Nɛra Kura 15:39 - mzwDBL

³⁹ Jɔɔra nɔɔ dɛɛ ba Korowii waa maa do heyaa a ta la dɛɛ liira, á ɡel hɛɛ teŋɛ a ta dɛ bɛ Korowii waa vɛh, dɛ́ kaa teŋɛ he pɛlchɔɡa kwaa haa dɛ naa, ne anɔ la aa lɔ he bambili ta la.

Nɛra Kura 15:39 ပူးပေါင်းရင်းမြစ်များ

Yela 106:39

A cheɡɛ ba we-ɛɛla ta, ba kpɔ doŋa kah ba te, ba waa ta kasinteŋ dɔe tɛ hen Korowii.

Yela 73:27

Nɛra baa berɛ habɔɔ kpoe la bwa ɛɛ serewoo, ɡɛɛ nɛra baa wola he waa ta teŋɛ la, hɛɛ ba ɡela ba ɡe serewe.

Ɛsekeɛl 6:9

Banɔ la baa laɡ ba kaa harɛfala ta la, belaa baa ba liira kɛŋɔ ba fa ɛo wechɔɡa, dɛ vɛh o waa ta teŋa, dɛ kaa tomɛ voɡa. Ásɛ a we ba nɛ, wechɔɡa ne waa Korowii aa kia ba ɛ la wa.

Sɛɡla 28:26

Nomɛlbwa waa kpɔ o te ɛɛ dawɛ o ɡbaɡba liire ta la ɡɛnɔ, kɛ nɛn waa dɛ teŋɛ wejerema waa ta dɛ́ dɔ o nyu.

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Sɛɡla 3:1

N bie, bɛ waa maa baɡle nɔ soh, ɡel he liire do waa maa ŋɔa hɛɛ ɛ ta,

Job Tɔn 31:7

dɛ n bɛɡɔ le o ŋwɛnɛ la ta, dɛ n siwi ɡelɔ n bambile lawɛ wechɔɡa kɛɛ dɛ n ɛ wechɔɡa dɛ kah doŋa aa,

Mmarare 29:19

Haa dɛ no ntam nɔ bini waa nɔ, nomɛlbwa bɛ o liire ba ɛ kɛŋɔ o na som dɛɛ ɛ deŋnekpeɡ, dɛ́ kpɔ o ɡbaɡba ŋwɛnɛ aa maɡre tɛo. Anee dɛ́ ɡel Israel tena bwa dɔ deŋnetɛra.

Hosia 2:2

Korowii ŋɔ Israel tena be ŋɔ, “N bii, hé soŋe he bala baa do kɛŋɔ haah o jwamane nomanta, n haah naa wola on ɛɛ, o ɡe jaa laa men la, ó ɡel o bannyin la, dɛ́ ɡel jwamanwaa la.

Jeremia 9:14

Kɛ ba ɡarɔ teŋɛ ba bambikpeɡ we-ɛɛla ta. Voɡa Baalre nɛɛ ba teŋɛ dɛɛ toma, ɡɛ ba naawa aa baɡ ba la.

Mmarare 6:12

hé nyiŋi kɛrɛdɛ dɛ bɛ Korowii waa soh. Onee le he ne Ijipt harɛ he fa aa di somanjiri o ta la.

Mmarare 4:23

Hé nyiŋi kɛrɛdɛ dɛ bɛ fɔo he ne Korowii aa fɔwa la waa soh. He bɛ komɛlbwa kwaa dɛ tomɔ ɡɛ Korowii aa do heyaa la.

Kaala 13:9

Gel tɔpere la dii do kɛŋɔ nɔnloɡ, kɛɛ komɛl haa kpɔ vɔwɛ he tile ta, dɛɛ liiri Korowii Mmara la ta teŋa. Dɛkalkɛ Korowii kpeɡri ne o bokpeɡaa o kpɔ lawɛ le Ijipt harɛ ta.

Mmarare 8:11

Hé nyiŋi kɛrɛdɛ kɛŋɔ haa Korowii haa dɛ tomɔ la waa soh, dɛ́ ba vɛh o Mmarare maa kpɔa dɛɛ tɛ heyaa fini nɔ.

Mmarare 8:14

he bɛ he te maŋkura dɛ́ ba soh Korowii haa dɛ tomɔ o lawɛ heyaa le Ijipt harɛ ta somanjiri dii ta la wa.

1 Koranar 12:33

Korobinuatoro, tɔpera fi dɛ anue waa lea cheɡ ta la, o la Bɛtel ka kpoo kwaa saraha kon la ta. Gɛɛ o cheɡ tɔpejen tɛ Israel tena dɛ la kaa ɛ sarahare bela.