Nɛra Kura 15:30 - mzwDBL

³⁰ Kɛ nomɛlbwa saahnɔ ɛ wechɔɡa aa, bwɛɛlembie yo, hɔɔhree yo, naate ɛ Korowii nɛnhɛla. Gɛ nɛn la ta chɛ kɛŋɔ bá kuro ja o nɛra bini.

Nɛra Kura 15:30 ပူးပေါင်းရင်းမြစ်များ

Mumpar 17:14

Bɛlbwa waa wola o pen teŋe la ta n nɛra nɛɛ jae kpa, dɛkalkɛŋɔ o ta n fɔo la ta teŋɛ.”

Job Tɔn 38:15

Wechɔɡ-ɛɛra aa bɔchaah ta nyin, aa ɡelɛ ba dɔ bɔr dɛɛ di ba dichɔɡa.

Yela 19:13

Lɛɛ mɛ le wechɔɡa maa saahna ɛ ta, bɛ ɡel a lɛ n liire. Anee dɛ́ ɡel n waa do wer, ásɛ n dɔ n te le wechɔɡa ɛɛ ta.

Yela 69:9

He Dea la waa swɛɛ n siwi taeh, chɛɡa baa dɛ chɛɡre bwa ɡe dawɛ n nɛ.

Yela 74:18

N Naa Korowii, na ɡɛ he dɔma aa dɛ mamɛ, na ɡɛ nɛra baa wola hen tomɛ aa dɛ ɛɛ nɛnhɛla.

Yela 74:22

N Naa Korowii, ir nyu ne, dɛ́ nyiŋi he waa ta, dɛ́ dɔ waane bol, bɛ soh kɛŋɔ ɡɛna dɛ mamɛ saŋ bɛlbwa.

Yela 79:12

N Naa Korowii, bɔ harɛre baa kaa la kem bele anuanɛ, chɛɡa baa dɛ chɛɡre la wa.

Yela 89:51

He dɔma dɛ chɛɡre kooro haa leo cheɡ la. Bela waa kpɔ bwa, ba dɛ chɛɡro.

Kaala 21:14

Kɛ dɛ nomɛlbwa dɔ o dɔŋ liire dɛ ka kpoo waa, hale o chwao ka marɛ n saraha kon la dɛ́ dɔ o nyu kwaraa naa, hé lawɔ le, ásɛ dɛ ka kpoo.

Kaala 30:33

Nomɛlbwa waa ɛ konsɔɔhsoma nɔ siwi, kɛɛ dɛ fuɡe ane do nomɛlbwa waa wola sɔfo ɛɛ nyu ta la, a chɛ kɛŋɔ bá le o ne o nɛra bini.”

Sɛɡla 14:31

He dɛ do nyaara weweele aa, he dɛ chɛɡɛ Korowii waa ta ba, kɛ he dɛ ɛɛ ba kɛrɛdɛ naa, he dɛ tɛ Korowii jirima.

Ɛsekeɛl 20:27

Nemenɛ Korowii berɔ ŋɔ men Ɛsekeɛl be ŋɔ “Nɛwɛnyini bie, berɛ ŋɔ Israel tena be kɛŋɔ, anɔ ɡe taa ba naawa ɛɛ mɛ nɛnhɛlwa dɛ le n habɔɔ.

Lewi Dea Tena 20:10

Dɛ baa nyin o dɔŋ haah naa, dɛ ba bwa bɔ jwamane, a chɛ kɛ bá kpo baa la ne haah la bwa.

Lewi Dea Tena 20:3

N sie ɛɛ beɡre naate nɛɛ dɛ́ pero le o nɛra bini, dɛkalkɛ lawa waa lawɛ o bie tɛ Molɛk la ɡelɔ o kpɔ doŋa kah n Dea, dɛ chɔɡ n sɔndɛɛɡe waa do ɡoroŋ la.

Lewi Dea Tena 20:6

Nomɛlbwa waa vɛh n toma dɛɛ la nɛn waa dɔ daabii dɛɛ yerɛ lala be la, n sie ɛɛ beɡre o nɛɛ dɛ́ pero le o nɛra bini.

Nɛra Kura 15:29

A ɡɛ Mmara nɔ chɔɔ tɛ nomɛlbwa waa wola saahnɛ ɛ wechɔɡa, hale Israel te kɛɛ hɔɔh bɛlbwa waa soɡe he bini.

Nɛra Kura 9:13

Dɛ nomɛlbwa ta doŋa kaeh, o ta bobɛlbwa ɡe kaalɛ dɛ saah vɛh tɔpejen la dii yaa, baa naatee kure ja n nɛra nɛɛ kpa, dɛkalkɛŋɔ o ta o saraha kwaa kpɔe ba tɛ men Korowii a saŋ ta. Naate nyin waa dawɛ o nɛ, dɛ chɛ deŋnetɛra.

Matiu 12:32

Nomɛlbwa waa bol waa yaɡɛ Men Nɛn Bie la, wɛɛ wonoo kpɔ kɛo. Kɛ nomɛlbwa waa bol wobochɔɡa yaɡɛ Korowii Domadɛɛɡe la te, fini ne kere, Korowii aa kpɔ kɛo bwa.”

Mmarare 1:43

N bol he be he ɛ lwɛmkpeɡ he ta Korowii waa waa bola la ta teŋɛ dɛ teeh kaa deŋɡarere la ta.

Mmarare 32:27

Dɛ berɛ lii kɛŋɔ he dɔma bɛ ba te ba maŋkura dɛ́ ŋɔ banee pɔ n nɛra nɛ, kɛ dɛ menee wona ɛ ɡɛ.’

Hibru 10:26

Korowii aa pili ya sie ya jemɛ o kasinteŋ nɔ, dɛ ya ta saahnɔ do wechɔɡa ta dɛɛ ɛ aa, saraha bɛlbwa toole bobɛlbwa dɛ fee ya wechɔɡa ya nɛɛ kpa.

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

2 Pita 2:10

Nɛra ba sie aa beɡre ba bwadabii nɔ wechɔɡa aa suu nɔ pɛlchɔɡa ta, baa wola waa bu la, ba deŋnee Korowii ɛɛ ba tɛra kohona. A ɡɛ nɛra baa teŋe nyosone ŋɔ ba dɛ chaɡle waa nɔ, waa ba bambile aa lawaa baa ɛ. Ba bambile kpeɡri! Baa nyundua toroma bu. Wobochɔɡa kwaraa ba bol dɛɛ yaɡ ba!

1 Jɔn 5:16

Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.

1 Samoɛl 2:25

Nɛn ɛ o dɔŋ wechɔɡa aa, Korowiirii dɛ́ won kwaa ba baah. Kɛ dɛ nɛn ɛ Korowii wechɔɡa aa, nɛn toole dɛ́ cha naate kpa.” Bii la ta ba mɛɛ kaeh waa kah ba la noɛ, dɛ Korowiirii ɛa ɡɛ dɛ́ kpoo ba.

1 Samoɛl 3:14

Gɛ waa nɔ nomanta, n ŋwɛɛrɔ kɛŋɔ Eli ne o dem tena wechɔɡa baa ɛa la, hale kwaa kpoora kɛɛ saraha bɛlbwa ɛɛ aa won larawe tɛɛ ba.”