Nɛra Kura 14:5 - mzwDBL

⁵ Belaa Mosis ne Arɔn kpɔ ba sie pi harɛ Israel tena baa chema la bwa sie.

Nɛra Kura 14:5 ပူးပေါင်းရင်းမြစ်များ

Mumpar 17:3

Belaa Abram kpɔ sie pi harɛ asɛ Korowii ŋɔ o be ŋɔ,

1 Koranar 18:39

Nɛra la aa na ɡɛ la, ba cholo dɛ kpɔ sie piiɡi harɛ, dɛɛ dooɡe lɔŋɔre ŋɔ, “Korowiirii ya Dɔɔ! O ɡbosoroo chɛ toma!”

1 Webena 21:16

Kooro Devid ha sie nyiŋi dɛ na Korowii nyundua torome la kɛŋɔ waa cheɡɛ harɛ ne nyundua baah, dɛ pamɛ kere pa Jerusalam dɛɛ ba o chɔɡa. Dɛ Kooro Devid ne o nomonome tɔ lweyale, ba cholo dɛ kpɔ sie pi harɛ.

Ɛsekeɛl 9:8

Ba lɔ nɛŋkpoa la ta, asɛ a ka n ɡbo che. Belaa n kpɔ sie pi harɛ dɛ do lɔŋɔre ŋɔ, “Oo! Nemenɛ Korowii, amɔ he dɛ ba Israel tena baa kaa nɔ bwa kpoora, dii he baah aa dia Jerusalam tena nɛɛ kohona nɔ wa aa?”

Daneɛl 10:9

N noɔ kɛŋɔ baa la dɛ bol wa, asɛ mɛɛ no, n sie den bir mɛ, n chole kpɔ sie pi harɛ.

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Nɛra Kura 14:6

Anee Nun bibaa Josua ne Jefune bibaa Kaleb ba fa aa ja nɛra la nɛɛ dɛ ka sɔh nyiŋi harɛ la laa ba laala baa doa la peeɡe, a baɡle kɛŋɔ ba dɛ di suna,

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Nɛra Kura 16:4

Mosis aa no ɡɛ la, o kpɔ o sie pi harɛ dɛ soŋe Korowii.

Nɛra Kura 16:45

“Hé laa he te kpɔ ɡɛ nɛra nɔ bini, ásɛ n won kpoo ba buɡ nɔ ta ba waa tonɛ.” Asɛ Mosis ne Arɔn kpɔ ba sie pi harɛ dɛ soŋe Korowii.

Nɛra Kura 17:10

Korowii berɔ ŋɔ Mosis be ŋɔ, “Berɛ kpɔ Arɔn daŋɡbala la ka tel N Ne Nɛwɛnyina Fɔo Daka la sie, ó do le dɛɛ baɡle lwɛmkpeɡ tena wa. Anee dɛ́ teŋe n waa baa dɛ naɡre nɔ ta dɛ bɛ serewe.”

Nɛra Kura 20:6

Ate, Mosis ne Arɔn le nɛra la bwa be, dɛ la Korowii Dea Cheremibɔr doonyoa bela, dɛ ka kpɔ sie pi harɛ dɛ soŋe Korowii, asɛ Korowii jirima ba ba nɛ.

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Josua 5:14

Asɛ baa la chaŋe ŋɔ, “N toole a bɛlbwa bini, Korowiirii lee mɛ ŋɔ ń ba tɔ o laa tena sie, asɛ n ba nɔ.” Ate, Josua ɡuŋu dɛ duuru ŋɔ, “N dɔɔ, bɔkwaa hɛɛ nyin kɛ he bonɔɔ ɛ tɛɛ nɔ?”

Josua 7:10

Anee Korowii ŋɔ Josua be ŋɔ, “Ir che! Ɛrɛɛ he kpɔ sie pi harɛ ɡɛ nɔɔ?

Wepila 4:10

dɛ nomonome fifraanɛ dɛ banaarɛ la laa ba kooɡbɛrɛre pili bil kookara la sie dɛ ɡuŋi naate waa soɡe kookara la ta dɛ do le saŋ bɛlbwa la, dɛɛ duuru ŋɔ,

Wepila 5:14

Hweera kwaa anaarɛ la sio ŋɔ, “Aamen,” asɛ nomonome la ɡe ɡuŋi harɛ dɛ duuru.

Wepila 7:11

Asɛ nyundua toroma la che dɛ bar nomonome la ne hweera kwaa anaarɛ la ne kookara la, dɛ ɡuŋi dɛ kpɔ sie pi harɛ dɛ duu Korowii,