Nɛra Kura 14:23 - mzwDBL

²³ ba bini beŋkpoŋ ɡba aa harɛ maa ŋwɛɛ ntam dɛ baɡɛ ba naawa nyoa ŋɔ mɛɛ kpɔɔ tɛɛ ba la taa tel. Nomɛlbwa o siwi aa wola men tɔɡɛ la aa harɛ la taa tel.

Nɛra Kura 14:23 ပူးပေါင်းရင်းမြစ်များ

Nɛra Kura 32:11

‘Baala baa le Ijipt harɛ ta ba, dɛ dɔ bene fifraanɛ ne a habɔɔ la aa harɛ maa ŋwɛɛra, dɛ baɡɛ nyoa ŋɔ n kpɔɔ tɛ Abraham ne Aesek dɛ Jekɔb naanar laanee na, ba ta n nɛɛ teŋɛ bambile bwa ne.

Nɛra Kura 26:64

Banɔ la Mosis ne sɔfo Arɔn fa aa kur ba Sinai pua hɛŋle ɡbo harɛ ta la bwa serewɔ, beŋkpoŋ bɛlbwa ta kae.

Ɛsekeɛl 20:15

N berɔ ir nɔn pua hɛŋle ɡbo harɛ ta bela, dɛ ŋwɛɛ baɡ ba kɛŋɔ, maa ban kpɔ ba harɛ maa kpɔa tɛɛ ba la ta, harɛpare ondɛɛɡe dɛ ɡwaa harɛ bɛlbwa,

Hibru 4:3

Ya te nɔ, ya dɛ yarada Korowii waa la, anomanta, Korowii ɛɛ ɡeloo ya onɛ ona waa dɛ onɛ la bɛl. Ba chwerɛ Korowii Tɔn bini ŋɔ, “N baah aa dia la, n ŋwɛɛrɔ ŋɔ baa ona maa tɛɛ ba ŋɔ bá ba onɛ ɡɛ maa dɛ onɛ la dɔe ba bwa.” A ta baɡlɛ kɛŋɔ ona toole kpa. Gɛ saŋ Korowii aa ta harɛ la, dɛ o ɛ o wobɛlbwa tonɛ dɛ te onɛ.

Yela 106:26

Anomanta, he ŋwɛɛrɔ baɡ ba ŋɔ, hɛɛ ɡeloo bá serewe pua hɛŋle ɡbo harɛ ta,

Yela 95:11

N baah aa dia la, n ŋwɛɛrɔ ŋɔ, ‘Baa ona maa tɛɛ ba ŋɔ bá ba onɛ ɡɛ maa dɛ onɛ la dɔe ba bwa.’ ”

Nehemia 9:23

He tɛɛ ba bii ba warɛ kɛŋɔ weweela ken, dɛ ɡel ba yo nɛra dɛ pɔ ba nɛ, dɛ so harɛ haa baɡɛ ba naawa ŋɔ hɛɛ kpɔɔ tɛɛ ba la ta.

Nɛra Kura 26:65

Dɛ Korowii ŋɔ ɡɛ Israel tena la be ŋɔ pua hɛŋle ɡbo harɛ la taa baa ba serewa. Beŋkpoŋ bɛlbwa ta kae, nemenɛ Jefune bibaa Kaleb ne Nun bibaa Josua.

Mmarare 1:8

Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Jeremia 18:10

kɛ dɛ harɛ la nɛra berɔ dɛɛ ɛ wechɔɡa baa men duu aa, mɛɛ ɡel wedɛɛɡa n fe aa ŋɔa mɛɛ ɛo tɛɛ ba laanee.