dɔ tɔre baa taɡa nee baa ba koŋkɛɛla ne bala ba tɛ mɛ, n bwejen waa do ɡoroŋ ta Jerusalam. Baa ba a nee kɛŋɔ Israel tena yon kpɔ mea sarahare do kondɛɛɡa bini baa tɛ mɛ n Dea la ken.

Ɛsekeɛl 46:14

Hé kpɔ mea kuruwa beŋkpoŋ ne tama ja a ta chɔɔbɔr bɛlbwa, ásɛ a ɛ mea saraha dɛ́ kpɔ noo pɛrɛntoa dela anɛ koo a ta a pweh. Mea saraha kpɔe ba tɛ mɛ chɛ kɛ á chɔ le saŋ bɛlbwa dɛɛ la.

Lewi Dea Tena 1:13

Ó yaɡle o tea bini kwa ne o nakpale, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 14:10

Tɔ aa per tɔpenuatoro wee la, ó lawɛ pebali anɛ ne pelor aa di benanyoa, a bɛlbwa aa wola kirihiah dii la, ne men baa nama a kper kɛrɛdɛ kuruware atoro noo aa koo a ta, dɛ noo pɛrɛntoa fah.

Lewi Dea Tena 2:1

Korowii berɔ ŋɔ, “Nomɛlbwa kpɔ mea saraha dɛɛ ba n tɛɛ yaa, ó nama a kper kɛrɛdɛ. Dɛ́ fuɡe noo do a ta, dɛ́ ɛ daawiile ja a ta.

Lewi Dea Tena 2:15

Kpɔ noo do a ta, ásɛ dɛ kpɔ daawiile a sɔɔh aa soma ja a ta. A ɛ mea saraha.

Lewi Dea Tena 23:13

dɛ́ kpɔ mea saraha men aa kpera kɛrɛdɛ kuruware anɛ, dɛ́ kpɔ noo koo a ta ja fuh tɛ mɛ. A ɛ saraha baa dɛ fuh a bwa a sɔɔh ɛɛ do som n be. Dɛ́ berɛ kpɔ sen pɛrɛntoa beŋkpoŋ ne fah ɛ sen saraha ja a ta.

Lewi Dea Tena 3:7

Dɛ pebie nee o ba naa, ó kpɔ ba n sie,

Lewi Dea Tena 6:14

Korowii berɔ ŋɔ Mosis be ŋɔ, “Ŋwɛnɛre aa chɔ le tɛ mea saraha la ɡee nɔ. Arɔn bibaala la chɛ kɛŋɔ bá kpɔ ba n sie saraha kon la sie ba tɛ mɛ.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Nɛra Kura 28:12

Hé kpɔ men baa nama a kper kɛrɛdɛ kuruware atoro, dɛ́ kpɔ koo ɔleve noo ta ne nabal beŋkpoŋ la ta, á ɛ mea saraha. Ásɛ dɛ kpɔ men kuruware anɛ ja pebal la ta.

Nɛra Kura 28:4

Hé kpo pebali la beŋkpoŋ chɔɔbɔr, asɛ onɔ la ɡe jɔmɔra.

Nɛra Kura 29:6

A ɡɛ sarahare nɔ ja korobie bɛlbwa ne saŋ bɛlbwa sarahare, ne a mea sarahare ne sen sarahare ɡɛ waa baɡla la ta. Á ɛ sarahare haa fuah baa tɛ Korowii a sɔɔh ɛɛ do som o be.

Nɛra Kura 7:13

O saraha kwaa ɛ suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, suuɡapoŋ loɡ beŋkpoŋ baa ɛ nee dɛɛ do o bini, dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

Sitɔɔla 9:9

Anee ɔleve daa ŋɔ, ‘Maa won ɡel noo maa ɛa dɛɛ tɛ voɡa ne nɛra baa dɔ jirima nɔ, dɛ́ ba di kora he nɛ.’