Nɛra Kura 15:31 - mzwDBL

³¹ Waa ɛ Korowii nɛnhɛla dɛ chɔɡ o Mmarare nomanta, naate ta chɛ kɛ bá kuro ja o nɛra bini kpa. O wechɔɡa dawɛ o nɛ.”

Nɛra Kura 15:31 ပူးပေါင်းရင်းမြစ်များ

Sɛɡla 13:13

He ɡelɔ wedɛɛɡa kpɔ he deŋna habɔɔ kaa laa, waa he nyin dɛɛ dawɛ he nɛ, kɛ he teŋɛ a ta naa, he bwara dɛ sɔɔhne.

2 Samoɛl 12:9

Ɛrɛɛ he vɛh men Korowii waa maa doe a ta dɛ ɛ wechɔɡa ɡɛ nɔɔ? He ɡelɔ ba kpo Uria Hiti te la, asɛ he kpɔ o haah mo. Amɔn tena nɔn taa he kpɔɔ do, dɛ ɡel ba kpoo laa ta.

Ɛsekeɛl 18:20

Naate waa dɛ ɛ wechɔɡa laanee dɛɛ sewɛ. Bie ta chɛ kɛ ó na wa o mɛɛ wechɔɡa wa, mɛɛ ɡe ta chɛ kɛ ó na wa o bie wechɔɡa wa. Nomɛlbwa o waa aa toɡra wɛɛ ɛ wedɛɛɡa dɛ́ dɔ andɛɛɡa, nomɛlbwa waa dɛ ɛ wechɔɡa ɡe, wechɔɡaa dɛɛ teŋɛ o nɛ.

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.

Yela 119:126

N Naa Korowii, saŋ telo kɛ he ir nyu ne, dɛkalkɛ nɛra vɛh he Mmarare la ta teŋa.

Lewi Dea Tena 5:1

Korowii berɔ ŋɔ, “Dɛ nomɛl dɔ waane, asɛ bɛl jemɛ a bini ba yerɔ ŋɔ o ba di danseɛ o ta waa waa naa kɛɛ dɛ jemɛ la bolaa, dɛ o ɛ wechɔɡa dɛ chɛ deŋnetɛra.

2 Pita 2:21

Dɛ ba fe ta Korowii ŋwɛnɛtoɡre la waa noɛ ka aa, a fe bɔ ba nɛɛ dɛ ɡwaa kɛŋɔ baa jemɛ Korowii ŋwɛnɛ la dɛ vɛh waa o ɡbaɡba aa ŋɔa báa ɛ la ɛɛ.

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Aesaya 30:12

Anomanta, Israel Nɛŋɡoroŋ la ŋɔ, “Haa vɛh waa nɔ, dɛ kpɔ he ɡbaɡba ŋwɛnɛ dɛɛ di kpeɡri nɛra nɛɛ dɛɛ neɡ ba nomanta,

Yela 38:4

N wechɔɡa ɡwaa n nɛɛ kohona, a do kɛ bontɔɡa maa wola won che.

Lewi Dea Tena 26:43

Kɛ ba bwa ɛɛ chwao le harɛ la ta, ásɛ o chɔ pɛɛ dɛ́ onɛ ɡɛ aa chɛa. Ásɛ dɛ bɔ ba wechɔɡa baa ɛa la bwa kem, dɛkalkɛ ba vɛh me Mmarare ta teŋa.

Lewi Dea Tena 26:15

dɛ vɛh me Mmarare ne n waa ta teŋa, dɛ chɔɡ fɔo n ne haa fɔwa la aa,

Yela 107:11

dɛkalkɛ ba ɛ Nemenɛ Korowii deŋnekpeɡ, dɛ vɛh waa waa baɡ ba ta teŋa.

Kaala 30:33

Nomɛlbwa waa ɛ konsɔɔhsoma nɔ siwi, kɛɛ dɛ fuɡe ane do nomɛlbwa waa wola sɔfo ɛɛ nyu ta la, a chɛ kɛŋɔ bá le o ne o nɛra bini.”

Nɛra Kura 9:13

Dɛ nomɛlbwa ta doŋa kaeh, o ta bobɛlbwa ɡe kaalɛ dɛ saah vɛh tɔpejen la dii yaa, baa naatee kure ja n nɛra nɛɛ kpa, dɛkalkɛŋɔ o ta o saraha kwaa kpɔe ba tɛ men Korowii a saŋ ta. Naate nyin waa dawɛ o nɛ, dɛ chɛ deŋnetɛra.

Mmarare 17:12

Dɛ nomɛl baah suu o ta waa nɛn waa dɛ pa bole kɛɛ sɔfo waa cheɡɛ Korowii haa dɛ tomɔ la naa ta waa ta teŋaa, kpoe chɛ kɛŋɔ bá kpoo. Gɛ ŋwɛnɛ nɔ taa hɛɛ ba cheɡa, dɛ́ le ɡɛ wechɔɡa la ne Israel harɛ ta.

1 Samoɛl 3:14

Gɛ waa nɔ nomanta, n ŋwɛɛrɔ kɛŋɔ Eli ne o dem tena wechɔɡa baa ɛa la, hale kwaa kpoora kɛɛ saraha bɛlbwa ɛɛ aa won larawe tɛɛ ba.”